الموضوع: استفسار عن صيانة 5000 لوجان 2013

دلوقتي انا اخويا جايب عربية لوجان 2013 زيرو من معرض

و عمل بيها حوالي 5000 كيلو ... بس للاسف معملش صيانة ال 1000

هنروح بكرة توكيل arab mechanics اللي عند السندباد ده عشان نعمل صيانة ال 5000

انا لما سألتهم قالوا من 9 ل 5 ... و من غير حجز ... هل ده صحيح ؟؟؟

و سعر صيانة ال 5000 كام ؟؟؟ و بيعملوا فيها ايه بالظبط ؟؟؟؟

و هتاخد وقت اد ايه ؟

مبدئيا مفيش صيانة الف في اللوجان الشكل القديم كله بداية من موديلات الشكل الجديد هو اللي فيه صيانة الالف
الصيانات ماشية كالتالي
5000 او 15000 او 25000 او ... كل الخمسات يعني صيانات مجانية تماما بيتعمل تربيط عفشة تشيك سوائل وانوار ولو ليك ملاحظة بيعملوها
10000 ، 30000 ، 50000 ، ... الخ دي بيتغير فيها زيت وفلتر زيت وتشيك علي الانوار وتربيط عفشة والسوائل وبرضو لو ليك اي ملاحظات بتتعمل
20000 ، 40000 ، 80000 ، 100000... الخ ده بيتغير زيت وفلتر زيت وفلتر هوا وبوجيهات وتشيك علي الانوار وتربيط عفشة والسوائل وبرضو لو ليك اي ملاحظات بتتعمل
الصيانات الكبيرة بتحصل كل 60 الف كيلو او 3 سنين ايهما اقرب ودي سير دينامو وسير تقسيمة ( سير الكاتينة ) وبلية سير الكاتينة ومياه الريدياتير و بيتغير زيت وفلتر زيت وفلتر هوا وبوجيهات

حضرتك ليك ضمان 3 سنين او 100 الف كيلو ايهما اقرب خلال الفترة دي اي حاجة بتبوظ بتتعمل في التوكيل
ما عدا الحاجات الاستهلاكية بيبقي ليها ضمان فترة معينة
البطارية ضمانها سنتين او 60 الف كيلو ايهما اقرب