الموضوع: ابيزتى العزيزة 2000 جابت وش سلندر

حاسس انى فى صحرا

فيه موضوعات كتير عن المشكلة دى قلب كده هتﻻقى واوﻻ واخيرا قدر الله وما شاء فعل

أنا هقولك كلام عام ..يعني كلام يتقال على أي شغلانة وش سلندر

أولا لازم دورة التبريد عندك تتضبط تمام تمام تمام ..بقى ياراجل في عربيه تبقى محتاجه شجرة مياه وتأجلها ..ده إلا التبريد بتاع المحرك ده ..مفيهوش تهاون ولا تأجيل

ثانيا ..الميكانيكي هيفك الوش ويشوف الوش سليم ولا قفع ..لو قفع يبقى ياخد مسحه ..لو سليم يبقى يحط الجوان بتاعه ويقفل ويربط كويس بالطريقه اللي بيسموها إكسات ..أو صليبه ..

بعد كده الميكانيكي هيقولك بعد شهر تروحله يحرقلك على الوش أو على رباط الوش ..وده على حسب الميكانيكي ما يقول ..ممكن يقولك لأ ..مش محتاجه تيجي تاني ..

اللي أهم بقى من ده كله ..شغلانه وش السلندر دي ..لو متعملتش صح ..هتشوف أيام ما يعلم بيها إلا ربنا وممكن تبيع العربيه فيها ..يبقى المهم إيه في الشغلانه دي كلها ؟؟؟...ميكانيكي فاهم شغله كويس قوي

المشاركة الأصلية كتبت بواسطة sala7

استنى بس يا عم الحج اهدى كدا و صلي ع النبي
وش سلندر ايه اللي لو مفقع يتمسح ؟؟
و ازاي بعد ما يربط وش السلندر يرجع يقولك تعالى احرقلك عليه في الربط ؟؟؟؟
مين اللي قال كدا ... ؟؟؟ وش السلندر له خريطه بيتفك بيها و له مفتاح عزم و ارقام عزم بيتربط على اساسها مره و شكرا
حضرتك بتقول المهم في الشغلانه دي الميكانيكي الشاطر ... هل الميكانيكية الشطار بعملوا الشغل اللي بالطريقة اللي حضرتك سردتهالنا ؟؟؟


الكلام السليم في الموضوع ده ان شاء الله و ردا على استفسار صاحب الموضوع
اولاً هتروح لميكانيكي (فاهم) مش (ميكانيكي شاطر) لان من اللي بشوفه هنا في المنتدى ما شاء الله الميكانيكية معظمهم شطار
هيفك الوش ويتفرج على حالة الموتور (راس مكنة / شورت بلوك) من الداخل .. بس في حالتك التركيز هيكون على وش السلندر و على راس الموتور اللي اتفكت
بعد اذنك لو الراس فيها تعريج نتيجه السخونية ياريت تتغير بواحده استيراد سليمة (وبلاش مسحة المخرطه) في حالة تعرج السطح
المسحة اللي بتتعمل على راس المكنة(السليمة) بتتعمل (قشط او سنفرة ) علشان نشيل الاوساخ و الزيوت الجافة من على الوش نتيجه الاستخدام .. علشان زي ما بيقولوا يبقا على نضافة

حضرتك ممكن تقولي و نغير ليه ياعم الحج ما فيه ناس كتير راحت عملت وش السلندر في مخرطه و ماشي زي الفل
وانا بقولك لو العملية نجحت مع ناس بنسبة 80% ممكن حظك يقع مع الناس اللي من 20% و ما نجحتش معاك زيهم و يبقا فرمت فلوسك في الارض ده غير وجع الدماغ و العطلة و الشغل اللي اصلا مش صح.
خد بالك من حاجه .. لو فيه (crack) واحد بمعنى ( شرخ/تاكل/بارومه/كسر الحواف ) جوة الوش ، و راح المخرطه عادي و مسحه و نضفه و رجع يركب عادي هنا بقا المعاناه اللي هنواجها بعد كدا ، احتمالات كتير هتحصل و انت و ظروفك و ترجع تاني تفك و تشوف و تصرف و هالتلي

الشغل لازم يبقا صح من اول مرة عند واحد فاهم علشان امشي بالعربية فتره لا باس بها بدون ممشاكل

طيب الراس اللي هتتفك و يركبها جوان وش سلندر او الراس الاستيراد اللي هتيجي و هي مفكوكه كدا يتعملها بالمرة روديه او تتطبيع الصببات و تنظيفها في مكانها بمعنى
الصبابات هتتفك و تتجلي بالطريقة الصحيحة و يتغير لها اويسلات جديدة مرة واحده قبل الربط

بعد كدا هتروح تشتري جوان وش سلندر معدني و يارت الاصلي لان عمره طويل جدا


الخلاصة
1- هتشتري وش استيراد هتركب اللي عندك تاني ......... لو وش السلندر معرج (بلاش تمسحه في المخرطه) مش صح . ليه مش صح لانه بيقلل مليمترات من و الوش و بالتالي هيقعد الصباب في الاخر على البستون و بالتالي هيبقا فيه شغل تاني انه يخرط على البستون علشان يعمل هوسنج جديد يبات فيه الصباب و هو اصلا سليم ده غير ان اللي بقولهولك اصلا ده بيتعمل في ورش خاصه جدا جدا و الخراط بيكون مهندس ميكانيكا و عارف هو بيعمل ايه و في كمبيوتر جمبه باخد عليه المقسات مظبوط (شغلانه يعني مش اي كلام (سيبك انت من المصريين بيعملوا كل حاجه دي) .. لو اضمن اني الخراط يجيب الشغل بالملي و المكنة ما ترزعش توكل على الله...... بس مين اللي يضمن ؟؟؟
ده غير ان الشغل ده اصلاااااا غلط في المواتير الصغيرة دي .. الموتور ده متصمم بالمقاس هنيجي بقا احنا نمشي حالنا بالشغل الفاضي ؟؟؟
2- طلاما فكيت الوش بالمرة اويسيلات صبابات سواء للاستيراد او اللوش اللي عندك و ماتنساش جوان معدني اصلي .
3- ميكانيكي فاهم بيعمل ايه ...مش كفتجي .

تحياتي

والله كلام حضرتك كلام علمي وسليم وممنطق ..بس صاحب الموضوع لو عايز يعمل الموضوع بالخريطه ومفتاح العزم ..وعايز ميكانيكي فاهم وشاطر مع بعض ..يبقى ياخد بعضه ويطلع على التوكيل عدل ..وميضيعش وقت مع الميكانيكيه الشطار ..ده حتى صاحب الموضوع رد على حضرتك وقالك مفيش ميكانيكي عنده مفتاح عزم ..وأنا أضيف من عندي ..مفيش ميكانيكي معاه خريطه لربط وشاش السلندر في العربيات اللي بتروحله ..يبقى الحل عند التوكيل ..ده المكان الوحيد اللي هيعمل الشغل صح الصح

انتا اعمل الجوان و كون عامل حسابك ان العربيه هتبوظ بعد 6 شهور بالكتيير .... انا بعت عربيتى من 3 سنين بسبب حوار الجوان دة ..... و مفيش جوان كمل معايا 4 شهور مع ان سواقتى هاديه .... و اللى اتعلمته من موتور الابيزا انه مبيقبلش صيانات داخليه بسهوله سواء عمرة او وش خصوصا ال 1000 سىسى لكن لو موتور كبير هتنفع