الكربراتير بيرمي بنزين فيدوني الله يكرمكم

**tefa_memo** · 13-10-2014 05:32 AM

عندي مشكلة مش عارف من ايه وقلت اخد رايكم قبل ما اجيب ميكانيكي
العربية كانت مركونة بقالها 3 ايام نازل بالليل رايح اجيب طلب ودورت العربية دارت بس شميت ريحة بنزين جاية من عند الكبوت فتحت الكبوت لقيت بنزين نازل من تحت العمة بينقط مش عارف من خرطوم ولا من ايه لان الدنيا كانت ضلمة ويدوبك شايف علي ضوء الموبيل المهم سبت الكابوت ورحت ازود بنزين الار بي ام نزل والعربية بطلت
واروح الاقي البنزين بينقط من تحت العمة بتاع الكاربراتير بصراحة اول مرة اتعرض للموقف ده
انا كنت قبلها باسبوع مغير خرطوم الفايز بتاع البنزين اللي تحت عند التانك لانه كان بيسرب من تحت وغيرته وراح التسريب
بصراحة انا خايف والحمد لله ان معملتش شرر ولا حاجة لا قدر الله
انا لسه جايب كربراتير من شهرين زي الفل الحمد لله محلول من مكنة قدامي
مش عارف المشكلة دي من ايه وحلها ايه يا رب تكون بسيطة
ومستني عمالقة الهوندا يفدوني افادكم الله
العربية 93 ex اوتو