الموضوع: هسرفس العربيه قريب ومحتاج مساعدتكم

المشاركة الأصلية كتبت بواسطة windows9x

العربيه جولف 4 1400

عايز اجيب ديسك واسطوانه وبليه، وانا عارف ان فيه لعب كتير فى قطع الغيار اليومين دول، فاجيب ايه واجيبه منين؟

كمان الاربع طنابير عندى ديسك مفيش درام، فا الصح انى اغير تيل الفرامل بتوع الاربع فرد ولا اللى خلصان بس؟ وايه التيل الكويس اللى فى السوق واجيبه منين؟

تانى حاجه، اخرط طنابير ولا اجيبهم استعمال ولا جداد؟ انا الفرامل عندى بترج الطاره لما افرمل، فا غالبا هخرط طنابير، بس مش عارف اللى قدام ولا اللى ورا، لما هفك هنشوف

عايز اغير الكارتيره المطاط اللى على الكاوتشات اللى قدام عشان متقطعين، حد يعرف سعرهم كام؟

شكرا

بص شوف الساكس الالماني دي الاصلي بتاعت العربيه هتلاقيها في حدود 800ج الطقم كامل وممكن تلاقيه عند فتح الباب في وسط البلد في التوفيقيه بالنسبه للطنابير انا مش بعترف بالخرط انا بغير علي طول والجديد افضل انا جبت الاربعه جداد في الباسات ب1000ج اكيد الجولف ارخص لانهم اصغر حجما وجبتهم الماني شوف السواج محترم جدا التيل انا مركب تيل امامي توبران الماني ده نضيف اوي ومش بيصفر خالص وقعد معايا 20000كم وغيرته وكان لسه فيه وكان عامل 180ج والخلفي جبت بوش ب200ج وحلو جدا وبالنسبه للكرتيرات الواحده هتلاقيها في حدود 75ج جديد وعموما انزل التوفيقيه شوف الاول عند فتح الباب وبعديه واحد اسمه البطل دول اسعارهم كويسه وحاجتهم نضيفه الي حد ما لان القطع الاصليه مابقتش بتنزل وعموما انضف 3 ماركات تجيبهم قطع غيار فيبي وسواج وتوبران غير كده كله ضرب وان شاء الله بسيطه وابقي طمنا عملت ايه واعمل تقرير ياسعار قطع الغيار علشان الاعضاء يستفادوا وان شاء الله خير