الموضوع: جيتا 2010

صح الفتيس ال DSg فيه مشاكل بالذات في الدفعات الاولي منه وتكلفه صيانته غاليه يعني الميكاترونيك وده بيتحكم في النقلات وده اللي بيبوظ كتير من الزحمه بيعمل 28000ج والاسطوانات بتعته 10000ج وفيه ناس الفتيس عاش معاها مده طويله وفي ناس العربيه جابت فتيس بدري فلو عجباك الجيتا هات موديل اول 2009 الفتيس القديم زي الفل ومفيهاش مشاكل غير ان العربيه واطيه وبتحك في المطبات وده في كل موديلات الجيتا من 2006-2011 وبتتعدل بتركيب جنبين اوكتافيا A5 استيراد بتبقي فل

المشاركة الأصلية كتبت بواسطة mth690

ألف شكر للرد الوافى
بالنسبة للفورد فوكس تعرف معلومات عنها ؟؟ و الأوكتفيا كمان بما انها الأقرب للجيتا أنا معايا 140 ألف

بالنسبه للفوكس عربيه لاغبار عليها محترمه جدا وتقفيل الماني بس الفتيس ال Power Shift بتاعها زي الDsg بتاع الفولكس كده ده غير ان سوقها وحش في مصر وقطع غيارها اغلي من الجيتا عموما ال140 دول يجيبولك فانتازيا 2009 اول فئه حلوه وعداد قليل وممكن يجيبولك A5 هاي لاين 2009 فتحه سقف وكل حاجه فيها والa5 والفنتازيا واحد ما اكتر من ان الفنتازيا فيس ليفت للA5 وعندك الباسات ال2009 الفتيس القديم حلوه جدا بس عيبها انها بتسقف شويه مع البنزين ال92 بس انا ارشحلك في كل دول الاوكتافيا A5 الهايلاين لانك معاك عربيه سوقها حلو وقطع غيار منتشره واسعارها كويسه وعاليه عن الارض وشنطه بحر وفوق كل ده هتاخد اوبشنز كتيير علشان الهاي لاين وكل ماتعلي بالموديل هيبقي احسن وحاول تشوف حاجه 2009 اخر الشكل وصيانتها في التوكيل وربنا يوفقك للاصلح

المشاركة الأصلية كتبت بواسطة mth690

الف شكر هدور على أوكتافيا a5 أو جيتا 2008-2009 الفتيس 6 سرعات

ربنا يكرمك ان شاء الله بحاجه محترمه بس خللي اولوياتك اوكتافيا هاي لاين وبعدين جيتا هايلاين