انا مش شايف اي موضوع فيه شخصنة و لانفسنة كما تفضلت الاداره انه مجرد راي لااكثر
وانا مش داخل هنا عشان اعلق على شخص ولاشيئ انه مجرد و جهة نظر ومش مستهلة الدنيا تقوم اوي كده
شكرا
عرض للطباعة
انا مش شايف اي موضوع فيه شخصنة و لانفسنة كما تفضلت الاداره انه مجرد راي لااكثر
وانا مش داخل هنا عشان اعلق على شخص ولاشيئ انه مجرد و جهة نظر ومش مستهلة الدنيا تقوم اوي كده
شكرا
يا باشا هدي نفسك ، الموضوع نام و اتنسي
و الدنيا ماقامتش و لا حاجة، لان مفيش حاجة تستاهل اصلا
بصراحه فيه منهم سواقين 10/10 بس الغالبيه ربنا يتولاهم ويتولانا برحمته
يا جمااااااعه معلش حصل موقف ولازم احكيه حصل امبارح
وانا ماشى ورايح اشترى 2 مساعدين منرو انا من حلوان فا ماشى فى شارع صالح صبحى للناس اللى تعرف حلوان يعنى المهم الشارع ده ميعديش غير عربيه وحده علشان بتبقى فى عربيات راكنه على جنب المهم ايه احنا ماشين وعربيه سيقها وحده ست وداخله علينا يعنى احنا حوالى 6 عربيات داخلين فى الشارع والست ديه داخله من اول الشارع جايه عكسنا المهم الراجل اللى قدامى قاعد يديها كلكس علشان تستنى دخلت بردو المهم الست وقفت ومش عاوزة تتحرك من مكنها وقاعد تزعق وراحت قفلت العربيه ونزلت من العربيه ودمغها والف سيف ان ال6 عربيات يرجعو بضهرهم وهيا تعدى الأول ووالله يا جماعه كانت ممكن ترجع مسافة 3 متر بس وتعدى العربيات كلها فا شوفتو الستات عاملين فينا اييييييييييييييه واتأخرت امبارح على معادى وكانت قصه
فعلا مبحبش سواقة الستات لانهم لما بضربوا لخمة بيوقفوا الشارع كله، مع احترامي طبعا لهم في اي مجال اخر بس في السواقة فاشلين
بس لكل قاعده شواذ ..
انا شخصياً
ببعد عن اى عربية راكبة واحدة ست
خصوصاً لو كانت فاكرة نفسها راجل وبتعرف تسوق
انا بردوا لما بشوف ست سايقة بابعد عنها عالطول حت وانا ماشي على رجلي ببعد عالطول احس واحده ظريفة كانت هتدوسني ودخلت علي بالعربيه انا اتشهدت عالطول فعلا فاشلين في السواقة:funny34d::funny34d:
ياخوانا فضوها سيرة بأه الله يكرمكوا!!
فعلاً سواقة الستات مشكلة ... عارفين ليه ؟ لأنهم بيحاولوا يمشوا صح فى وسط بشر واخدين الدنيا فهلوة
لو حضراتكم شايفين أن الستات بتعرف تسوق يبقى تحترموهم وتعطوا للطريق حقه ولو شايفين أنهم مبيعرفوش يسوقوا وأعصابهم خفيفه( وديه حقيقة لا احد ينكرها) يبقى تساعدوهم وتدوهم الأمان فى الطريق
أنا معاك تماماً وبشوف فعلاً حماقات شباب فى الطريق لا تحتمل بس أحنا أتعودنا نبص على أخطاء السييدات
مفيش كلام موضوعى أكثر من ده كل واحد يبص لعيوبه وبعدين ويمشى صح من غير ما يقول ست ولا راجل
فعلاً المشكلة ثقافة شعب ... وعلى فكرة أنا كمان بقول منك لله يا قاسم يا أمين بس مش عشان السواقة لكن عشان الستات مبقتش عارفة صلاحياتها
مع أحترامى الشديد لأرائك ما شاء الله عليكى بس أنا مش معاكى فى النقطة ديه لأن المطلوب من المناقشات ديه تغيير معتقداتنا الخاطئه وده مش فى السواقة بس
Mrs.NYSMA
غالبية السيدات او البنات تقودن بحذر شديد يسبب اعاقة لحركة المرور و هذا يرجع الي طبيعة المرأة انها مترددة و شكاكة , لكن هناك علي الجانب الاخر الرجال و الشباب الذين يقودون سياراتهم بثقة زائدة و باستهتار و رعونة غير مبالين بالاخرين
الموضوع ليس رجال او نساء شباب او بنات و انما الموضوع له علاقة باخلاقيات القيادة و قواعد المرور التي يجب ان تطبق علي الجميع دون النظر الي الجنس او المنصب او اي اعتبار و الدليل علي كلامي اي دولة اخري غير مصر حيث نجد السيدات يقدن سياراتهن مثل الرجال تماما لافرق اطلاقا
لذا فانا اعترض علي الموضوع من وجهة النظر هذه و أري انه يجب ان تكون نظرتنا اشمل و موضوعية اكتر حيث ان قيادة السيارات في مصر من امثلة الفوضي و العشوائية التي نعيشها و تحكم تصرفاتنا و قراراتنا
ممكن اعرف الطريق ده كان طريقها هي ولا طريق ال 6 عربيات التانيين؟
يعني اقصد مين فيكوا اللي داخل الشارع عكسي من اتجاه مخالف.
لو الست هي اللي ماشية مضبوط وانتوا اللي جايين عكسي يبقي عندها مليون حق تعمل كده لان الطريق المفروض طريقها وانتوا اللي غلطانين وداخلين غلط يبقي ترجعوا بضهركوا غلط برده "من افسد شيئا فعليه اصلاحه" ومش عشان انتوا ست عربيات وهي عربية واحدة تبقي هي اللي ترجع، مينفعش واحد يغلط وانا يُطلب مني اني اصلحله غلطه كمان ، المفروض كل واحد مسئول عن خطأه.
(If it's my way, it is my way).
اما بقي لو هي اللي داخلة عكسي فيبقي هي اللي غلطانه مفيش كلام والمفروض ترجع بعربيتها وتعتذر كمان ومتدخلش الشارع عكسي اساسا وده يطبق على اي حد سواء راجل او ست اللي يغلط يعتذر ويتحمل نتيجة خطأه مش بلطجة والسلام :pissedoff:.
بيتهيألي :g: ان لو نفس الموقف بحذافيره حصل من راجل كان هايطلعله الف عذر ويتقال معلش اصله راجل كبير وخليها عليك انت المرة دي انت الصغير او يمكن المارشدير عنده فيه مشكلة او يمكن مبيعرفش يرجع بضهره او يمكن او يمكن اي بطاطس والسلام المهم هايتوجدله وقتها مليون عذر ويمكن مكنش الموضوع يتحكي اصلا وكأن شيئا لم يكن ويعدي زيه زي غيره من مواقف السواقة السخيفة اللي بتحصل لكل واحد فينا لكن عشان اللي اتسببت فيه واحدة ست يبقي لازم نسلط سبوت كبييييييييييير على الموضوع ونكبر حجمه اكتر واكتر عشان نطلع الستات مبيعرفوش يسوقوا ونقول (هـ . ط . ث)
طب ياريت جماعة المضايقين من سواقة الستات يتحدوا مع بعض كده ويشوفولنا حل بديل واحنا نعمله ونمتنع عن السواقة وفروا مواصلات ادمية بجد نركب فيها من غير مانتعرض لإهانات وبهدلة وعطلة واحنا مش هانسوق عربيات تاني لاننا مش بنسوق حبا في السواقة ولا عشقا لقرف المرور وبجاحة سواقين الميكروباص والنص نقل ولا عشان نقوي عضلات ايدينا ورجلينا بتمارين السواقة اليومية بالعكس احنا قرفانين من السواقة وانا عن نفسي اتعس لحظات حياتي هي الوقت اللي بقضيه وانا سايقة رايحة شغلي او جاية من شغلي او اي مشوار بالعربية :no: (كداب ونصاب اللي قالك متعة القيادة) بس بنقول اهي ارحم من البهدلة وقلة القيمة بتاعة مواصلات اليومين دول :angelsad2:.
ومش عشان الناس واخدة السواقة عافية وبالدراع والبنات مبتسوقش بنفس طريقة لوي الدراع والبلطجة يبقي الستات مبتعرفش تسوق ولا فاشلين زي ماالاخ الفاضل قال ان الستات فاشلين .
وكفاية بقي نقسم الناس علي اساس النوع راجل وست ولد وبنت ياريت نتعامل انسان وانسان بقي عشان نعرف نتعايش مع بعض والا اطلبوا نقلكوا من الكوكب ده بقي وسيبوه للستات تعيش فيه لوحدهم :rofl: :smilielol5::smilielol5::smilielol5:.
ياباشا روح السعودية لو مش عايز تشوف البنات سايقة :d
السلام عليكم و رحمة الله و بركاته
أنا متابعة الموضوع من اول مشاركة لآخر مشاركة و كل ما اقول ارد أقول مش مهم الموضع قرب يتقفل يقوم يتفتح تانى:dunno:
واضح و الله أعلم ان المشكلة مش فى (سواقة الستات) زى ما انت بتقول و لكن هو صراع دائم بين الرجل و الأنثى و زى ما birdybirdy قالت لو كان راجل سايق كنت هتلاقيله ميت ألف عذر انما لو ست يبقى يتعلقلها حبل المشنقة
:hang:
زى ما يكون الرجالة من أول ما اتولدت بتسوق عربيات و حريفة سواقة :2003126104835_wrc:.
كل حاجة بالتدريج ، بص لحالك اول ما بدأت تسوق كنت بالتأكيد بتسوق غير دلوقتى ممكن تكون الأخت ديه لسة بتتعلم السواقة أو لسة بدأة تسوق، ليه مش بنحط لبعض الأعذار ليه دايماً بنهاجم بعض الرجالة مش عاجبها سواقة الستات و يقولوا سواقتهم تخنق و الستات مضايقة من غتاتة الرجالة معاهم و هم بيسوقوا ، طيب آخرة الموضوع ده ايه، هنفضل مخنوقين من بعض علطول كدة:011:
أنا بأقول أن احنا نوسع صدرنا شوية و نستحمل بعض (ستات و لا رجالة) أهو فى الآخر احنا عايزين نوصل بيوتنا بسلام ، الموضوع مش مستاهل. :hurray::hurray:
مع احترامي الشديد للعضوة birdybirdyو لكل الاعضاء لكن انا شايف ان راي سيادتك فيه تحيز كبير لبنات جنسك , و اسمحي لي ننظر للموضوع بشكل اكبر من كده زي ماسبق و قولت سابقا
- ليس عندنا في مصر اتجاه للشوارع و لا يحزنون و صدقيني لولا مركز التحكم في حركة سير القطارات كنا شفنا قطارات ماشية عكسي و كان بقي في كارثة كل 5 دقائق
- مافيش حد بيسوق في مصر يعرف اذا كان الشارع اللي هو داخله اتجاه واحد ولا اتجاهين و اذا كان هو داخل صح و لا غلط لان مافيش يافطة تقول الكلام ده
- الموضوع زي ماقلنا قبل كده مسألة اخلاق و ادب و صبر و تحكيم للعقل و المنطق قبل ماتكون التزام بقواعد موضوعة يجب ان تطبق علي الجميع (مش خيار و فاقوس)
مرة اخري انا مش ضد سيادتك او ضد اي سيدة تقود سيارة بالعكس انا قولت انظروا لحال السيدات في دول اخري غير مصر كيف يقدن سياراتهن مثل الرجال تماما و السبب ان هناك قانون الكل ملتزمون به
بص ياسيدي الفاضل لو حضرتك شايف ان رأييي فيه تحيز لبنات جنسي فده طبيعي لاني واحدة منهم شوفت الويل وانا بتعلم السواقة ولحد دلوقتي بشوفه وانا سايقة عربيتي وبحس بيه في نظرة كل واحد يرمي عينه جوه عربيتي ويلاقي اللي سايقة بنت يإما بيتريق يإما بتصرف بشكل هجومي (وطبعا مش كل الناس في رجالة بجد اخر احترام وتشوفني وانا ماشية بعربيتي تقولي اتفضلي وتسمحلي اعدي قبيلهم كمان بالذات لو المكان ضيق وميساعناش نعدي احنا الاتنين ومش عشان خوف من سواقة الستات لكنه ذوق واحترام) مع ان سواقتي الحمد لله اتحسنت وبحاول اتحسن اكتر كمان.
وبعدين مع كامل احترامي لسيادتك انا تحيزت فين :g: انا قلت البنت لو داخلة غلط تبقي غلطانة وتعتذر كمان لان انا عن نفسي لما بغلط بعتذر واتأسف مش عيب يعني وعشان تعرف اني مش متحيزة ولا حاجة على فكرة انا في مرة كنت في اشارة واقفين في امان الله سمعت خبطة في عربيتي نزلت لاقيت عربية ماتريكس خبطتني كسرت حتة فيبر كده عندي اسمها ضوافر (مش مهم يعني دي تمنها كلام فارغ مفرقش معايا) نزلت ببصلها لاقيتها بتشاورلي بقلة ذوق وتقولي يالا خلصي خلصي روحت انفجرت فيها وزعقتلها وقلتلها يعني كمان انتي اللي خبطاني وبتتكلمي بقلة ذوق بدل ماتعتذري يعني وزعقتلها جامد وبعدين ركبت عربيتي ومشيت :pissedoff: (والشيطان وسوسلي اني ارجع مارشدير اخبطلها فانوس ولا اكسرلها اكصدام بس معملتش كده الحمد لله) ونفس الموقف حصلي برده وانا في اشارة الإشارة فتحت (إتأخرت ثانيتين كنت بطلع المحفظة) روحت رامية المحفظة على الكرسي بسرعة ولسة بنقل علي الأول وهاتحرك لاقيت عربية لبست في ضهر عربيتي برده والحمد لله محصلش أي اذي لعربيتي بس الموقف نرفزني فنزلت لاقيتها بنت قلتلها يعني هي دي الطريقة اللي بتحركيني بيها يعني عشان الاشارة فتحت مش تاخدي بالك وبرده ماعتذرتش ولا عملت اي شئ ورحت زعقتلها واديتها كلمتين في العضم وقلتلها قبل ماتسوقي وتركبي عربية اتعلمي لما تغلطي وتخبطي حد تعتذري.
يبقي فين التحيز ده بقي؟ :dunno:
طبعا كلكوا هاتقولوا دلوقتي شايفين البنات والستات حتى لما بيغلطوا مش بيعتذروا بس للمعلومة برده حصلي نفس الموقف بالتمام بس مكناش في اشارة المرة دي :smilielol5:وراجل هو اللي كان سايق وداخل من شارع جانبي على الشارع الرئيسي والشارع اتزحم ووقف هو مستناش لحد ماعدي بضهر عربيتي ولبس في عربيتي من ورا والحمد لله برده محصليش اي شئ هو الإكصدام بتاعه القدماني اتكسر نزلت بصيتله انه حتى يشاور بأي اسف او اعتذار ولا الهوا هاعمل ايه:dunno: قلتله بصراحة انا مش فاهمة حضرتك عملت كده ازاي وضربت كف على كف وركبت عربيتي ومشيت .
يعني فعلا الموضوع مش موضوع راجل وست هي في الاول والاخر اخلاقيات.
النهاردة مثلا وانا راجعة مرايتي خبطت دراع واحد ماشي وقفت العربية وكنت هانزل اتأسفله لقيته جاي ناحيتي وبيعدلي المرايا اليمين بتاعتي طبعا شكرته جدا وقلتله بجد انا متأسفة اني خبطت في دراعك غصب عني والله ومفكرتش حتى وقتها ان كنت انا اللي غلطانة ولا هو انا حسيت اني اتصرفت تصرف اذي بني ادم يبقي من حقه اعتذرله ولو هو اللي مخطئ انبهه لخطأه برده.
واهو حضرتك بنفسك قلت بره الستات بتسوق كويس زي الرجالة بالضبط يبقي العيب في مين؟ :thinking:
العيب في اننا معندناش اي قوانين مرورية ولا عندنا ناس بتلتزم بيها وكله بيسوق بسياسة الدراع والبقاء للأقوى ولا عندنا شوارع عدلة ولا عندنا لافتات تقول اتجاه الشارع ايه (مع اني قبل مادخل اي شارع احاول اشوف اي يافطة تقول اتجاه الشارع ده ولو مالقيتش بشوف في عربيات داخلة ولا لأ يمكن هما ادري مني وادخل وراهم مالقيتش بجرب الشارع اللي بعديه ولو حسيت اني ماشية غلط او مخالف بحاول اخرج من الشارع بأسرع مايمكن ولو حد له حق يعدي ارجلعه مفيش مشكلة لانه هو اللي صح وانا اللي غلط يبقي اتحمل نتيجة خطأي وارجع مش عيب يعني).
يبقي كفايانا بقي تقطيع في الستات وسواقتهم ونقعد نطلع فيهم كل شوية القطط الفاطسة لان ده بجد بيخليهم يفقدوا في نفسهم الثقة اكتر واكتر يإما بيبقوا عدوانين جدا ناحية الرجالة ويسوقوا بنفس طريقتهم اللي ماشية في البلد كلها واللي هي خطأ في الأصل.
فياجماعة "رفقاً بالقوارير" ارجوكم احنا مش بنسوق عندا فيكم والله الظروف هي اللي فرضت علينا كده.
وكل بني ادم (راجل او ست) اول مابيتعلم السواقة بيكون عنده مشاكل سرعان مابتتحل بالممارسة والمواقف اللي بيتحط فيها فياريت نصبر علي بعض شوية وكفاية بقي تهكم وسخرية من البنات وسواقتهم.
صلوا على النبي بقي وشيلوهم من دماغكوا وانتوا هاتستريحوا خالص والله.:wub:
خلاص يا birdy ...... صلي على النبي و ريحي أعصابك خااااااالص ........ و روحي اشتريلك keyboard جديده ........ أكيد باظت من كتر اللي كاتبتيه بغيظ ..... باهزر طبعا ;)
انا متابع الموضوع بس هقول رأي المره دي ...... بما انني من المتحولين و طبعا يا birdy انت عارفه كده كويس ....... باتخنق مووووت من اللي بيسوق عكس حالة الطريق ........ يعني تلاقي واحد أو واحده ماسك يمينه على المحور و سايق على 50KM/H........ أو تلاقي واحد أو واحده (بس معظمهم ولاد) عمال يتنطط و الطريق زحمه مووووت ...... أنا شايف المواقف دي بيعملها ولاد و بنات ...... عادي يعني
بس في حاجات ماتلاقيش غير الولاد هما اللي بيعملوها زي:
1- السواقه بسرعه جنونيه على الطرق المفتوحه زي طريق النصر ...... المحور ....... الدائري
2- تلاقي الواد سايق و فرحان بنفسه و معلي الكاسيت على الاخر
3- ولاد كتير فاكرين نفسهم في سباق ...... و أنا منهم :gunsmilie: ..... بس بجد بحاول اتعالج :018:
و في حاجات ماتلاقيش غير البنات أو الستات عموما بيعملوها زي:
1- بتقفد السيطره على أعصابها بسهوله ...... و ده مش كويس خالص و هي سايقه
2- لما تيجي تركن ...... بتاخد وقت طويل شويه ...... و ده بيوقف الشارع لحد ما تركن ..... و ساعات تتلخبط و العربيه تبطل منها :005:
3- تلاقيها ماشيه بتتكلم في الموبايل أو بتكلم حد قاعد جنبها في العربيه بدون الأنتباه للطريق
اللي عايز أقوله ....... ان مش بس البنات و الستات بيعملوا حاجات غريبه أثناء السواقه ....... الولاد كمان بيعملوا بلاوي و مهازل ...... الحوادث اللي بتحصل نتيجه خطأ واحده ست بصراحه غالبا مش مصيبه و أخرها خبطه جامده في العربيه ....... اتفرج بقى على حوادث الشباب اللي بتوصل و كتير جدا الى الموت .......
لو صبرت ثواني أو دقيقتين على واحده ماشيه ببطء نسبيا أو واحده بتركن ....... مش مشكله يعني الدنيا مش هطير ...... انما الولاد اللي بيسوقوا بهبل ساعات (و الله باحاول أتعالج :innocent:) هتروح منه فين ده ........ و ربنا يسترها معانا جميعا
ماتزعليش ياستي انا ماقصدتش طبعا اهاجمك او اهاجم الستات او اعترض علي اسلوب سواقتهم , و انا لسه النهاردة كنت بأشتكي من شباب الجامعة و اللي بيعملوه بعربياتهم علي الدائري و المحور , ماحدش يقدر يقطع فيكوا ابدا و الا يتقطع هو في اكياس :smilielol5:
الموضوع زي ماقولت قبل كده سلوكيات و اخلاق فقدناها في الشارع و البيت و حتي كمان في الغيط , العيب مش في الستات بس لا في الرجال كمان و حتي انا كمان باغلط محدش معصوم من الخطأ
المشكلة ياسيدتي الفاضلة ان ده نظام بلد فسدت اخلاقيات معظم افراد شعبها , المهم يكون فيه ناس معترضة علي هذا و عايزة تغير للاحسن
و بمناسبة السير في اتجاه عكسي لسه كنت في السوق - دخول العربيات هنا اتجاه واحد في عكس عقارب الساعة من الدخول الي الخروج - المهم لاقيت واحدة ماشية عكسي :k16: و يادوب عربيتي و عربيتها يعدوا بصراحة افتكرت الموضوع بتاعنا ده و افتكرت تعليقك , المهم وسعت لها الطريق ووقفت انتظرها تمر , طبعا كانت خايفة فشاورت لها و توقفت تماما لحد ماعدت , و علي فكرة انا دايما بأعمل كده مع اي حد خصوصا لو شكيت انه مش متمكن او لسه بيتعلم
اسف للاطالة و مرة اخري بأقدم اعتذاري عن اي سوء فهم حدث :k10:
نفسي يسحبوا ترخيص السيدات ده نهائي والله ...
انا بيحصل معايا مواقف بتخلينى اخرج عن شعورى...
مرة طالع على ميدان العباسيه وقدامى واحده راكبه ماتريكس ( 19 سنه ) تقريبا فى الحدود دى ومعاها صحابها ... وبتسوق بطريقة فظيعة !!!!
ولا كانها بتلعب GTA !! بتروح يمين وشمال زى ما هى عايزة ومعندهاش حاجه اسمها مرايات نهائي واى حد يبص لها تغلط فيه كان 900000000 مواطن لا يعلموا شيء عن القياده...
فى الاخر ادت انتظار ووقفت على شمال الطريق وليس اليمين رحت راكن قدامها لاقيتها بتعمل Make up !! هى وصحابها...
خليتها تروج جامعتها (عين شمس ) بعد ساعتين تقريبا ....
ده درس مش رخامه ويا ريت تكون اتعلمت حاجة !..
مافيش فايدة اللي زي دي مش هاتتعلم , لانها ماعندهاش استعداد للتعليم و لا لغيره دي جايبة العربية علشان تمشي مع لون الميكاب بتاعها , بس برضه بلاش نظلم الستات كلهم فيهن المحترمات اللي بيحاولن يلتزمن مثل بعض الرجالاقتباس:
خليتها تروج جامعتها (عين شمس ) بعد ساعتين تقريبا ....
ده درس مش رخامه ويا ريت تكون اتعلمت حاجة !..
المشكلة ان الست مش هينفع تاخد معاها اي رد فعل لكن اي صنف تاني ممكن تشتم ولا تزعق ولا حتى تزنيق بالعربيات وغتاتة لحد ماتاخد حقك منه وساعات بنات بتتغاشم والاقيها بتسوق حلو وتصد معايا لو جيت اكسر عليها بتعجبني اوي وبحب الاعبها طول الطريق غير كدة الهروب اسلم حل وبعدين تقول حسبي الله ونعم الوكيل وانا شخصيا عملت كدة النهاردة مرتين في مشوار واحد خد ساعة من اتنين ستات ربنا يسامحهم
ولا حظت تقريبا اكتر حركة بيعملوها وهما طالعين على شارع من زاوية عمودية او هتطلع من حارتها لازم تتأكد وتشوف الطريق لحد مايبقى فاضي وتيص تاني وحريصة اوييييي واول ماتقرب منها تقوم طالعة قدامك وبالراحة خالص مالهاش دعوة بأي سرعات ولا مسافات - والله واحدة نزلتني من سرعة ستين لحد ماجبت أول عشان اتحرك تاني بالعربية وفي نص الشارع (الحارة الوسطانية) وانا ندمت لأني خليتها تعدي واتا فضلت من غير كلاكس ولا نور لحد ما حسيت انها تقريبا مش واخدة بالها مني او من الشارع وطبعا لما قلت ازمر وأقلب نور والله استخسرت الكلاكس والنور مش بخل بس ماكانشي ليهم اي لزمة !!طب اشتم ؟ ازعق بس ؟ اشوح بس بايدي ؟ ولا نور ولا كلاكس ولا الافلام دي عملت اي تأثير ورحت مشغل الانتظار وكل دة عشان البرنسيسة تطلع بعربيتها ! انا والله ماقيش اي مشاكل من اي موقف مع اي واحدة غير الوقوف فجأة دا فعلا اللي ممكن يسبب حادثة وراها ساعتها هتتخض وتدوس بنزين
واكيد البنات اللي هنا طالما دماغهم عربيات وكدة وبيدخلوا على السايت دا اكيد بيقهموا في السواقة كويس وقاهمين كدة كويس وانا ماشفتش واحدة حريفة سواقة الا عمالة تتخانق مع البنات اللي سايقة حواليها وهي ماشية بعربيتها وببقى فرحان اوي ساعتها عشان اللي اكيد البنات مش هتفوت لبعضيها وكمان ببقى عمال اهدي الأمور
بصراحه تجاربي مع السواقه الحريمي تجارب منيله كانت منها تجربتين كانوا هيموتوني
اولهم نازل من على كوبري الجلاء اللي عند الكلية الحربيه فطبيعي اني نازل من على الكوبري على 90 واول لما انزل من على الكوبري اقلاقي بنت جايه من تحت الكوبري سايقه لادا وبتاخد الطريق من اقصى اليمين لاقصى الشمال ولا هممها انها هاطخبط في نص العربيه عندي ولا اي حاجه بصراحه اللي وقفها حاجه واحده ان واحد صحبي كان راكب ورا خبطلها على الازاز ففقات شوفوا المسافه اد ايه تخيله كان ايه ممكن يحصل ان صاحبي يخبط على ازازها ودي نزلة كوبري.
التجربه التانية بلاش علشان بجد كل ما افتكرها يخصلي حاجه.
مع كل الاحترام للبنات مفروض تتمنعوا من السواقه خالص
الصبر ياااااااااااااااااااااااا اااااااا رب
السلام عليكم
انا حسيت ان كل الحوادث اللى فى مصر سببها الستات من الموضوع ده !!!
انا بصراحه مش معاكم ان الستات مش لازم تسوق و انا ناس كتير قالو لى بلاش تعلم زوجتك اللسواقه اتعلم انتا بس لكن بصراحه انا ليه وجهة نظر " أن الست اللى بتسوق معايا مركب الحياة أكيد تقدر تسوق عربية " مع مراعاة ان الواحد لازم ينبه عليها تاخد بالها و تتحكم فى أعصبها أكتر طبعاً بحكم أنها ست و أظن أن مراتك أو أختك أو أمك تسوق أفضل من سائق التاكسى أو الميكروباص.
و أخيراً " رفقاً بالقوارير" أو كما قال صلى الله عليه و سلم
لا والله كتر خيرك على الجملة الأخيرة بتاعة مع كل الإحترام دي :boat:.
اما بالنسبة لقرار اننا المفروض نتمنع من السواقة فحاضر من عينينا ان شاء الله لما حضرتك تمسك رئاسة الجمهورية في إنتخابات الرياسة الجاية ان شاء الله يعني :boat: ، ابقي طلع القرار ده ومتنساش بس تطبقوا على مالديك من البنات في عيلت حضرتك وتجبرهم انهم يركبوا مواصلات عامة مع ناس لا تمت للبني ادم بصلة وده كله طبعا من اجل هدف نبيل هو ان الرجالة يسوقوا براحتهم في الشارع من غير ماحد يضايقهم بس قولي ياتري هاتعمل ايه في سواقين الميكروباص والتاكسي والنص نقل والنقل برده هاتمنعهم من السواقة؟
ولا احنا مبنقدرش بس غير علي البنات والستات ونفضل نطلع القطط الفاطسة فيهم وخلاص :2:.
عموما رغم اني عارفة واعترف ان في بعض الستات سواقتهم سيئة للغاية بس برده في رجالة سواقتهم اسوأ بمراحل.
معلش ياعلا
يارب بقي نخلص من الموضوع ده ويتقفل بقي في اقرب وقت عشان انا زهقت ومن كتر الكلام اللي في المنتدي هنا وبره عن سواقة الستات بقيت بتعمد اسوق بطريقة غلط لاني عارفة اني حتى لو سوقت صح فبرده هايتقال سواقة ستات يالا مبقتش فارقة بقي خليها تخرب من كله :beatdeadhorse5:.
المهم يا بيردي الناس هنا مثابرة جدا و ثابتة على مبدأ الهجوم على سواقة الستات و مش واخدين بالهم ان العربيات اللي سايقاها نساء بكتر كل يوم.. يعني قربنا نبقى أكتر منكوا في الشارع و برضه مصرين تشتكوا.. مش شايفين انه آن الأوان انكوا تتوائموا و تتعايشوا مع الأمر الواقع؟ زي بالظبط ماهو محدش عمل موضوع عن غباء "الكثير من" سواقين الميكروباص و البلاوي السودة اللي بيعملوها على الطريق و شكلكوا ما شاء الله متعايش معاهم تماما فمتهيألي قد حان وقت التعايش مع سواقة الستات بحسناتها و سيئاتها بدلا من المناداة بمنعهم من السواقة لأن ده ببساطة مــــــش هــــايــــحـــــصــــــل .. يعني مش مطلوب غير شوية واقعية.. اما بأه اللي مصر يحرق في دمه و يتلف أعصابه و يرفع ضغط دمه بالتركيز أوي كده مع مساوئ قيادة النساء للسيارات.. فهو حر.. بس هايخسر أعصابه و صحته و مافيش حاجة هاتتغير :dunno:
شديد إعتذاري لكل منصف و واقعي رد في الموضوع ده لو فيه حاجة من ردي ده سبب له ضيق.. انما كلامي اللي فوق ده موجه لناس معينة تسببت من الأذى لنا بما يكفي و الرد عليهم واجب.
طيب و السادة الافاضل ايه رأيهم في سواقة الرجالة
هتعبكو معايا شوية لانى هقسم بقا سواقة الرجالة على حسب فئتهم يعني عندك السواقة الرجالة العواجيز و سواقة الرجالة الكبار اللى مش عواجيز اوى و بعدين سواقة الشباب اللى من سن 18 لحد قول 24 بعدين سواقة الشباب من سن 25 لحد 35 و نمسك بقا كل واحد و نشوف عملو كل دول النهاردة ايه في يوم زى النهاردة كدة
انا ممكن اديكو امثلة من هنا لبكرة الصبح فلى اللى حصل معليا فى مشوار لمصر الجديدة النهاردة و روحت البيت ضغطي عالى !!!
1- شاب بتاع 30 سنة كدة قافل المرايا الشمال و انا على شماله و داخل يريح عليا و مش شايف و كنت هدخل في السور بسببه
2- شاب كيكي ميكي كدة معاه سيتي سودا انا ماشية على اليمين و سايباله الشمال خالص و انا شايفاه جاى زى الحمار من بعيد على سرعة رهييييييييييييبة و هيلبس فياااا و مش شااااااااايف قمت انا دخلت شمال و سيبتله اليمين خالص و كان هيدخل فى العربية اللى كانت قدامى على اليمين!! و فجأة اسمع صووت فرملة رهييييييييييبة جنبي و العربية عومت منه و كان هيعمل مصيبة
3- بيه تانى بتاع 60 سنة فجأأأأأأأة قرر على الدائري يا نااااااااس انه يرجع بضهره يا عاااااااااالم عشان نسي يدخل دخلة مدينة نصر و راجع بضهره على الدائري و مفيش حتى فلاشر!!!!!!!
4- اخ تانى حبب يعمل غرزة ضيقة شوية قدلمى عشان يبين انه فتك و كان هيشيلي العربية من قداام
5- راجل تانى تخطي السبعين راكب فولكس و مش باين من الكرسي و دة اللى فعلا يا جماعة ينطبق عليه قول اللى خايف على نفسه و عربيته ميقربش مقولوكوش بقا تلويش شمال و يمين و مفيش مرايات اساسسا و بيتعامل مع دراعه على انه الاشارات و يا ريت دراعه باين اصلا
6- واحد تانى راكبلي لادا من بتوع الجيش زى التروبش بعربيته دى كان هيشيل واحدة ببتعدى الشارع و هو ماشي على سرعه عادية بس تقريبا بيكسلو يفرملو!!
اكمل ولا كفاية ....
بجد انا كان بقالى كتير اوى مسقتش فى الوقت بتاع الظهيرة دة و الناس مروحة من شغلها بجد روحت عندي ارهاق نفسي و اتقلبت نمت عندي اكتئاب و قرف و كل شوية افتكر حادثة اخت اخوانا موتورايزر اللى خبط اخته برده راجل يا جماعة مش ست والله
سمعتو عن الست اللى كانت راجعه من الشغل و نطط من فوق كوبرى الازهر بلعربيه والمشكله انهم مسبوش الرجاله فى حالهم نزلن على عربيه جواها راجل بس الحمد الله نزلت على الشنطه و الكلام دا كان من 4 تيام
وانا الناهردى اتنين ستات و قولت اعدى من وسطهم بسرعه عشان محدش يخبطنى قدرى بقى لقيت الاتنين اللى على يمينى عاوزه تخش شمال و اللى على شمالى عاوزه تخش يمين و انا فى النص :d دست بنزين على الاخر والحمد الله عدين ببص فى المرايه لقيت الاتنين خيشو فى بعض و سابو كل حاجه و العربيات فى نص الشارع و نازلين يشوفو اللى حصل للعربيه الكلام دا فى جسر السويس فا حااااجه تخلى الواحد يزهق من الستاات انا بتكلم على الستات مش البنات فى بنات بشوفهم بسم الله ما شاء الله على سواقتهم بس مش كلهم
لا والله كتر خيرك على الجملة الأخيرة بتاعة مع كل الإحترام دي :boat:
(مش عجباكي الجمله دي قوليلي اقول يه يعني كنت اغلط).
اما بالنسبة لقرار اننا المفروض نتمنع من السواقة فحاضر من عينينا ان شاء الله لما حضرتك تمسك رئاسة الجمهورية في إنتخابات الرياسة الجاية ان شاء الله يعني :boat:
(ما بسعاش للسلطه )
ابقي طلع القرار ده ومتنساش بس تطبقوا على مالديك من البنات في عيلت حضرتك وتجبرهم انهم يركبوا مواصلات عامة مع ناس لا تمت للبني ادم بصلة .
(انا ما جبتش سيره عيله حضرتك علشان تذكري اشراف عيلة حضرتي واعتقد يركبوا عربيات او ميركبوش دي حاجه تخص حضرتي ومحدش ليه دعوه بيها)
قولي ياتري هاتعمل ايه في سواقين الميكروباص والتاكسي والنص نقل والنقل برده هاتمنعهم من السواقة؟
( اعتقد السواق راجل فبأي شكل من الاشكال هعرف اخد حقي منه او هعرف افرج عن غضبي لكن اي وحده تلقيها عاشتلك دور امينه رزق اول ما تتزنق تقلبها مناحه وعماله تعيط وتلاقي الشارع كله سبحان الله عمال يهدي فيها وكأنها صاحبة الحق وكولوا يقولك معلش واحده ست .
يعني علشان هي واحده ست اسكت طاب اسكت ليه انتوا شايفين فيكوا عقد نقص ولا دي طريقة استجداء.
اعزروني كان لازم الرد بنفس الاسلوب.
لا لا يانهى مالكيش حق.
يابنتي دول طالما رجالة يبقي اكيد اكيد واساسي يعني بيعرفوا يسوقوا بس اللي شوفتيه منهم النهاردة ده مجرد ظرف طارئ يعني واكيد كل واحد منهم له مليون عذر في اللي عمله ؟
ايه يعني لما واحد يزنق عليكي بعربيته يعني مش يمكن يكون بيفادي عربية تانية ومش مهم انتي بقي؟
وايه يعني لما راجل يرجع بضهره علي الدائري هو كفر يعني؟ الراجل فاتته النزلة بتاعته عايزاه يمشي مسافة طويلة لحد مايلاقي يوتيرن ولا ينزل النزلة اللي بعديها لاسمح الله ويدور على طلعة تانية عسان يرجع ينزل نزلته تاني ليه يعني وعشان ايه يكلف نفسه وييجي علي نفسه للدرجة دي عشان مين يعني؟
هما رجالة يعني بني ادمين والبني ادم مش معصوم من الخطأ يعني ولازم نعذرهم برده ونقدر ظروفهم.
اما بقي الست لو اخطأت اي خطأ ولو بسيط تبقي غلطانة وراكبها الغلط من ساسها لراسها وتستاهل يطلعلها قانون مخصوص يمنعها من السواقة مدى الحياة ويمكن يعدموها في مكان عام كمان ليه لمجرد انها ست وبس ومالهاش اي عذر تاني خالص :2: عشان هما كده الستات كده ربنا خلقهم مبيعرفوش يسوقوا
تقريبا والله اعلم ان في رجالة عندهم اعتقاد ان السواقة دي احد الجينات الوراثية اللي خُلقت في Version الرجالة بس ومنزلتش في Version الستات خالص :smilielol5:.
والقلة القليلة من البنات او الستات اللي بتعرف تسوق دول نزلهم الجين بتاع السواقة ده بالصدفة يعني زي طفرة جينية كده بتحصل كل فين وفين وتُحسب من المعجزات :boat:.
عموما ياجماعة لما تحلوا كل مشاكل المرور والشوارع المنيلة وتعالجوا المشاكل والبلاوي اللي بتشوفوها كل يوم من سواقين الميكروباص والتاكسي والنص نقل والنقل وتخلصوهم خالص وتبقي الناس كله بتسوق صح و 100% تبقوا تيجيوا تلوموا علي الستات وسواقتهم وتفكرولهم في حلول وطبعا ده ممكن يتعمل فيلم خيال علمي يتحقق في سنة 4000 ميلادية مثلا :boat:
هههههههههههههه
تصدقي موضوع الجين بتاع السواقة دى منطقي جدا يا بيردي فعلا انتى جبتي اللى فيها
احنا اكيد بنسوق وحش عشان الجيين ملطش فينا :k48:
طب تصدقي انا نسيت اضيف على القايمة الشاب السيكي ميكي التانى اللى خبطلى العربية!!
تخيلي يا بنتى ماشية في الشارع لا بيا ولا عليا و عربية بيضا عجيبة راكنة على يميني و صاحبها قاعد فيها و انا ماشية بجد مزودتش على 20 فجأأأأأأأأة الاقي الباشا قام لافف الدريكسيون بعزم ما فيه و لافلي بالعربية 90 درجة عشان يدخل بالعربية الشارع الجانبي اللى على شمالى !!! شالى الاكصدام و كسرلي الفانوس و نزلت يا بنتى كاااااااااالته :beatdeadhorse5:بجد و مفتحش بقه بكلمه !!!! ادي يا ستي سواقة الرجالة يعني البيه لو كان كلف نفسه و بص بصة بسيطة على مرية الشمال كان شافنى جاية!! و انا مش مدية خوانة عشان عربية واقفة خااالص لا اشارة ولا فلاشر ولا حتى مطلع دراعه زى ما البهوات بيعملووو :k48:
ايوة انا معاكى سواقة الرجاله تعبانه بس الرجاله الكبيره اللى هما من ايام الأتومبيل والله يابنتى بيسوقو سواقه تعبانه خالص وتلقيه ماشى على 20 وماسك الشمال ولا ايه المطبات بيكلوها زى الفل ولا يا سلام لما تلاقى راجل كبير عاوز يعمل غورزة ويطلع من اليمين يلبس فى ميكروباص بينزل ركاب هههههههههههه هبل هبل بس بردو يا بردى انتى ونهى احنا بنحارب الستات الكبيرة مش البنات وانا اول واحد لما اتجوز هعلم مراتى السواقه طبعا علشان اخاف عليها من الموصلات ........... وبجد الموضوع جااااامده لآن كل واحد طلع الكبت والغيظ اللى كان جوه مش انا بس وشكرا ليكم كلكم
بظبط كدة يا توتيمان
ما كلنا مخنوقين من الشارع و انا او اى بنت تانية ممكن نعلم نفس الموضوع و نكلم عن كل اللى بينشووفوو من سواقة الرجالة او سواقين الميكروباص و اهو كله اسمه تنفييس و فضفضة بس في الاخر انت لو ليك اخت او ان شاء الله تجوز و مراتك لو مكنتش بتسوق فلااازم هتعلمها و متسيبهاش ابدااااااا تتبدهل و تتعرض لاقصى انواع السخافات و قلة الادب في المواصلات و ساعتها يا توتي هتبقي لسه متعلمة جديدة و ست برده اهى و متجوزة يعني لا متعلمة من زمان ولا ليها خبرة اوى و لو رجعتلك معيطة من الشارع و عملالها حادثة اكيد مش هتقولها ما انتى سواقتك زفت عشان انتى ست لان اى حد بجد فى شوارعنا الجميلة عرضة لكل انواع الحوادث بمختلف انواعها و اقصي حاجة بتعملها الست و هي سايقة انها بتبقي واخدة حزرها اوى لكن عمرها ما هتعمل غرزة و لا تشد ولا تخبط واحد و تجري كبيرها يوم ما تعمل تخبطلها اكصدام و ترجع مخضوضة و متعقدة و مش عاوزة تسوق تانى
فبجد يا جماعة براحة شوية على الستات دول ما الستات دول امهاتكو و خالاتكوو و اختكوو برده مش كائن فضائى هلامى
شكراا يا توتىمان على موضوووعك و حوارك الجميل :flowers:
بصراحة فى مراحل التعليم المختلفه اللى احنا مرينا بيها
عرفنا ان مش كل القواعد بتطبق فى كل الاحوال ولكل قاعدة شواذها
يعنى بصراحة الغالب الاعم
بالنسبة للرجال
بيعرفوا يسوقوا ودا لاسباب نفسية وفسيولوجيه بحته لان طبيعة الرجل بيتحمل وهذا مؤكد بقول الله عز وجل فى سورة النساء (الرِّجَالُ قَوَّامُونَ عَلَى النِّسَاءِ) يعنى يتحمل اكثر يصبر اكتر كمان عنده قدرة على مواجهه المواقف الفجائية والصعبة عند قدرة عضليه على الاستجابة دا فى تقريبا معظم الرجال
ودا ما يمنعش ان فيهم ناس هوجاء وكيكي ميكى:k48: اللى انا مش عارف ايه معناها وياريت توضحيلنا يا Noha ايه علامات الشخص الكيكي ميكى عشان نعرفهم :smilielol5:وفيه ناس كبار فى السن زى اللى عنده 60 سنه :beatdeadhorse5:اللى بالعكس لازم نراعيهم ونحرس منهم لان ليس عليهم اى لوووووم ابدا ابدا ابدا بجد الله يكون فى عونهم
اما بالنسبة للنساء
انا بجد بحترم الست اللى بتسوق كويس
لانها بحس انها ناضجة وبتفهم وعندها حسن تصرف وحكمه لانها لو بتسوق كويس يبقى اكيد متميزة فى حجات كتير
قوة تركيز - تحكم -ذكاء- احتواء اى موقف صعب فى اقل وقت)
بس بصراحة الغالب الاعم ان الستات ضعاف جدا فى السواقه وانا عن نفسى كذا مرة وثقت فى سواقت الستات بس للاسف نادرا لما ظنى بيطلع فى محله دايما بيخيبوا ظنى:dunno:
افتكر موقف عند (الصينية) الميدان اللى بعد تويوتا ايجيبت اللى فى صلاح سالم اللى بيطلعك على الاوتوستراد من خلال المقابر
هيه المفروض بتلف معايا جزء من الصينية وهتكمل صلاح سالم وانا داخل على الاوتوستراد المهم بصيت لها على انا ادخل وتستنى وامنت معاها وهيه فل وابتسمت :crazy2:ونحّت راسها بالموافقه وكل تمام لاقيت بوز عربيتها لازق فى الرفرف بتاعى من بعد ما كان بينى وبينها متر ونص:robo: طبعا وقفت وخبطت كف على كف وخليتها تعدىوحرمت اعدى بقيت اطبق قاعدة الاتيكيت ديه بس Ladies First
طبعا
بصراحة انا لو وزير المواصلات هسحب كل رخص الستات وأختبرهم بنفسى
هخليهم يعملوا اختبار السواقه امام منصه الوزير وهنديكوا الرخص على حق ربنا :k49:
انا والله موافقة جدااااااااااااااااا على فكرة اننا نسحب الرخص و نعمل اختبارات دى بس على الكل بقا يا زيمو فوكس و بجد هتشوف نسبة الرجالة اللى برضه مش بيعرفو يسوقو هتبقي اد ايه :freakedout:
بالنسبة للشاب السيكي ميكي بلاش اوضح مواصفاته هو واضح من اسمه :biggrinjester: لحسن يطلع بيدخل على المنتدى و يزعل منى و انا مبحبش ازعل حد بجد :smartass:
طبعا احترامي و تقديري للعضوات المحترمات , :iagree:و أنا اتفق مع الاخت علا عثمان فيما قالته و سبق ان قلت هذا الكلام من قبل , المشاكل الموجودة بالشارع و الفوضي المرورية يشترك بها الجميع رجال و نساء , لكن بما ان نسبة السيدات اللائي يقدن سيارات في ازدياد - و الكلام ده منك يا علا - اذا فهن يتحملن النسبة الاعظم من المشكلة :)اقتباس:
المهم يا بيردي الناس هنا مثابرة جدا و ثابتة على مبدأ الهجوم على سواقة الستات و مش واخدين بالهم ان العربيات اللي سايقاها نساء بكتر كل يوم.. يعني قربنا نبقى أكتر منكوا في الشارع و برضه مصرين تشتكوا.. مش شايفين انه آن الأوان انكوا تتوائموا و تتعايشوا مع الأمر الواقع؟ زي بالظبط ماهو محدش عمل موضوع عن غباء "الكثير من" سواقين الميكروباص و البلاوي السودة اللي بيعملوها على الطريق و شكلكوا ما شاء الله متعايش معاهم تماما فمتهيألي قد حان وقت التعايش مع سواقة الستات بحسناتها و سيئاتها بدلا من المناداة بمنعهم من السواقة لأن ده ببساطة مــــــش هــــايــــحـــــصــــــل .. يعني مش مطلوب غير شوية واقعية.. اما بأه اللي مصر يحرق في دمه و يتلف أعصابه و يرفع ضغط دمه بالتركيز أوي كده مع مساوئ قيادة النساء للسيارات.. فهو حر.. بس هايخسر أعصابه و صحته و مافيش حاجة هاتتغير :dunno:
شديد إعتذاري لكل منصف و واقعي رد في الموضوع ده لو فيه حاجة من ردي ده سبب له ضيق.. انما كلامي اللي فوق ده موجه لناس معينة تسببت من الأذى لنا بما يكفي و الرد عليهم واجب.
و لكني اختلف مع سيادتك في نقطتين :
- ليس المبدا هو مهاجمة اسلوب قيادة السيدات و ذكر مساوئهن و لم يكن اشتراكي في هذا الموضوع لهذا السبب و انما اردت توضيح ان الجميع يخطئ او بيستهبل مع غياب القانون و ضياع هيبة رجال المرور :policeman:
- الشكوي دائمة من كل من يخالف و لايلتزم و العديد من السادة الاعضاء تحدث مرارا عما حدث له من مشاكل من سائقي الميكروباص و النقل و لقد ذكرت بنفسي وقائع 3 حوادث حدثت لي شخصيا في يوم واحد علي الطريق الدائري كان ابطالها سائق اوتوبيس و سائق نقل ثم سائق ملاكي و ليس سائقة :)
وأعدك بان اطرح موضوع للمناقشة عن اخطاء سائقي الميكروباص و النقل و كيفية التعامل معهم:049: - علشان الاعضاء المحترمين يخفوا الهجوم شوية علي السيدات و يبطلوا تقطيع فيهم :k31:
و مرة اخري اود ان اذكرك و اذكر السادة الاعضاء بان الخلاف في الراي لايفسد للود قضية و ان هدفنا جميعا واحد و قيادة امنة للوصول الي غاياتنا بسلاسة و يسر و اعصاب هادئة
ما لو احنا فى دوله محترمة زى السعودية مكنتيش حضرتك اهتميتى بالسواقه او منتديات السيارات اساسا !!!!
انا لو مكانه اول حاجه هعملها هطلع القرار ده ..
(واللى عايزة تجيب عربيه تشوف لها سواق او تركب تاكسي) مش فيزياء هى !!
تخيلى نفسك من اسرة فقيرة ولا تملكى حق شراء سيارة جديدة
كنتى هتقولى كده او كنتى هترضي ان حد يقول عليكى كده !!!!!!!!!!!!
وكمان الناس دى لو معاها اموال كانت جابت سيارات هى كمان....!
وكمان الناس اللى قالت رايها دى مش بتكذب يعنى ولا بتهاجم حد
دى ناس بتقول رايها وخلاص
واللى بتعرف تسوق ومحترفه ومبتعملش 1000 مشكله فى اليوم وتخلى فى كل شارع واحد يقولها حاجه ... متهتمش بالموضوع اصلا..!!
يا جدعان كفاية علشان الموضوع إبتدا يمل
عذرآ لجميع السيدات وإنتوا أصل السواقه فى مصر
عموما انا اسلوبي مكنش فيه اي اساءة لشخص حضرتك بس من حقي اضايق من الردود القاسية اللي بتطالب بقطع رقبة كل ست فكرت تنزل الشارع وتسوق عربية
وصدقني احنا مجبرين على اننا نسوق والله لان اللي شوفناه في المواصلات قبل مانجيب عربية مش شوية.
وتقبل خالص تحياتي