فعلاً سواقة الستات مشكلة ... عارفين ليه ؟ لأنهم بيحاولوا يمشوا صح فى وسط بشر واخدين الدنيا فهلوة
لو حضراتكم شايفين أن الستات بتعرف تسوق يبقى تحترموهم وتعطوا للطريق حقه ولو شايفين أنهم مبيعرفوش يسوقوا وأعصابهم خفيفه( وديه حقيقة لا احد ينكرها) يبقى تساعدوهم وتدوهم الأمان فى الطريق
المشاركة الأصلية كتبت بواسطة محمد ابراهيم 1
صعب إنكار الموضوع ده
بس بصراحه هن الخطر منهن بسيط وليس جسيم كقيادة الشباب الأرعن
أنا معاك تماماً وبشوف فعلاً حماقات شباب فى الطريق لا تحتمل بس أحنا أتعودنا نبص على أخطاء السييدات
المشاركة الأصلية كتبت بواسطة tutankhamoun
الستات سواقتهم وحشة ........... معاك و الرجالة سواقتهم أوحش الستات سواقتهم سواقة غشامة و حذر زائد الرجالة سواقتهم قلة أدب و أستهبال و استعباط و رزالة و غتاتة و غلاسة ( و دي ألفاظ منتقاه علشان أحنا في مكان عام ) و أحب أسجل تعليقي على كلام حضرتك أولا في وسط الزحام لو الكل التزم بدوره و مكانه في الشارع الطريق هايمشي أسرع من اللي بيحصل
مفيش كلام موضوعى أكثر من ده كل واحد يبص لعيوبه وبعدين ويمشى صح من غير ما يقول ست ولا راجل
المشاركة الأصلية كتبت بواسطة sh23
************
1- رغم أعترافي الكامل بأن المشكلة مش ستات ولا رجالة
2- المشكلة ثقافة شعب تتغير من سيئ لأسوء
بس بصراحة أنا نفسي قلت منك لله يا قاسم يا أمين مرتين النهاردة بسبب الستات اللي معايا ف الشغل
عموماً كان نصف العمي ولا العمي كلة
فعلاً المشكلة ثقافة شعب ... وعلى فكرة أنا كمان بقول منك لله يا قاسم يا أمين بس مش عشان السواقة لكن عشان الستات مبقتش عارفة صلاحياتها
المشاركة الأصلية كتبت بواسطة OlaOsman
عندي إقتراح.. ليه مثلا ما تتحذفش المواضيع اللي من النوعية دي أول بأول و السبب هو موضوع مكرر؟ يعني الموضوع ده قتل بحثا (هو الصراحة مش بحثا عشان هو مش مطروح عشان صاحب الموضوع عايز يلاقي حل.. هو قتل خناقا) و يعتبر مستفذ لأي واحدة بتسوق و بتقرا الكلام ده.. فليه يا جماعة نحرق في دم بعض و نعكر جو المنتدى؟ يعني احنا بنحاول نلم الشمل.. مش ناقصين المواضيع اللي زي دي تنغص علينا تجمعنا و تفسد علاقتنا ببعض.
.
مع أحترامى الشديد لأرائك ما شاء الله عليكى بس أنا مش معاكى فى النقطة ديه لأن المطلوب من المناقشات ديه تغيير معتقداتنا الخاطئه وده مش فى السواقة بس
Mrs.NYSMA
المفضلات