الكلام ده بجد ولا حقيقي !!!!!

**Ayman_saad** · 19-10-2014 08:55 PM

السلام عليكم ورحمة الله وبركاتة

بقالي كام يوم ياجماعة ببحث وأدور وأسمع عن مشكلة الـ C180 الجديدة ، وده لأني حاجز

المشكلة كبرت أوي ، وبقي فيها مشاكل كتيرة ، وثمن العربية مش شوية فحبيت نتناقش قي المشكلة دي ونسمع الأراء ونفكر بصوت عالي ،
المشكلة إلي نا عارضها من علي لسان واحد أستلم فعلاً وحصلت له مشكله وعرضها علي الفيس ، نشوف مشكلته أيه :

( طب وبعدين... هنعمل اية مع ناس معندهاش ضمير
‏طبعا كلنا فاكرين البوست اللي كنت عمله من كام يوم عن مرسيدس في موديلاتها الجديده و مشكلة البنزين

النهارده بعد الزياره التانيه اقدر اقولكم ان للأسف اللي جاي اسوأ

اولا ما شاء الله عدد العربيات اللي جايبه مشاكل في الموتور بتزيد داخل التوكيل و مفيش ولا مشكله اتصلحت في الضمان واخد بالك انت كويس من الجمله دي! كله على حسابك و الساده الافاضل معندهمش مشكله انهم يصارحوك بده لأن بكل بساطه حضرتك ملزم تمضي على اقرار في اول صيانه ليك انك المسؤول الوحيد عن اي مشكله في الموتور لو اكتشفه انك بتحط بنزين غير 95 يعني من الأخر بيتنصبلك الفخ صح!

تاني حاجه اقدر اقولك انه فعليا اثبت ان كل البنزين ال 95 في مصر بعد تحليله بيطلع من 93 ل 93.5 و ده معناه انك لو حطيط من محطة الواك واك هتلبس هتلبس يعني بعد ال 6.25 اللي بتدفعهم في اللتر برده هتروح المولد لأنك في بلد غير محترمه!

تالت حاجه بقى الساده الأفاضل القائمين على الشركه في مصر و اللي قرره يستورده عربيات نضيفه في بلد لا تستحقها الحمد لله لاقوه حل و هو انهم هيظبطوا المشاكل دي في الدفعات اللي جايه انما اللي اشترى دلوقتي هو كان مجرد فار تجارب!! بس متقلقوش هما برده ما زالوا قائمين على انهم يعدلوه السوفت وير للعربيه اللي موجوده حاليا بحيث انه يقلل من عدد الهورس باور بتاعها علشان تقدر تستوعب البنزين السىء اللي في البلد يعني عشان يعالجلي مشكله هيقللي من عزم العربيه بجد انا فخور بالعقليه دي ده انا يا سيدي الفاضل مرضيتش استنى لحد ميعادي في الأستلام بعد 5 شهور و دفعت اوفر 50 الف جنيه في معرض علشان استلم دلوقتي و في الاخر اسمع الكلام العظيم ده!

نهاية المطاف و نصيحتي للناس كلها اللي عربيته لقدر الله تجيب موتور يركنها و يبعت يجيب جركنين بنزين 98 من بره مصر و يجيب واحد بيفهم يفضي التنك تماما و يحط البنزين الجديد و يدورها شويه لحد ما البنزين يملى الرشاشات و يشيلها على التوكيل و يالا بينا بقى ما هي بلد مينفعش معاها الأحترام :( و محدش يقولي المشكله مش في البلد لاء المشكله في البلد و احنا علشان بنعتبر من دول العالم التالت فبيحصل فينا كده انما احنا لو في دوله محترمه كانت فرقت كتير حتى في طريقة المعامله

مرسيدس مصر انا مش هسيبكم‏
Mohamed Osman
طبعا كلنا فاكرين البوست اللي كنت عمله من كام يوم عن مرسيدس في موديلاتها الجديده و مشكلة البنزين

النهارده بعد الزياره التانيه اقدر اقولكم ان للأسف اللي جاي اسوأ

اولا ما شاء الله عدد العربيات اللي جايبه مشاكل في الموتور بتزيد داخل التوكيل و مفيش ولا مشكله اتصلحت في الضمان واخد بالك انت كويس من الجمله دي! كله على حسابك و الساده الافاضل معندهمش مشكله انهم يصارحوك بده لأن بكل بساطه حضرتك ملزم تمضي على اقرار في اول صيانه ليك انك المسؤول الوحيد عن اي مشكله في الموتور لو اكتشفه انك بتحط بنزين غير 95 يعني من الأخر بيتنصبلك الفخ صح!

تاني حاجه اقدر اقولك انه فعليا اثبت ان كل البنزين ال 95 في مصر بعد تحليله بيطلع من 93 ل 93.5 و ده معناه انك لو حطيط من محطة الواك واك هتلبس هتلبس يعني بعد ال 6.25 اللي بتدفعهم في اللتر برده هتروح المولد لأنك في بلد غير محترمه!

تالت حاجه بقى الساده الأفاضل القائمين على الشركه في مصر و اللي قرره يستورده عربيات نضيفه في بلد لا تستحقها الحمد لله لاقوه حل و هو انهم هيظبطوا المشاكل دي في الدفعات اللي جايه انما اللي اشترى دلوقتي هو كان مجرد فار تجارب!! بس متقلقوش هما برده ما زالوا قائمين على انهم يعدلوه السوفت وير للعربيه اللي موجوده حاليا بحيث انه يقلل من عدد الهورس باور بتاعها علشان تقدر تستوعب البنزين السىء اللي في البلد يعني عشان يعالجلي مشكله هيقللي من عزم العربيه بجد انا فخور بالعقليه دي ده انا يا سيدي الفاضل مرضيتش استنى لحد ميعادي في الأستلام بعد 5 شهور و دفعت اوفر 50 الف جنيه في معرض علشان استلم دلوقتي و في الاخر اسمع الكلام العظيم ده!

نهاية المطاف و نصيحتي للناس كلها اللي عربيته لقدر الله تجيب موتور يركنها و يبعت يجيب جركنين بنزين 98 من بره مصر و يجيب واحد بيفهم يفضي التنك تماما و يحط البنزين الجديد و يدورها شويه لحد ما البنزين يملى الرشاشات و يشيلها على التوكيل و يالا بينا بقى ما هي بلد مينفعش معاها الأحترام و محدش يقولي المشكله مش في البلد لاء المشكله في البلد و احنا علشان بنعتبر من دول العالم التالت فبيحصل فينا كده انما احنا لو في دوله محترمه كانت فرقت كتير حتى في طريقة المعامله
مرسيدس مصر انا مش هسيبكم

)

أيه رأيكم في الكلام ده وأيه الحل ؟

**K.Ossama** · 19-10-2014 09:05 PM

واضح اننا مش مكتوب لنا اى حاجة عدلة فى مصر
لا شوارع ولا عربيات ولا تعامل....
حسبى الله ونعم الوكيل

**Ayman_saad** · 19-10-2014 09:08 PM

المشاركة الأصلية كتبت بواسطة k.ossama

واضح اننا مش مكتوب لنا اى حاجة عدلة فى مصر
لا شوارع ولا عربيات ولا تعامل....
حسبى الله ونعم الوكيل

عندك حق يا فندم
طيب أيه ألي مفروض يتعمل ،
بصراحة أنا مبقاش عندي ثقة أني أدفع مبلغ وقدرة وبعد كده ألبس عليها أسود ،
بصراحة أنا مش عارف أعمل أيه ، ياريت لو فيه حد أشتري وجربها يدخل يقولنا عامل أيه معاها .

**ahmed.Elashy** · 19-10-2014 09:19 PM

يعني لو انا معايا ٣٠٠٠٠٠ معرفش اركب بيهم مرسيدس ... اجيب بيهم عشر عربيات فيرنا احسن
دا انا كنت بفكر ف cla
اكيد مرسيدس المانيا هتتصرف .. بس مرسيدس مصر مش جديد عليها ودا طبيعي فينا ك مصريين

**ARKOON** · 19-10-2014 09:24 PM

هنا في مصر يا صديقي متدفع فلوس في العربيات عشان ضغط دمك والسكر والى انتا عارفه
بصراحة حرام اجيب بي ام ولا مرسيدس ويجي عيل ملهوش اي 30 لازمة يخربشها ويفرش عليها سندوشتات الفول : ) زي ما بنشوف في كايرو ياخد الاكل من هنا على اشيك عربية يعملها منضدة طعام ومش مشكلة بقى ما هوا مش صاحب العربية . إلا في حالة لو عندك جراج وساكن في مجتمع مغلق وجرانك طيبين وكلهم من نفس المستوى وفي مدن كدا في القاهرة ان مش بتكلم على مدن خياليه فقط في الحالة دي اشتري عربية بملوينين وبراحتك يا كبير لاكن عشان تدفع فلوس في عربية هتستخدمها في شوارع المحروس يبقى سستم نفسك على كل الحوارت الى بنسمع عنها every day وربنا يكرم الجميع ويسترها معانا جميعا .

**Ayman_saad** · 19-10-2014 09:37 PM

المشاركة الأصلية كتبت بواسطة ahmed.elashy

يعني لو انا معايا ٣٠٠٠٠٠ معرفش اركب بيهم مرسيدس ... اجيب بيهم عشر عربيات فيرنا احسن
دا انا كنت بفكر ف cla
اكيد مرسيدس المانيا هتتصرف .. بس مرسيدس مصر مش جديد عليها ودا طبيعي فينا ك مصريين

المشكلة مش في ألمانيا ،
المشكلة في الوكيل المصري ألي هو أساساً عارف طبيعة مصر والبنزين ألي فيها ،
يبقي ليه مايعملش حسابه من الأول بدل المشاكل دي ، وبعدين ألمانيا عاملة عربية لدول محترمة ،
أظن أنهم غلطوا في العنوان ،
ويفضل السؤال أيه الحل ؟ نكمل ولا للخلف در

**Ayman_saad** · 19-10-2014 09:50 PM

المشاركة الأصلية كتبت بواسطة arkoon

هنا في مصر يا صديقي متدفع فلوس في العربيات عشان ضغط دمك والسكر والى انتا عارفه
بصراحة حرام اجيب بي ام ولا مرسيدس ويجي عيل ملهوش اي 30 لازمة يخربشها ويفرش عليها سندوشتات الفول : ) زي ما بنشوف في كايرو ياخد الاكل من هنا على اشيك عربية يعملها منضدة طعام ومش مشكلة بقى ما هوا مش صاحب العربية . إلا في حالة لو عندك جراج وساكن في مجتمع مغلق وجرانك طيبين وكلهم من نفس المستوى وفي مدن كدا في القاهرة ان مش بتكلم على مدن خياليه فقط في الحالة دي اشتري عربية بملوينين وبراحتك يا كبير لاكن عشان تدفع فلوس في عربية هتستخدمها في شوارع المحروس يبقى سستم نفسك على كل الحوارت الى بنسمع عنها every day وربنا يكرم الجميع ويسترها معانا جميعا .

كلام حضرتك مظبوط
حاولت ألاقي كلام أيجابي أرد بيه علي كلام حضرتك ألي هو سلبي مش لاقي ،
للأسف كلامك مظبوط
طيب يعني بعد سنين الشقي والغربة ولما أجي أرتاح معرفش أرتاح ؟ !!!!! عجيبة

**amr elsisi** · 19-10-2014 10:00 PM

اسال مرسيدس لان انا سمعت ان الموضوع متفبرك

**abou-yahia** · 19-10-2014 10:19 PM

ديه مشكله ECU في اصلها ذي ما تفضل احد الاعضاء

البنزين العينه اللي متاخده من تنك العربيه مش معيار

ولو صاحب العربيه عارف بنزينه ومثبتها في الاغلب في التموين

يقدر يرفع قضيه وحيقدر ياخد عينه قانونيه تثبت ادعائه

لاكن ان البنزين 95 مغشوش ده احتماله حاجه واحده غش بنزينه لاكن المصدر سليم

Sent from my SM-N900 using Forum Runner