الموضوع: الكلام ده بجد ولا حقيقي !!!!!

السؤال ليه بى ام مفيهاش المشكله دى !!!!!!!!!!!

المشاركة الأصلية كتبت بواسطة وائل محمد نبيل

نصيحه عن تجربه شخصيه هات الفولفو الاس 60 او 80 بصراحه عربيات فوق الخيال وعن تجربه وكفايه انها 1600 سى سى وهورس باور 180 حصان وارتفاعها عن الارض 13.6 سم عربيات اكثر احتراما من غش توكيل مرسيدس

من ضمن العربيات ألي في الحسبان فعلا
ولكن هل الأرتفاع ألي حضرتك كاتبه مظبوط فعلا ؟
أشكرك

المشاركة الأصلية كتبت بواسطة mohamed bander

والله فعلا الواحد بيحس ان العربيات بالذات الاوروبى بالذات بتنزل مصر بتتهان من بنزين لطرق لتراب لزحمة لتوكيل زبالة مش فاهم للعربية ولا مقدرها ،، فعلا تحس مصر مش عايزة غير ال 128 و اللى عايز يركب حاجه اقيم يبقى بيجو 504 مع كامل احترامى ليهم بس هى دى العربيات اللى تمشى فى مصر :(

انا شايف انك تدور على بديل ،، ولو قلقان من ارتفاع ال 320 ممكن تشوف x1 او x3

كلام جميل
وفعلا سألت النهاردة عن x3 ، لقيت الأسعار طبعا نااااااار
x3 الفئة الأولي 2000 cc. ٤٩٨ ألف
x3 الفئة الثانية cc 3000. ٥٣٨ ألف
x3 الفئة الثالثة 3000 cc ٥٨٨ ألف

طبعا موديل 2015

الحيرة بتزيد ،،،،،،

التقرير ملعوب فيه بخط اليد في خانة min Ron
ومرسيدس دفعت ٨٩١ جم مش الحكومه لمعمل مصر للبترول بغمره فكدا التقرير مشكوك فيه وفقد مصداقيته
والوكيل بيكافح انه يودي تفكير الناس لمشكلة بنزين
فين تحليل انهيار المحرك من جهه محايده
انا مستبعدش ان فيه مشكلة تربو او ECU في الموتور دا
حاله مشابهه اللوادر كاتربلر F series اول ما نزلت مصر كانت بتكسر بساتم , وفي الاخر اعترفوا بعيب صناعه في البستم
ووكيل مرسيدس هنا تحت الشبهات لانه من فتره مضي العملاء علي ملي 95 , فواضح النيه السيئه باستباق الاحداث وتحميل التكلفه المهوله لعيب صناعه للعميل.

المشاركة الأصلية كتبت بواسطة nadernabil

الله يفتح عليك
أنا بقي خلاصة الموضوع كله لخصته في جمله مفيدة
سواء كان العيب من البنزين ، أو العيب من شركة مرسيدس ،
أنا مفيش عندي مقدرة أخسر شقي عمري وفي الأخر أتصور جنب حتة حديدة ،
الحمدلله أنا لغيت الحجز أمبارح .

المشاركة الأصلية كتبت بواسطة Ayman_saad

الله يفتح عليك
أنا بقي خلاصة الموضوع كله لخصته في جمله مفيدة
سواء كان العيب من البنزين ، أو العيب من شركة مرسيدس ،
أنا مفيش عندي مقدرة أخسر شقي عمري وفي الأخر أتصور جنب حتة حديدة ،
الحمدلله أنا لغيت الحجز أمبارح .

استاذ أيمن

انا كنت زيك بالظبط وكنت رايح اخلص في المرسيدس وبصراحة كنت مبهور بالعربية ... سحراني مع انها كانت اعلى من امكانياتي المادية بس كله يهون علشان النجمة .... مع ان تجربتي مع ال c280 وبعدين ال bmw x1 مكانوش تجارب ناجحة لكن انا رجحت ان عدم نجاح التجربتيين إلي انهم كانوا مستعمليين مع ان المرسيدس موديل ٢٠٠٨ بس كانت عاملة ٦٠ الف وده كم قليل وال x1 موديل ٢٠١٣ وكانت عاملة ٢٩ الف ... المهم مع المرسيدس الجديدة قابلتني مشكلتيين .... عدم توافر السياراه وكانوا ساعتها قافليين باب الحجز وبيقولولي وصلنا نصف ٢٠١٥ ودي كان ممكن تتحل بالواسطة ... لي صديق مقرب وعدني لو عايز تخلص هاجبيهالك الشهر الجاي ... لكن ظهرت المشكلة التانية وهي انه ابتديت اسمع كلام ان العربية فيها مشكلة الماوس التاتش وبعديين انها لا تعمل الا ببنزيين ٩٥ وده حسسني ان مصاريف البنزيين هتبقى عاليه جداً ... اتزنق في ثمن العربية ممكن ... بس ماكنتش عايز اقضي حياتي مزنوق في تفويل العربية ... المهم صاحبي ده هوهو قالي طيب ما تبص على الbmw ال ٣١٦ عربية هايلة والماني وفيها كل اللي انت عايزة ... وقد كان والحمد لله اتوكلت على الله وجبتها 316i لاكشري موديل ٢٠١٥ وربنا كرمني اخر كرم .... ولم اشعر بالندم لحظة و العربية ما شاء الله بها كل احتيجاتي وعاجباني جداً ... لكن الحق يقال والشئ بالشئ يذكر المرسيدس ممكن يكون شكلها افخم بس اشاعات المواتير والبنزيين اللي ما بقتش اشاعات وبالأضافة إلي مشكلة الانتيريور كواليتي تخلي الفخامة ليس لها تأثير ... اسف على الأطالة وربنا يعيين اصحاب المشكلة ويا رب المشكلة تتحل والناس دي تتعوض عن خسارتها.