الموضوع: الكلام ده بجد ولا حقيقي !!!!!

المشاركة الأصلية كتبت بواسطة moodymooner

بمنتهى الأمانة عمرها ما حكت مني ولا لمست ولا مطب وانا معايا العائلة انا وزوجتى و٢ اطفال و الشنط بس انا بتكلم على القاهرة والطريق السريع اما المحافظات الله واعلم بس هيا للعلم مش واطية لدرجة تخوفك ... ممكن تبص عليها على الطريق وهيا ماشية من الخلف مش هتلاقي اي اختلاف عن باقى العربيات انا كمان النقطة دي كانت مخوفاني بس بالتجربة عمري ما قلقيت من اي مطب منها وكمان عربية 1600 فمعنديش قلق ايضاً من موضوع رفع الدعم ... ومش عاملة معايا اي مشكلة في ٩٢ ... بالنسبة لل x3 h ال 2000 مع واحد صاحبي ومع مديري ... من وجهة نظري عربية هايله ومحدش اشتكي منها ... مديري عاجباه ومنبهر بيها ... صاحبي مش عاجباه وعمال يشتكيلي منها بس انا شايفة بصراحة متحامل في كلامة .... المهم ربنا يوفقك للخير ... وانا تحت امرك في اي استفسار اخر بس ممكن ننقل المنقاشة لقسم ال bm علشان منغيرش سياق المناقشة في موضوع المشاركة.

شكرا يا فندم علي الأهتمام
بالفعل الموضوع أساسا كان للأستعلام والتحذير من ال c180

المشاركة الأصلية كتبت بواسطة MoodyMooner

استاذ أيمن

انا كنت زيك بالظبط وكنت رايح اخلص في المرسيدس وبصراحة كنت مبهور بالعربية ... سحراني مع انها كانت اعلى من امكانياتي المادية بس كله يهون علشان النجمة .... مع ان تجربتي مع ال c280 وبعدين ال bmw x1 مكانوش تجارب ناجحة لكن انا رجحت ان عدم نجاح التجربتيين إلي انهم كانوا مستعمليين مع ان المرسيدس موديل ٢٠٠٨ بس كانت عاملة ٦٠ الف وده كم قليل وال x1 موديل ٢٠١٣ وكانت عاملة ٢٩ الف ... المهم مع المرسيدس الجديدة قابلتني مشكلتيين .... عدم توافر السياراه وكانوا ساعتها قافليين باب الحجز وبيقولولي وصلنا نصف ٢٠١٥ ودي كان ممكن تتحل بالواسطة ... لي صديق مقرب وعدني لو عايز تخلص هاجبيهالك الشهر الجاي ... لكن ظهرت المشكلة التانية وهي انه ابتديت اسمع كلام ان العربية فيها مشكلة الماوس التاتش وبعديين انها لا تعمل الا ببنزيين ٩٥ وده حسسني ان مصاريف البنزيين هتبقى عاليه جداً ... اتزنق في ثمن العربية ممكن ... بس ماكنتش عايز اقضي حياتي مزنوق في تفويل العربية ... المهم صاحبي ده هوهو قالي طيب ما تبص على الbmw ال ٣١٦ عربية هايلة والماني وفيها كل اللي انت عايزة ... وقد كان والحمد لله اتوكلت على الله وجبتها 316i لاكشري موديل ٢٠١٥ وربنا كرمني اخر كرم .... ولم اشعر بالندم لحظة و العربية ما شاء الله بها كل احتيجاتي وعاجباني جداً ... لكن الحق يقال والشئ بالشئ يذكر المرسيدس ممكن يكون شكلها افخم بس اشاعات المواتير والبنزيين اللي ما بقتش اشاعات وبالأضافة إلي مشكلة الانتيريور كواليتي تخلي الفخامة ليس لها تأثير ... اسف على الأطالة وربنا يعيين اصحاب المشكلة ويا رب المشكلة تتحل والناس دي تتعوض عن خسارتها.

هى وصلت لى ٣٥٦ الف دلوقتى آلبي ام اللكشرى ولا ٣٤٨ الف زى ما هى ،،انا بتكلم على non metallic

أنا لسه سائل دلوقتي علي سعر bmw 316 لاكشري ٢٠١٥
٣٥٦ ألف

المشاركة الأصلية كتبت بواسطة Ayman_saad

أنا لسه سائل دلوقتي علي سعر bmw 316 لاكشري ٢٠١٥
٣٥٦ ألف

السعر ده للميتالك وعلى حسب علمى السعر هيترفع خلال ايام قليله اكتر من 10000 والكلام ده على جميع الفئات اللى بتنافس ال c180 الفئه التالته يعنى وعن تجربه العربيه ما شاء الله فوق الممتازه وبستخدم 92 وفيها كل حاجه خصوصا ال 320 فتحه سقف ومتور فوق الممتاز ما شاء الله انا من وجهه نظرى النجمه طبعا افخم كتيير لكن البى ام عربيه ركوبه وريح نفسك بقى من موضوع المتور والبنزين المغشوش والكلام ده لان وانت بتشترى العربيه التوكيل بيقولك استخدم 92 عادى

المشاركة الأصلية كتبت بواسطة mooozooo

السعر ده للميتالك وعلى حسب علمى السعر هيترفع خلال ايام قليله اكتر من 10000 والكلام ده على جميع الفئات اللى بتنافس ال c180 الفئه التالته يعنى وعن تجربه العربيه ما شاء الله فوق الممتازه وبستخدم 92 وفيها كل حاجه خصوصا ال 320 فتحه سقف ومتور فوق الممتاز ما شاء الله انا من وجهه نظرى النجمه طبعا افخم كتيير لكن البى ام عربيه ركوبه وريح نفسك بقى من موضوع المتور والبنزين المغشوش والكلام ده لان وانت بتشترى العربيه التوكيل بيقولك استخدم 92 عادى

شكرًا لنصيحتك الكريمة
عندك حق فعلا bm عربية عملية
ومعني كلام حضرتك أن الواحد يلحق يجيبها لأن حاليا فيه أستلام فوري قبل ماتزيد ،
لأن المرسيدس c بدأت الناس تلغي الحجز وطبعا كله بيتجه ناحية ال bm
شكرًا يافندم

بلدنا دي عايزة حاجة كده زي الجيب رانجلر ... بس نفسي حد يكلمني عنها شوية ... مش عارف عنها كتير

المشاركة الأصلية كتبت بواسطة k.ossama

ادى رد الجهة الحكومية المسؤولة......الغير مسؤولة
كله تمام كالعادة......التحاليل هى اللى غلط، ومرسيدس جايبة البنزين من مصدر مجهول........!!!!
نص الخبر:

هيئة البترول: نتائج تحليل العينات تثبت أن بنزين 95 مطابق للمواصفات القياسية

أكد الرئيس التنفيذي لهيئة البترول المهندس طارق الملا، أن نتائج تحليل عينات بنزين 95 المأخوذة من عدد من محطات الوقود بالقاهرة والإسكندرية بالمعامل المتخصصة أثبتت مطابقة العينات لرقم الأوكتان 95 والمواصفات القياسية، وأن العينات المأخوذة تضمنت كذلك عينات عشوائية لبنزين 92 ثبتت مطابقتها لرقم الأوكتان والمواصفات، نافيا صحة ما تردد حول غش البنزين 95 المطروح بالسوق المحلية وأنه غير مطابق للمواصفات.

وقال الرئيس التنفيذي لهيئة البترول -في بيان رسمي اليوم الجمعة- إن وزير البترول والثروة المعدنية المهندس شريف إسماعيل، أصدر توجيهات عاجلة باتخاذ الإجراءات اللازمة لإظهار الحقائق وسحب عينات عشوائية من محطات الخدمة لتحليلها، وإن وجود أية شكاوى فردية لغش بنزين 95 في حال ثبوتها لا يجب تعميمها على الإطلاق على كل ما يتم إنتاجه واستهلاكه في السوق المحلية من البنزين 95 الذي يجري استخدامه منذ سنوات بكفاءة.

وأضاف أن ما نشر عن غش البنزين 95 لا يزيد على نتيجة تحليل عينة من البنزين مجهولة المصدر أرسلتها شركة سيارات عالمية تعمل فى مصر إلى مركز بحوث البترول التابع لشركة مصر للبترول لتحليلها بناء على طلب شركة السيارات كإجراء متبع منذ يونيو 2013، لافتا إلى أن نتيجة تحليل تلك العينة مجهولة المصدر لا تعد بأي حال من الأحوال مستندا له قيمة يمكن الاعتماد عليه.

وأوضح أن الكميات المطروحة من بنزين 95 في السوق المحلية تتراوح ما بين 700 و800 طن يوميا، بما يمثل كمية ضئيلة لمقارنة بمعدل استهلاك الأنواع الأخرى من البنزين الذي يقدر بما لا يقل عن 19 ألف طن يوميا، وأن إنتاج بنزين 95 يتم فقط في معمل تكرير “ميدور” المزود بأحدث التقنيات العالمية ما يجعل إنتاج البنزين 95 يتم بكفاءة عالية ووفق المواصفات العالمية، ويتم تسليم شركات التسويق انتاج البنزين من المعمل بشهادات مطابقة معتمدة بعد سحب تلك الشركات لعينات من البنزين من مصدر إنتاجه واجراء تحاليل للعينات قبل التسليم بحضور ممثلى شركات التسويق.

وتابع الملا بالقول “مسؤولية هيئة البترول وشركاتها عن جودة المنتج تنتهي بمجرد استلام محطات التموين للبنزين 95، وتبدأ بعد ذلك مسؤولية متابعة جودة المنتج من خلال جهات رقابية أخرى بالدولة، والتي ترجع أهمية دورها الرقابي إلى إيقاف أى تلاعب قد ينشأ من أصحاب المحطات للاستفادة من فارق السعر الكبير بين بنزين 95 والأنواع الأخرى من البنزين”.

ونفى صحة ما تردد حول قيام مسئولي شركات توزيع المنتجات البترولية بخلط مواد حافظة مع غاز البوتاجاز ونسبة من المياه في بنزين 92 ليتحول إلى 95، ووصفه بأنه “أمر غير منطقي وغير علمي ولا أساس له من الصحة”، موضحا أن منظومة تداول المنتجات البترولية منفصلة تماما عن منظومة تداول البوتاجاز، وأن القيمة الاقتصادية للبوتاجاز أعلى من البنزين، وبالتالي ليست هناك جدوى اقتصادية من إضافته إليه، فضلا عن ان قطاع البترول ليس لديه فائض فى انتاج البوتاجاز.

وأوضح أنه قد ينتج جراء هذه العملية المزعومة تكوين مخاليط انفجارية وانهيار مواصفة الضغط البخاري للبنزين، وأن العينة التى تم الاستشهاد بها لم تتضمن وجود نسبة من المياه أو مايشير إلى احتوائها على بوتاجاز من عدمه.

وأهاب الرئيس التنفيذى لهيئة البترول بالمواطنين ضرورة التوجه إلى المختصين والجهات الرقابية للتقدم بشكاواهم حال التشكك في جودة الوقود المتواجد في أي من محطات التموين والخدمة المنتشرة بجميع أرجاء البلاد حتى يتم التحقق من الشكوى واتخاذ كافة الإجراءات تجاه الجهة المسؤولة عن الغش حال ثبوته.

د / خالد
كده يبقي الحق ضايع ومالوش صاحب ،
المظلوم في الليلة دي كلها هو المستهلك ،
يبقي المعادلة كالأتي : هيئة البترول + شركة مرسيدس = يولعوا الأتنين في بعض
شكراً يافندم