أحالة مرسيدس مصر للنيابة لتلف الموتور من البنزين - يعني كدة بلاش مواتير تربو في مصر؟؟

**M.Elwan** · 22-10-2014 02:44 AM

المشاركة الأصلية كتبت بواسطة Mecha

يا اخوانا اصحوا 92 ايه ولا 95 اللي هيخرب مكنه
دي الاعيب توكيل , افتكروا كدا كام وكيل عمل ريكال لعيب صناعه
في مصر تقريبا مفيش , رغم ان الشركه بره بتبعت نشرات وتقل الوكيل يصلح علي حسابها , لكن الوكيل المصري حدق والعوبان يمضي المستهلك ويحاسبه علي عيب صناعه وكمان يحاسب الشركه بره
وموقف افتكره ف اخر التسعينات في سوزوكي سويفت , المستهلك عنده صوت غريب ف الموتور وكانوا عارفين تيله بنز البستم مع البيل نطرت من مكانها , لكن سقوا المستهلك المر ياعيني علي انه عيب استخدام
انا لو هفول تنك المرسيدس جاز بوابير مش هتخرب المكنه ,اخرها طرمبه
ورشاشات
ليه بنزين 95 دلوقتي فيه نابالم؟؟؟؟

كلام صحيح وممكن لو نقدر نشوف ريبورت من الشركة بالأعطال هل ده misfire error ولا عطل تاني

**Mecha** · 22-10-2014 10:08 AM

التقرير ملعوب فيه بخط اليد في خانة min Ron
ومرسيدس دفعت ٨٩١ جم مش الحكومه لمعمل مصر للبترول بغمره فكدا التقرير مشكوك فيه وفقد مصداقيته
والوكيل بيكافح انه يودي تفكير الناس لمشكلة بنزين
فين تحليل انهيار المحرك من جهه محايده
انا مستبعدش ان فيه مشكلة تربو او ECU في الموتور دا
حاله مشابهه اللوادر كاتربلر F series اول ما نزلت مصر كانت بتكسر بساتم , وفي الاخر اعترفوا بعيب صناعه في البستم
ووكيل مرسيدس هنا تحت الشبهات لانه من فتره مضي العملاء علي ملي 95 , فواضح النيه السيئه باستباق الاحداث وتحميل التكلفه المهوله لعيب صناعه للعميل.

**NaderNabil** · 22-10-2014 11:06 AM

**2CODE** · 23-10-2014 08:14 PM

المشاركة الأصلية كتبت بواسطة nadernabil

والحل هيعملوا ايه ؟؟؟؟؟؟؟ مش هياخدوا حاجة من الشركة نهائي طالما في اقرار بذلك !!!!!

**hany63** · 23-10-2014 10:26 PM

يا جماعه انا شايف ان فيه مسئوليه جزئيه على الشركه انها كانت المفروض تتوقع ان ده كان هيحصل بس المفروض كانوا يقفلوا مثلا و يبطلوا يبيعوا
لو فكرنا شويه هنكتسف ان سبب الموضوع ده قلة الضمير و عدم تفعيل قوانين الغش التجاري بكل قوه
حد فيكم سمع قبل كده رغم اننا من اكتر من عشر سنين متاءكدين ان البنزين بتاع البلد مغشوش ان صاحب محطه واحده اتسجن ؟
و لما يطلع مسئول يقول بالفم المليان انه لايستبعد ان يكون بداية الغش من معامل التكرير يا نهار اسود
معنى كده ان البنزين بيوصل للمحطات مغشوش و كل محطه تحط التاتش بتاعها يعني غش دوبل و ده اللي بيفسر ان سحب العربيه بيختلف عند التفويل من محطه لاخرى
معنى كده ان المفروض حتى لو عربياتنا مش تربو المفروض نخلينا في ال ٩٥ اللي هوا ٩٢ حاليا

**abou-yahia** · 23-10-2014 11:03 PM

طيب مصر فيها
بورش وفيرراري ولامبو وبلاوي تانيه كتيييير

الناس ديه بتعمل ايه

ومشتكوش ليه

Sent from my SM-N900 using Forum Runner

**احمد فهمى** · 24-10-2014 12:16 AM

كنت لسه عامل موضوع بخصوص القصه دى وتوقعاتى فى محلها

**2CODE** · 24-10-2014 02:09 AM

المشاركة الأصلية كتبت بواسطة land_cruiser

غلطه الشاطر بألف ... وكيل مرسيدس غلطان لانه المفروض انه عين الشركه في البلد و هو عايش فيها و المفروض ينقل الكلام ده للشركه هناك و بناء علي يتم وضع موضوع البنزين المغشوش ده في الاعتبار بأنهم مثلا ما ينزلوش تربو و يشتغلوا علي رقم أوكتان قليل عن طريق بعض التعديلات بحيث تناسب الوضع الحالي و حتي لو اشتغلت بنزين ٩٢ الناس هتفرح اكتر لانه رخيص وده بيفرق مع المستهلك حتي اللي راكب عربيه بمليون جنيه . المفروض الوكيل يعمل دراسه للسوق و احتياجات الناس و الظروف اللي هتشتغل فيها السياره و بناء عليه يراجع المواصفات و يشوف هتنطبق علي اي موديلات حتي و هي دي اللي يجيبها او يطلب تعديلات فيها و المصنع هيعملها عادي علشان عايز يبيع و كمان يحافظ علي سمعته انما الوكيل اختار الطريق السهل و هو انه يمضي الناس علي إقرارات انه مش مسئول عن الضمان لو البنزين كان اقل من ٩٥ و المفروض بقي بنفس. المنطق ان الواحد كل مره يمون يمضي عامل البنزين علي إقرار انه حط بنزين ٩٥ علشان تبقي محطه البنزين هي المسئوله و طبعا دي حاجه مش معقوله . نفس الاسلوب بتاع اللي نزلوا فتيس dsg او اللي بيستورد عربيات بكاوتش low profile او بيستورد عربيات ما بيعرفش يصلحها او يوفر لها قطع غيار و الضحيه هو المستهلك و النتيجه في الاخر هي الفشل و الخسائر

هو طبعاً في تقصير من الوكيل ان معندوش نظره مش للسوق لأ لوضع البلد اللي باين للأعمي !!!!!

مش محتاج متخصص ولا اي حاجة ده صاحب الشركة المفروض يعرف لواحده كده

وليه جايبين اللوم على التوكيل ؟؟؟؟ ما تعدل بنزينك يا أخي ما تشوف بلدك انت عاجبك تاخد بنزين بالشكل ده وتقولي الوكيل ؟؟؟؟

مالكم يا جماعة ؟؟ المشكلة دي هتطولنا كلنا على المدى البعيد متستعجلوش !!!!!

الموضوع: أحالة مرسيدس مصر للنيابة لتلف الموتور من البنزين - يعني كدة بلاش مواتير تربو في مصر؟؟

LinkBack

أدوات الموضوع

عرض

-

-

-

-

المواضيع المتشابهه

يعني ايه الموتور خفيف

مرسيدس c180 ولا باسات تربو 1400

شماسة نايل موتورز وب لوجو مرسيدس وب 30ج ...يا بلاش ....

يعني ايه الموتور خفيف

يعني إيه تربو؟

الكلمات الدلالية لهذا الموضوع

المفضلات

المفضلات

ضوابط المشاركة