تقرير عن صيانة 60000 كم خارج التوكيل

**medohai510** · 22-10-2014 02:42 PM

مناقشة اكثر من رائعة في موضوع مهم جدا
اولا كل واحد له تفكيره الخاص به بما يراعي ظروفه المادية وراحته النفسية
ثانيا انا رأي ان العربية المصانه في التوكيل طبعا احسن حالا من المصانه خارجة لسبب ان التوكيل له معايير في شغلة ومن اهمها عدم الاصلاح يعني حل القطعة البايظة وركب جديد اصلي مهما كانت التكلفة
لكن لو مالك العربية فاهم كويس في اختيار قطع الغيار او ليشتري من التوكيل وبيصون العربية عن متخصص و فاهم في العربية كويس وما بيحبش يفتي ويعك يبقي الموضوع تمام
وعلي فكرة عادل في صقر قريش من الناس القليلة المحترمة للمفاهمة في الرينو كويس جدا
وفي انتظار باقي الاراء

**ahmed.teawater** · 22-10-2014 04:28 PM

يا باشا انت صح وتمام بس بصراحه انا قلبى ميطاوعنيش اغير طقم كاتينه بره التوكيل
لكن بدام حضرتك فاهم يبقى دوس

تحياتى

**mfraig** · 22-10-2014 05:16 PM

المشاركة الأصلية كتبت بواسطة medohai510

مناقشة اكثر من رائعة في موضوع مهم جدا
اولا كل واحد له تفكيره الخاص به بما يراعي ظروفه المادية وراحته النفسية
ثانيا انا رأي ان العربية المصانه في التوكيل طبعا احسن حالا من المصانه خارجة لسبب ان التوكيل له معايير في شغلة ومن اهمها عدم الاصلاح يعني حل القطعة البايظة وركب جديد اصلي مهما كانت التكلفة
لكن لو مالك العربية فاهم كويس في اختيار قطع الغيار او ليشتري من التوكيل وبيصون العربية عن متخصص و فاهم في العربية كويس وما بيحبش يفتي ويعك يبقي الموضوع تمام
وعلي فكرة عادل في صقر قريش من الناس القليلة المحترمة للمفاهمة في الرينو كويس جدا
وفي انتظار باقي الاراء

صدقني الموضوع مش موضع امكانيات ماديه هو بس لازم تحسبها صح
كل واحد فينا بيحب يوفر لما يعمل الصيانه وملاك الفلوانس يعني مش اغنياء غنا فاحش ولا حاجه هي مش مرسيدس يعني :))))
بس الفكره انا شفتها بنفسي في الميجان وعرفت ان كل جنيه زياده بتدفعه في التوكيل مقابل انك تشتري دماغك والعربيه ماتجيش بعد فتره وتظهر مشاكلها ده لاتقدر بمال
انا شخصيا زمان لما اشتريت الفيرنا زيرو عملت صيانتين بس في التوكيل وقلت تمام كده وزي الفل ومعتبتوش تاني
لان عربيه عن عربيه تفرق والرينو بتحتاج معامله خاصه
والميجان اهي تشهد والاف الاعضاء دلوقتي من ملاك الميجان 2 يدخلو يحكو العك اللي شايفينه من اللعب في العربيه
هو صحيح عمل صيانه عاديه وماتخوفش اوي لكن المشكله انه يتعود على كده :)))))))

**mfraig** · 22-10-2014 05:19 PM

المشاركة الأصلية كتبت بواسطة ahmed.teawater

يا باشا انت صح وتمام بس بصراحه انا قلبى ميطاوعنيش اغير طقم كاتينه بره التوكيل
لكن بدام حضرتك فاهم يبقى دوس

تحياتى

استلم انت بس الاول وبعدين نبقى نشوف هتعمل الصيانه فين :)))))))

**ahmed.teawater** · 22-10-2014 05:27 PM

طبعا ف التوكيل ههههههههه

**Super_Star_h** · 22-10-2014 06:21 PM

المشاركة الأصلية كتبت بواسطة yalahwy2010

اطمن يا باشا ...انا خبرة 3 سنين ميجان......و2 ونص فلوانس......والحمد لله العربية الواحد هارسها ومجرب كل وسائل الاصلاح فيها

وانا دايما من خلال تجربتي بقطع الغيار بحذر من استخدام قطع غيار تقليد او مش اصلى.....ملهاش لازمة وخسارة فيها الفلوس........
بالنسبة للاصلاح......الدائرة اللى صلحها ناصر كان فيها مسار الاشارة مش موصل.....فا أخد واصلة بسلك عشان يكمل الدائرة..........وانا بيني وبينك لقيتها حاجة صغيرة وبعيدة عن مشيان العربية...........وهى دائرة مستقلة لوحدها......والحمد لله بقالها اكتر من 4 شهور وشغالة زى الفل
هو مش اى حاجة تتصلح.........ولا كل حاجة لازم تتشال وتتحط مكانها جديد.......الا لو احنا بقا عايشين فالخليج والفلوس مدلعانا ....وبدل ما اصلح العربية........اجيب جديد وخلاص......
للأسف الاسعار بقت نااااااااار........وعشان الواحد يمشى ورا التوكيل ممكن يدفع نص تمن العربية........وربنا يسترها علينا كلنا

يا باشا مدام ايدك فيها وفاهم وعارف ايه اللى يضر وينفع
يبقى توكل على الله
انا واحد من الناس مبحبش اتعامل مع توكيلات نهائيآ كلها شغل نصب

**أسامه الحسيني** · 23-10-2014 12:02 PM

من عك الصنايعيه
ان العربيه عندى للاسف لما اشتريتها ما كشفتش عليها وكان فى فيش كنترول زى ما تقول حمصت او اتكسرت فالكهربائي بدل ما يتعب شويه ويجيب فيش جديد لا جاب ترامل وحشره فى البنوز ونيجه لكدا العربيه كل شويه تقف وتعطل وماترداش تدور (وعلشان تشتغل اقعد افكر واركب ةاهز فى السلوك)لدرجة انى اتحنفت وكنت عاوز ابيعها لغايه لما ربنا هدانى انى اشترى الفيش الاصليه استيراد وركبتها بدل العك الى كان معمول والحمد لله من ساعتها وكل حاجه بقت تمام
طبعا لو العربيه دى كانت بتروح التوكيل او لواحد محترم مكنش عمره تعمل العك دا
فالواحد يصلح عربيته عن صنيعي فاهم ومحترم ومش مهم ان المصنعيه بتاعته تكون غاليه شويه - على راى المثل الغالى ثمنه فيه