| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 5 من 20 الأولىالأولى 1 2 3 4 5 6 7 8 9 10 15 ... الأخيرةالأخيرة
النتائج 41 إلى 50 من 194

  1. #41

    الصورة الرمزية minagold

    رقم العضوية : 15018

    تاريخ التسجيل : 23Jul2008

    المشاركات : 125

    النوع : ذكر

    الاقامة : cairo

    السيارة: Toyota Corolla 2014

    السيارة[2]: Seat Leon 2014

    دراجة بخارية: no

    الحالة : minagold غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة beckhamomo مشاهدة المشاركة
    ربنا يباركلك فيها بس قطع الغيار اسعارها ايه عالية ولا في المعقول ؟
    شكرا يا باشا و الاسعار فى المعقول من كلام مهندسين هناك بالنسبة لعربيات كورى فيها قطع غيار بقت اغلى من الالمانى و مش معمرة زيه و قريب هحاول اجيب اسعار القطع انشاءالله


  2. #42

    الصورة الرمزية minagold

    رقم العضوية : 15018

    تاريخ التسجيل : 23Jul2008

    المشاركات : 125

    النوع : ذكر

    الاقامة : cairo

    السيارة: Toyota Corolla 2014

    السيارة[2]: Seat Leon 2014

    دراجة بخارية: no

    الحالة : minagold غير متواجد حالياً

    افتراضي -

    اقتباس المشاركة الأصلية كتبت بواسطة wtawfek79 مشاهدة المشاركة
    الف مبروك لكل اللي جاب العربية دي لانها بجد جميلة اوي شكلا ومضمونا وان كنا منقدرش ننكر موضوع الفتيس ومشاكله اللي ظهرت كتير
    عندي استفسارين بس يا باشا لاني محتار وناوي اجيب عربية جديدة
    اولا هل ينفع نركب كاميرا خلفية تشتغل على شاشة الميديا؟
    وثانيا الليون الهاي لاين ولا السيفيك الهاي لاين بدون الدخول فالمقارنات الكتير والتفاصيل خصوصا ان السيفيك من اعلى الياباني في الاداء والثبات ومتعة القيادة؟
    الله يبارك فيك يا باشا بخصوص الكاميرا هى بتنزل برة بس بالنسبالى مسألتش الصراحه تنفع و لا لا انا مركب سنسور و شايف انو كافى جدا و هى هاتشباك و ابعادها مريحة

    بخصوص السيفيك انا كان معايا سوبارو و زى ما قلت المقارنة بعدها كانت بين يابانى و المانى بس الهوندا اول ما تركبها تحس انها بلاستيك و الخامات مش حلوة ابدا و الكاسيت مش تاتش زى الليون و مش معقول تدفع فوق ال ٢٠٠ الف فى عربية لا فيها زينون و لا تاتش و خامات سيئه جدا على عكس الليون اللى فيها كل دة و زينون ليد سيستم مش زينون عادى و بانوراما و تاتش و تربو و قوة و فخامه انا مش شايفها فى الهوندا اللى مش منتشرة اصلا و نادر انك تشوفها عكس الليون اللى بقت ناجحه جدا و انتشارها كويس

    حاجة كمان فى الهوندا موضوع صوت البنزين فى التنك اللى تسمعة و انت مفول العربية و بيروح على نص التنك يعنى الصراحة لا تعليق و فكر فى الليون و الالمانى عموما و مبروك مقدما


  3. #43

    الصورة الرمزية wtawfek79

    رقم العضوية : 167503

    تاريخ التسجيل : 30Oct2014

    المشاركات : 5

    النوع : ذكر

    الاقامة : Tanta

    السيارة: Speranza

    السيارة[2]: Haundai

    الحالة : wtawfek79 غير متواجد حالياً

    افتراضي -

    تشكر على الرد وانا اساسا ميال لليون جدا
    بس عندي تعقيب بسيط على رايك فالسيفيك ﻻنها عربية محترمة جدا
    السيفيك اداء الموتور الفي تك بتاعها جبار والتسارع تقريبا زي الجولف 7 ال 1400 تربو
    البلاستيك فيها كتير فعلا بس مش رخيص ابدا انما اكيد الليون اعلى
    السيفيك الجديدة فيها شاشة الأي ميد فالتابلوه بتعرض الكاميرا الخلفية ومتصله مباشر بالكاسيت وبتعرض كل حاجة والتحكم فيها مش تاتش صحيح بس من المالتي فنكشن بتاع الطارة وكمان بتشتغل بخاصية سكرين ميرورينج زي اللي فاﻻندرويد يعني اي حاجة على تليفونك بتعرضها عليها زي الميديا والخرايط وكله وفيها تحكم حتى في اعدادات اضاءة الصالون الداخلي ولون الخلفية وحاجات كتير وكله تحكم مالطارة
    اخيرا انتشار السيفيك اكيد اكتر من الليون بس هموما هما اﻻتنين صيانتهم غالية وانتشارهم قليل وليهم زبونهم
    هروح انشاء الله اخلص فالليون وربنا يكفينا شر الدي اس جي


  4. #44

    الصورة الرمزية wtawfek79

    رقم العضوية : 167503

    تاريخ التسجيل : 30Oct2014

    المشاركات : 5

    النوع : ذكر

    الاقامة : Tanta

    السيارة: Speranza

    السيارة[2]: Haundai

    الحالة : wtawfek79 غير متواجد حالياً

    افتراضي -

    اه صحيح
    متنساش السيفيك ضمان 5 سنين او 125000 كيلو
    الليون سنتين


  5. #45

    الصورة الرمزية minagold

    رقم العضوية : 15018

    تاريخ التسجيل : 23Jul2008

    المشاركات : 125

    النوع : ذكر

    الاقامة : cairo

    السيارة: Toyota Corolla 2014

    السيارة[2]: Seat Leon 2014

    دراجة بخارية: no

    الحالة : minagold غير متواجد حالياً

    افتراضي -

    اقتباس المشاركة الأصلية كتبت بواسطة wtawfek79 مشاهدة المشاركة
    تشكر على الرد وانا اساسا ميال لليون جدا
    بس عندي تعقيب بسيط على رايك فالسيفيك ﻻنها عربية محترمة جدا
    السيفيك اداء الموتور الفي تك بتاعها جبار والتسارع تقريبا زي الجولف 7 ال 1400 تربو
    البلاستيك فيها كتير فعلا بس مش رخيص ابدا انما اكيد الليون اعلى
    السيفيك الجديدة فيها شاشة الأي ميد فالتابلوه بتعرض الكاميرا الخلفية ومتصله مباشر بالكاسيت وبتعرض كل حاجة والتحكم فيها مش تاتش صحيح بس من المالتي فنكشن بتاع الطارة وكمان بتشتغل بخاصية سكرين ميرورينج زي اللي فاﻻندرويد يعني اي حاجة على تليفونك بتعرضها عليها زي الميديا والخرايط وكله وفيها تحكم حتى في اعدادات اضاءة الصالون الداخلي ولون الخلفية وحاجات كتير وكله تحكم مالطارة
    اخيرا انتشار السيفيك اكيد اكتر من الليون بس هموما هما اﻻتنين صيانتهم غالية وانتشارهم قليل وليهم زبونهم
    هروح انشاء الله اخلص فالليون وربنا يكفينا شر الدي اس جي
    السيفيك مش بقول انها وحشة بس صعب التسارع بتاعها يكون زى الجولف ٧ التربو
    الجولف اكيد تسارع و تجميع اعلى و انا شخصياً جريت مع سيفيك الشكل اللى قبل الفيس ليفت و ماشفنيش ماتنساش يا باشا التربو مع ال سبورت مود بيحول العربية تماما و لو حصل نصيب و جبتها هتشوف دة بنفسك بخصوص الانتريور هى اذواق بس انا مش مقتنع تماما بالسيفيك جرب اركب سيفيك و بعدها ليون و ارجع للسيفيك هتحس بفرق كبير و موضوع الضمان ابسط حاجة من كلام ناس فى قسم الهوندا ان التوكيل مستنى لما تبقى الشكاوى زادت عن حدها عشان يشوفو تغير للتنك و انا ساعتها اكون بعت العربية احسن


  6. #46

    الصورة الرمزية wtawfek79

    رقم العضوية : 167503

    تاريخ التسجيل : 30Oct2014

    المشاركات : 5

    النوع : ذكر

    الاقامة : Tanta

    السيارة: Speranza

    السيارة[2]: Haundai

    الحالة : wtawfek79 غير متواجد حالياً

    افتراضي -

    اقتباس المشاركة الأصلية كتبت بواسطة minagold مشاهدة المشاركة
    فى البداية احب اشكر كل الاعضاء فى قسم سيات و اصحاب المواضيع عن الموديلات الجديدة و اللى كانو سبب انى اختار الليون عن اقتناع و مبسوط من اختيارى انا هتكلم عن العربية و دة رأى شخصى و تقيم لليون بعد 5000 كم و هحاول انى اتكلم بالتفصيل عن كل حاجة فى العربية

    اول حاجة اختيار العربية و المقارنات انا كان معايا سوبارو امبريزا 2013 و انا من النوع اللى بحب القوة و الثبات فى اى عربية و الامبريزا مشكلتها ان ارتفاعها عن الارض كان ضايع و بعد ما بعتها جينا للاختيار و اللف و المقارنات و الاختيار كان بين يابانى و المانى من الاخر و شوية فكرت فى الستروين بس كل ما شوف جولف او سيات و تحس بفخامة الالمانى و قوتة صعب ارجع افكر فى اى حاجة تانية..
    شوفت السيات و حجزت التست درايف و قبلها انا قريت كل كبيرة و صغيرة عن العربية فى المنتديات العربية و الجنبية و اللى كلها فيها اجماع ان العربية ممتازة و كانك راكب جولف بس بسعر اقل و شكل احلى كمان
    نيجى للمهم بقى مواصفات العربية و انا هتكلم عن الهاى لاين
    الموتور و الفتيس:
    محرك tsi سعة 1.2 لتر يولد قوة قدرها 105 حصان
    صندوق السرعات dsg بسبع سرعات

    مواصفات و تجهيزات الامان
    6 وسائد هوائية
    نظام الثبات الإلكتروني
    أنظمة abs و asr
    نقاط تثبيت كراسي الأطفال isofix
    نظام تنبيه لأحزمة أمان السائق و الراكب الأمامي
    نظام automatic post collision braking system
    نظام التنبيه لضغط الإطارات
    مصابيح ضباب أمامية و خلفية مع خاصية الإنعطاف
    نظام hill hold لتفعيل الفرامل على الطرق المائلة
    مصابيح أمامية bi-xenon مع إضاءة سيات الخاصة أمامية و خلفية led

    التجهيزات الداخلية:
    نظان تكييف climatronic ثنائي المناطق
    نظام ترفيهي بشاشة تعمل باللمس 5 بوصة ملونة بالإضافة إلى مداخل usb و aux وsd
    نظام bluetooth مع خاصية تشغيل الموسيقى عبره
    عجلة قيادة مزودة بأزرار ال multi-function
    مرايا الشماسات مزودة بإضاءة
    فتحات تكييف خلفية
    صندوق قفازات مزود بإضاءة داخلية
    إمكانية تعديل إرتفاع مقعد السائق و الراكب الأمامي
    عجلة القيادة و عصا ناقل الحركة و فرامل اليد مة الجلد
    نظام cruise control
    نوافذ كهربائية أمامية و خلفية
    مقاعد خلفية منفصلة قابلة للطي
    مسند ذراع أمامي مزود بأماكن للتخزين و قابل لتعديل الارتفاع
    نظام إقفال مركزي مع 2 مفتاح ريموت كونترول قابل للطي
    كمبيوتر في لوحة القيادة مع عرض لدرجة الحرارة الخارجية
    جنوط قياس 16 بوصة
    إمكانية تسخين المرايا الجانبية
    زجاج مظلل
    فتحة سقف كهربائية

    نيجى بقى للتقيم الشخصى بعد 5000 كم

    الثبات و الاتزان: العربية بجد تمشى بيها و انت مطمن و تاخد اى غرزة و انت واثق ان معاك انظمة امان و ثبات فعالة و اخدت بيها غرز على 140 و 160 كمان و العربية بجد تحس انها بتتحداك و لسة عندها اكتر

    الموتور و التسارع: اى حد يسمع انها 1200 يفتكر انها بطة بلدى ولا حاجة بس بجد الموتور دة جبار مع التربو و العزم القوى تقدر تجرى و تطلع من اى عربية بسهولة و خصوصا مع السبورت مود اللى بيخلى العربية وحش بمعنى الكلمة بس طبعا السحب دة بيكون مع بنزين 95 و هتكلم عن موضوع البنزين دة قدام

    الفرامل: قوية بمعنى الكلمة و تسعفك فى اى موقف و تخليك تجرى و انت مطمن ان وقت الجد هتقف و تجميعها قوى و سريع

    السيارة من الداخل: اول احساس لما تركب العربية هو الفخامة و جودة الخامات اللى بجد مبخلوش عليها بحاجة من نوعية البلاستك و الجلد الفخمين مش زى الكورى اللى بيبقى منظر و شغل النيكل فى الطابلوة و الباب و حولين الفتيس مديها فخامة اكتر .. بليل مع الاضاءة الليد اللى منورة فى السقف ناحية الفتيس و اماكن التخزين لسهولة الرؤية .. التاتش فى العربية جميل و سهل الاستخدام بتشوف فية كل حاجة فى العربية من معلومات و تتحكم فى التكيف منه كمان .. الفرش قماش عالى الجودة مع انى كنت اتمنى يكون فرشها جلد زى برة بس دة مايمنعش انو حلو و مش بيتوسخ بسهولة..

    الوسع الداخلى و اماكن التخزين:
    العربية صالونها واسع و مريح و جربتها فى سفر كانو تلاتة قاعدين ورا مش اجسام كبيرة بس مرتاحين و التكيف الخلفى ممتاز و الشنطة كبيرة و دى الميزة عن الجولف اللى شنطتها صغيرة جدا و من ضمن اسباب تفضيلى الليون لكثرة السفر.. اماكن التخزين كتييييييير و كبيرة فى الابواب و تحت الكراسي الامامية تلاقى و الطابلوة واسع و فى رف كمان لفوق بيشيل كويس و منظم

    الكماليات : فى نقطة هشرحها محدش انكلم عنها و هى نظام سيات للاضاءة و الليد و ال bi-xenon و دة نظام عبقرى و اللى مش بينزل غير فى الليون و مرسيدس اس و اودى a8
    طبعا الاضاءة فى منتهى الوضوح و فية ميزة ان على حسب السرعة بيتم رفع الليدات لاعلى او اسفل لرؤية اوضح و دة انا حسيتة فى السفر ان مش بتحتاج تشغل النور العالى و تزعج اللى قدامك بالعكس حسب السرعة بتكشفلك طريقك كويس بمنتهى الوضوح

    وحدات الرفع بتشتغل مع فتحة السقف فى الفتح و القفل و تقدر تتحكم فيها من التاتش حسب احتياجك

    النظام الصوتى بجد تحفة كانك قاعد فى حفلة جوة و منعزل عن الخارج و نقاء و قوة صوت جبارة بمعنى الكلمة

    العزل : بجد من احسن العربيات اللى تستمتع بسواقتها فى الزحمة من كتر العزل اللى فيها اللى بيخليك مهما الدنيا والعه حوليك انت فى عالم تانى مفيش ولا صوت و كمان نعومة صوت الموتور اللى مش موجودلة صوت اصلا بتنسيك اى حاجة

    العفشة: عبقرية بمعنى الكلمة نعومة مش طبيعية و دى لفتت نظر كل اللى ركبو العربية و ثبات و نعومة على كل السرعات و المواقف اللى تتعرضلها فى شوارعنا الجميلة طبعا

    الاستهلاك: فى البداية طبعا الافضل بنزين 95 و دة اللى انا ماشى بيه و فعلا سحب العربية ممتاز و توفير اعلى و هى اصلا موفرة جدا و نفى ناس على صفحة سيات منزلين صور للتفويلة واصلة ل 800 كم لما جربت ال 92 لاحظت صوت تكتكة بيحصل و السحب اضعف شوية بس ممكن تخلط الاتنين و دة هيختفى بس انا بفضل ال 95 خصوصا ان استهلاك العربية ممتاز

    اخر حاجة هتكلم عن كام حاجة كدة كنت اتمنى ينزلو فيها بس الحلو مايكملش و هى الباركينج سنسور و الفرش الجلد و السنسور فى التوكيل ب 3500 و يشتغل صوت بس و المهندس قالى ركبة برة من الخر و دة اللى حصل و كلفنى 170 جنية
    التوكيل بجد فى منتهى الاحترام و ناس فاهمة و مهتمين جدا حتى قطع الغيار كلها متوفرة و اسعار كويسة و دى حاجة تتحسبلة و يارب يكملو على كدة

    فى النهاية يارب التقرير يعجبكو و يكون رد على اسئلة ناس كتير محتارة و انا تحت امركم فى اى استفسار .


    باشا بتقول ان شنطة اليون اكبر من الجولف بس فالبرشور بتاع العربيتين الاتنين 380 لتر
    ياريت تاكدلنا المعلومة


  7. #47

    الصورة الرمزية minagold

    رقم العضوية : 15018

    تاريخ التسجيل : 23Jul2008

    المشاركات : 125

    النوع : ذكر

    الاقامة : cairo

    السيارة: Toyota Corolla 2014

    السيارة[2]: Seat Leon 2014

    دراجة بخارية: no

    الحالة : minagold غير متواجد حالياً

    افتراضي -

    اقتباس المشاركة الأصلية كتبت بواسطة wtawfek79 مشاهدة المشاركة
    باشا بتقول ان شنطة اليون اكبر من الجولف بس فالبرشور بتاع العربيتين الاتنين 380 لتر
    ياريت تاكدلنا المعلومة
    تقدر تشوفها على الطبيعه اوضح الاتنين نفس الابعاد تقريبا من ناحية العرض و المسافة من الشنطة للكنبة الفرق فى العمق لتحت الليون عمقها اكبر بعكس الجولف اللى تعتبر فى سوى قفل الشنطة و مفهاش اى عمق اتحت


  8. #48

    الصورة الرمزية cptmero

    رقم العضوية : 165075

    تاريخ التسجيل : 08Sep2014

    المشاركات : 17

    النوع : ذكر

    الاقامة : المنصوره

    السيارة: mustang

    السيارة[2]: mustang

    الحالة : cptmero غير متواجد حالياً

    افتراضي -

    بص ياباشا العريبه دي مكنتش فبالي وبعد ما قريت موضوعك امبارج وسرشت عليها دخلت دماغي جدا بس المشكله دلوقتي اني مش هقدر على بنزين 95 علطوول , دلوقتي العربيه دي ببنزين 92 هياثر على الماتور ولا وموضوع الرجه دا علطوول يعني كاني راكب تاكسي شاهين ولا كل فين وفين ؟ , وحضرتك بتقول انها موفره مع بنزين 95 يعني تفويلتها هتمشيك كام تقريبا وبتفولها بكام بعد رفع الدغم انا ممكن افولها كل 3 او 4 تفويلات تفويله 95, انا مكنش فبالي العربيه دي عشان الdsg بس من الواضح ان الناس كلها بتشكر فيه مع السيات يتبقى بس موضوع البنزين دا لان شفت واحد عاوز يبيعها وبيقول فيها رجه غلطوول وبتكركر لو حطيتلها 92 , سرال تاني معلش هيا اعلى فئه مبتنزلش مرايات ضم ؟ وحضرتك اشتريتها منين فين توكيلها الي الاقي عنده متاح جميع الالوان ؟


  9. #49

    الصورة الرمزية minagold

    رقم العضوية : 15018

    تاريخ التسجيل : 23Jul2008

    المشاركات : 125

    النوع : ذكر

    الاقامة : cairo

    السيارة: Toyota Corolla 2014

    السيارة[2]: Seat Leon 2014

    دراجة بخارية: no

    الحالة : minagold غير متواجد حالياً

    افتراضي -

    اقتباس المشاركة الأصلية كتبت بواسطة cptmero مشاهدة المشاركة
    بص ياباشا العريبه دي مكنتش فبالي وبعد ما قريت موضوعك امبارج وسرشت عليها دخلت دماغي جدا بس المشكله دلوقتي اني مش هقدر على بنزين 95 علطوول , دلوقتي العربيه دي ببنزين 92 هياثر على الماتور ولا وموضوع الرجه دا علطوول يعني كاني راكب تاكسي شاهين ولا كل فين وفين ؟ , وحضرتك بتقول انها موفره مع بنزين 95 يعني تفويلتها هتمشيك كام تقريبا وبتفولها بكام بعد رفع الدغم انا ممكن افولها كل 3 او 4 تفويلات تفويله 95, انا مكنش فبالي العربيه دي عشان الdsg بس من الواضح ان الناس كلها بتشكر فيه مع السيات يتبقى بس موضوع البنزين دا لان شفت واحد عاوز يبيعها وبيقول فيها رجه غلطوول وبتكركر لو حطيتلها 92 , سرال تاني معلش هيا اعلى فئه مبتنزلش مرايات ضم ؟ وحضرتك اشتريتها منين فين توكيلها الي الاقي عنده متاح جميع الالوان ؟

    انا هقولك على اللى عملتة بالضبط

    اول ما اشتريت العربية كنت بحطلها ٩٢ و ماشية تمام مفيش اى مشكلة و مش حاسس بأى صوت او رجة كان صيف و دايما قافل الازاز ومشغل تكيف المهم فى مرة بليل الجو حلو قلت بلاها تكيف و فاتح الازاز لاحظت بقى صوت الرجرجة دة بيحصل بس فى طلعة العربية يعنى من الاول للتانى بعد كدة مفيش صوت فى باقى النقلات ... طبعا انا كنت مستغرب جدا بس فى نفس الوقت احترمت العزل الرهيب بتاع العربية دى اللى طول ٢٠٠٠ كم ممشيها ب ٩٢ و الصوت دة موجود و انا و لا حاسس بية
    المهم من بعدها قررت افولها ٩٥ و الصوت راح و العربية سحبها بقى اقوى
    تفويله ال ٩٢ بتكلفك حوالى ١٤٠ جنية و لاحظت ان العربية بيتاكل فيها اسرع من ال ٩٥ كنت بفولها كل ١٣ يوم مرة
    دلوقت مع ال ٩٥ نفس اللف و المشاوير و التكيف و الزحمة لاحظت ان كل ١٠ ايام بحطلها ربع التنك يعنى مش بتكون نزلت للنص و افولها ب ١٤٠ بردة بس ٩٥ يعنى كأنك بتحط تفويلة ٩٢ و انا مش بخليها تقرب للنص و بفولها فمش حاسس بسعر ال ٩٥ و بعتبر نفسى كنت هفول ٩٢

    بخصوص التوكيل انا جبتها من فرع العبور و هما ناس محترمين جدا و بيقولك الالوان الموجودة و لو عايز لون معين بيحاولو يوفرولك اللون دة و احسن حاجة ان التسليم فورى بسعرها الرسمى و بتبقى ضامن العربية منهم مش من معرض كان جايبها سواقة و طلع عينها .. انا استلمتها ماشية ٦ كيلو
    و هى للاسف مش بتنزل مرايات ضم فى اى فئة بس دى حاجة بسيطة جنب كل المميزات اللى فيها


  10. #50

    الصورة الرمزية muhamed mohsen

    رقم العضوية : 160275

    تاريخ التسجيل : 16May2014

    المشاركات : 65

    النوع : ذكر

    الاقامة : القاهرة .. التجمع الخامس

    السيارة: skoda octavia a7 TSi

    السيارة[2]: Lancer super action

    الحالة : muhamed mohsen غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة minagold مشاهدة المشاركة
    انا هقولك على اللى عملتة بالضبط

    اول ما اشتريت العربية كنت بحطلها ٩٢ و ماشية تمام مفيش اى مشكلة و مش حاسس بأى صوت او رجة كان صيف و دايما قافل الازاز ومشغل تكيف المهم فى مرة بليل الجو حلو قلت بلاها تكيف و فاتح الازاز لاحظت بقى صوت الرجرجة دة بيحصل بس فى طلعة العربية يعنى من الاول للتانى بعد كدة مفيش صوت فى باقى النقلات ... طبعا انا كنت مستغرب جدا بس فى نفس الوقت احترمت العزل الرهيب بتاع العربية دى اللى طول ٢٠٠٠ كم ممشيها ب ٩٢ و الصوت دة موجود و انا و لا حاسس بية
    المهم من بعدها قررت افولها ٩٥ و الصوت راح و العربية سحبها بقى اقوى
    تفويله ال ٩٢ بتكلفك حوالى ١٤٠ جنية و لاحظت ان العربية بيتاكل فيها اسرع من ال ٩٥ كنت بفولها كل ١٣ يوم مرة
    دلوقت مع ال ٩٥ نفس اللف و المشاوير و التكيف و الزحمة لاحظت ان كل ١٠ ايام بحطلها ربع التنك يعنى مش بتكون نزلت للنص و افولها ب ١٤٠ بردة بس ٩٥ يعنى كأنك بتحط تفويلة ٩٢ و انا مش بخليها تقرب للنص و بفولها فمش حاسس بسعر ال ٩٥ و بعتبر نفسى كنت هفول ٩٢

    بخصوص التوكيل انا جبتها من فرع العبور و هما ناس محترمين جدا و بيقولك الالوان الموجودة و لو عايز لون معين بيحاولو يوفرولك اللون دة و احسن حاجة ان التسليم فورى بسعرها الرسمى و بتبقى ضامن العربية منهم مش من معرض كان جايبها سواقة و طلع عينها .. انا استلمتها ماشية ٦ كيلو
    و هى للاسف مش بتنزل مرايات ضم فى اى فئة بس دى حاجة بسيطة جنب كل المميزات اللى فيها
    هو ينفع نحط 92 على 95 ولا غلط .. ولو نويت اغير واحط 95 .. لازم التناك يفضى من 92 ولا عادى.. وسؤال مهم جدا جدا .. دلوقتى لو غيرت وحطيت 95 .. وفضلت ماشى عليه كتير يعنى سنتين او اكتر .. وحصل ظرف .. مثلا خلانى ارجع ل92 .. او بعت العربيه لواحد المفروض والغالب انه هيستعمل 92 .. العربيه هتبقى ايه حالتها لما ترجع 92 .. طبيعى هيقل السحب ودا عادى ..لكن يعنى هتبقى عاديه ولا ممكن يأثر ويسبب اضرار لاقدر الله عليها



 
صفحة 5 من 20 الأولىالأولى 1 2 3 4 5 6 7 8 9 10 15 ... الأخيرةالأخيرة

المواضيع المتشابهه

  1. سيات ليون 2014
    بواسطة m7md basiouny في المنتدى ســـيات
    مشاركات: 23
    آخر مشاركة: 25-09-2014, 06:39 PM
  2. محتار بين كورولا 2014 و بين سيات ليون 2014
    بواسطة AhmedFarhan في المنتدى قســـــــــم المقارنــــات
    مشاركات: 20
    آخر مشاركة: 22-07-2014, 08:29 PM
  3. مقرنه بين ريو 2014و سيات ليون 2014
    بواسطة Yusefabouelnga في المنتدى قســـــــــم المقارنــــات
    مشاركات: 11
    آخر مشاركة: 29-04-2014, 06:37 PM
  4. سيات ليون 2014
    بواسطة stalky911 في المنتدى ســـيات
    مشاركات: 10
    آخر مشاركة: 14-03-2014, 03:07 PM
  5. السيارة سيات ليون 2014
    بواسطة Mohammed68 في المنتدى ســـيات
    مشاركات: 5
    آخر مشاركة: 19-12-2013, 01:59 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2