الموضوع: قالك العربية مش في الضمان فماذا نحن فاعلون ؟؟

الأستاذ الفاضل / صاحب الموضوع
بعد التحية ،،،
حدث معي عندما كنت مسافر بسيارتي الاف 3 للإسكندرية وفي طريق عودتي كان مؤشر البنزين قارب الي الربع تقريبا وبعد وصولي قررت الذهاب لعملي ومع العودة أقوم بفويل السيارة، وفي طريق عودتي فوجئت بتوقف السيارة دون أي مؤشر من ان السيارة فارغة من البنزين حيث ان لمبة البزين لم تضيئ ، وظننت ان المشكلة ليس لها حل الا عند التوكيل وقررت نقل السيارة للتوكيل لكشف العطل الا ان تاكسي ابيض اف 3 توقف واقترح علي ان أقوم بتفويل بنزين ويمكن تكون المشكلة ان البنزين خلص ، بالرغم ان لمبة تحذير ان البنزين سيفرغ غير مضيئة !!!1
وقد كان ان فولت السيارة بالبنزين ، والسيارة اشتغلت الحمد لله وقررت ان اذهب للتوكيل للكشف علي سبب
1- توقف السيارة بالرغم من ان مؤشر البنزين عند ربع التنك.
2- لو البنزين فرغ من تنك السيارة لماذا يعطيني المؤشر قراءة خاطئة وكنت عامل بالسيارة حوالي 13 الف كم فقط.
3- لماذا لم تضئ لمبة البنزين في حالة انتهاء او قرب انتهاء البنزين.
ماذا رد علي التوكيل بعد الكشف؟؟:
قولا واحدا : " انت غلطان انك مشيت والعربية نص التنك بتاعها فاضي ، وده كلام متنبه عليه في التوكيل"
رديت ايه اللي حصل ؟؟؟
"مهندس الضمان قالي " العوامة باظت ولازم تتغير "
قولتلوا " غيرها، مش في الضمان ؟؟"
مهندس الضمان قالي " لا المشكلة ان العوامة مع طرمبة البنزين حته واحدة ، وانت الطرمبة سليمة العوامة هي اللي باظت ، مش هتتغير في الضمان ادفع 650جم ثمن الطرمبة بالعوامة"
رديت " ازاي عايزني ادفع في حاجة غير موجودة في أي تعليمات استخدام في الكاتالوج ولو فرضنا انها مكتوبة فمن المفترض ان لو في مشوار طويل ادي لعدم تمكني من تفويل العربية بعد ما تخطي مؤشر البنزين النص يبقي العوامة تبوظ مرة واحدة ؟ خامة رديئة وانا اتحمل تكلفتها؟"
قاللي " هو دة اللي عندي ، وانت ممكن تفول باستخدام كيلو متر الرحلات، علما بان هناك قطع غيار في السيارة يتم تغيرها علي حساب الزبون خارج الضمان علي مدار ال60 الف كم او الثلاث سنوات طبقا لتعليمات عندهم "
كلام غير منطقي طبعا!!!!
انتهي الكلام بالرغم من شكوتي وانا غير مقتنع غير بان ربنا قادر يخلص من كل من يعتقد انه يقدر ينفد باي حق مش حقة
ولا يضيع حق وراءة مطالب ، فاستمر في اثبات حقك في التغير علي حساب الضمان .
كما احب اضيف ان أي تصرف من التوكيل في التعامل مع الضمان هو في سبيل تقليل التكلفة دون النظر الي أي اعتبارات اخري.

كل موظفين التوكيل بيشتغلوا بطريقة الروتين الحكومى البحت
مفيش حاجة اسمها ودى ... في ورق و خلاص ... طالما التسريب من الرادياتير في العلبة اللى فوق ... يبقى السؤال ... ده مكسور و لا مشقوق؟
لو مكسور يبقى بتاعك
لو مشقوق نتيجة الحرارة الزايدة ... يبقى عيب صناعة في دورة التبريد و ده حسب القانون يبقى مشمول في الضمان
هتاخد حقك ازاى بقى ؟ ... تكلمهم في التليفون فقط بدون الزيارة الودى ... و لو هما على موقفهم ... تشتكيهم في حماية المستهلك و تستحمل عطلة العربية حوالى شهر لحد ما يبان النتيجة
المهم ... لو قبلت تدفع المرة دة ؟؟؟ خلاص ... عربيتك خرجت من الضمان و شكرا على كدة

في كوكب السعودية الشقيق ... الوكيل ملزم بالضمان ... و العميل يعمل الصيانة مكان ما هو عاوز ... يا رب يعملها بايديه في الجراج

و نسيت أسأل الاخ الفاضل صاحب المشكلة
ايه أخبار المراوح؟ بتشتغل و لا واخدة أجازة؟

الحقيقة النهاردة مدير الفرع كان متفهم جداًووعد بحل المسألة ان شاء الله .. دعواتكم

للاخوة اللى راحت قابلت الاستاذ عماد سليمان من جروب الفايسبوك ، ياترى كنتم متوقعين موقف زى كده مع احد الملاك ؟؟ ولو نفتكر استاذة داليا كانت ذكرت موضوع الصيانة بلعداد او بالشهور ايهما اقرب ورجعت تانى قالت لا بالعداد ،، وموقف زى اللى حصل مع العضو ممكن يحصل معايا او مع ابو ياسمين او حسام او ايهاب او انت وغيرك ،،هل نقول لصاحب المشكلة لا تتنازل عن حقك فقط ومنا من يدافع عن التوكيل !! بصراحة شيئ مؤسف من التوكيل وشيئ مخزي مننا لو تركناهم يفعلو بالاخ او باى واحد فينا كده !!
ليس فقط هذا بل نريد حلا نهائيا من التوكيل بعدم حدوث ذالك مستقبلا وتعهد مكتوب بهذا
اذا لم يحل الموضوع فسأقترح بعمل شكوى جماعية او الذهاب جميعا للتوكيل بسيارتنا ونقف مع العضو لحين حل المشكلة واخذ كافة التعهدات بعدم تكرار مثل هذه الاشياءالمسيئة جدا للتوكيل وللسيارة