مشكله فى عفشة الشاهين

**hitham_adel200** · 22-10-2014 03:16 AM

معايا شاهين 2004 اشترتها من سنه تقريبا وكان معاها جنوط اسبور مقاس 13
من 3 شهور بروح اظبط زاويا عند اى حد يقولى العجله القدام شمال داخله نص سنتميتر من فوق روح لعفشجى يظبطها وتعالى اظبطلك زوايا
المشكله دلوقتى اى عفشجى ارحله يقولى غير الجنوطه وهات الجنوط الاصلى للعربيه واظبطلك المشكله لدرجة انه الجنوط الاسبور اثرت على شدادات الكارونه وعلى طول بتاكل صلبان الكردان
ومش عارف اعمل ايه بالاخص الجنوط مظبطانى على الطريق سواء فى السفر او الملفات السريعه مديالى ثبات كويس
فهل فى حل للمشاكل دى مع ثبات الجنوط الاسبور فى العربيه

**Ahmd Rezq** · 11-11-2014 12:46 AM

هو البديهي انك تلعب في حدود التاير المسموح ليه في العربية , هتركب تاير اسبور اه الدنيا هتبقا تمام و كل حاجه و ثبات بس العفشة بتاعتك عمرها هيقل و ده شئ بديهي لأنك هتحمل عليها ازيد.
الملف الي كنت بتاخده على سرعات اقل عشان خايف هتاخده على سرعات اعلى فتحمل اكتر , و هكذا .
تاير سبور يبقا لازم عفشة معمولة عشان تستحمله و إلا هتصلح بدري بدري ,
نصيحة ارجع للتاير الاصلي الشاهين كويسة إلا حد ما و عفشتها تعيش بس عمرها ما هتديلك اداء رياضي .

**hitham_adel200** · 12-11-2014 07:45 PM

فى حالة عاوز أجيب جنط أسبور غير الى عندى هل فى حاجه كويسه الناس مجرباها مع الشاهين
شكرا

**hassan777** · 13-11-2014 03:18 AM

طيب قفل العجله من فوق نص سم عامل معاك حدفه فى المشى ولا مش عامل معاك حاجه ؟؟

**hitham_adel200** · 19-11-2014 05:51 PM

متأسف على التأخير فى الرد
الداخله فى العجله الشمال قدام بتخلى العربيه تحدف معايا يمين
فى عفشجى طلب مسمار 12 حشره فى الكوع الى بين المساعد والعجله فطلعة نص سم لبره وعملت مشكله أكبر
مشكلتى دلوقتى انه الجنوط الاسبور عملتلى مشاكل فى العفشه كلها وعاوز اجيب بديل نفس الأداء وفى نفس الوقت مريح للعفشه
شكرا

**asp** · 03-12-2014 09:30 AM

رجع السيارة لاصلها افضل انا جربت الجنوط وفعلا بتدمر العفشة سريعا وواحد قالي بلاش تعديل علي الخواجة وسيبك من الشكل اما من حيث الثبات فالعربية ثابتة علي القديم الاصلي لحد كبير وجيد وانت الكسبان الكلام دة اتقال لجارنا وانا كنت معاه واقتنعت بيه جدا واقنعتو يرجع الجنوط الاصلية واهو زي الفل وسوقتها وبسيب ايدي عادي جدا علي سرعة 100 والعب في التسجيل وارد علي الموبايل من غير اي توتر وربنا يوفقق للصالح وتقبل تحياتي وردي وشكرا واسف علي الاطالة