الموضوع: إمسك الخشب ... خبط على الخشب touch the wood

المشاركة الأصلية كتبت بواسطة OlaOsman

و انا كمان :)

بس انا لية تعليق.. مش على الرسالة دي بالذات و لكن على ظاهرة حصلت في الكام يوم اللي فاتوا.. الرسالة دي وصلتني أول مرة عن طريق إيميل الشغل.. و بعدها لقيت رسالة بمحتواها على الفيس بوك.. و بعدين على إيميل الياهو و الهوت ميل و الجي ميل و كل ما هو ممكن أن يرسل من خلاله رسالة لقيت الرسالة دي بتجيني بتحذير من إني أمسك الخشب.. طبعا انا مش بانقص من قدر أهمية الرسالة و لا ناقلها.. انما ايه الحمى دي ياخوانا؟ و ايه الحماس الرهيب ده في تحذير الناس من مخاطر لمس الخشب؟ تاني عايزة أقول اني مش باقلل من أهمية محتوى الرسالة.. انما يعني فرضنا ان حد مسلم قال امسك الخشب.. مش ربنا برضه مطلع على النوايا و يعلم ما في أنفسنا أفضل 100 مرة مننا؟ يبقى انا لو قلت مرة امسك الخشب أكيد مش قصدي التبرك بالصليب - و عذرا لكل مسيحي يقرأ هذا الكلام انا طبعا مش قصدي أي أساءة - انما يعني يا ريت نتعامل مع خالقنا بقدره من الجلال و الكمال و انه جل و علا منزه عن كل نقص و مش هاياخدنا بكلمة قلناها هو يعلم كل العلم اننا لا نقصد بها الشرك.

انا عارفة ان رأيي ده مش هايعجب كتير من الناس بس هو في الآخر "رأي" يحتمل الصواب و يتحمل الخطأ.

حمى ارسال الرسائل واستحلاف المتلقى ان يرسلها لكن من يعرف ومن لا يعرف قديمة قد انتشار الميل (حتى برة عندهم رسايل برضه من نوعية ابعتها لكل اللي عندك)


ومع احترامي وموافقتى لما نشر هنا في هذه الرسالة فإن معظم الرسائل التي تستحلفني بارسالها لمن أعرف تحتوى على معلومات اقل ما يقال عنها انها خاطئة