الموضوع: أعمل إيه ؟؟!

مساء الفل يا رجالة الأوبل
إن شاء الله ناوي أغير مساعدين عربيتي فيكترا 97 b وقررت أجيب جديد ﻷني جربت الاستيراد ومقعدش معايا.
كنت بختار بين 3 أنواع مونرو وبلشتاين وساكس.
المونرو بصراحه روحت له أول حاجة ﻷسمه المعروف ف السوق بثباته وقوة تحملة للشوارع الجميلة بتاعتنا والمساعد الوحيد اللي ليه ضمان سنه ودي مش موجوده ف أي نوع تاني،ورسيت على الريفلكس اللي هو غاز وزيت وفكرته عجبتني جدااا، وسعره كمان حلو ورا وقدام عامل 1580.
تاني حاجة البلشتاين مش لاقي اللي ورا وكل اما اسأل عند حد إما قدام موجود وورا ﻷ إما العكس وأنا بفضل ورا وقدام نفس النوع بحيث يبقى نفس الأداء والتحكم.
الساكس بقي وعرفت أن ده بتاع العربية أصلا بتنزل بيه، مش لاقيه خاااالص سألت كذا محل قالولي مبقاش ينزل، أمريكان ستار بتاع شمبليون قالي على نوع غريب كده وعلى كلامه إن ساكس هي اللي بتصنعه، المصرية قاللي مفيش غير ساكس التركي في السوق واللي يقولك غير كده كداب!! ورفض يقولي السعر ف التليفون.
الوحيد اللي قاللي عنده ساكس ألماني الصيرفي جسر السويس بس قاللي أسعار مش عارف كده غالي ولا ده سعره قاللي أمامي 1100 وخلفي 750 وقلتله ألماني قالي أصلي، مش عارف كلامه صح ولا بيشتغلني!!.
بس أنا الحقيقة مايل أكتر لمونرو، إيه رأيكم بقي؟؟ ولو هجيب بطاحات أجيب نوع إيه؟؟؟

المشاركة الأصلية كتبت بواسطة haisam ali

باشا اللى يوصل حضرتك ل ١١٠٠ جنيه .... يبقوا بتوع التوكيل امامى احسن مليون مره ياجماعه ب ١٢٦٠ جنيه بالضريبه ... حضرتك ممكن تكلمهم وتسأل على مساعدين ورا وقدام ولو لقيتهم سعرهم مقارب يبقى زى الفل لأنهم اصلى اصلى

في التوكيل أمامي 2000 وخلفي 1700 لسه إمبارح جايب السعر، طبعا مبالغ فييه

المشاركة الأصلية كتبت بواسطة haisam ali

والله العظيم ياجماعه انا سالت عليهم فى شهر ٢ اللى فات فى التليفون من التوكيل ... قالولى باللفظ كده ١١٥٠ بدون ضريبه مبيعات وكمان ضريبه مبيعات ١٠٪ ... حتى يومها كنت لسه شارى المساعدين الساكس ب ٩٥٠ جنيه وبقيت زهقان جدا قولت مانا كنت جيبت الاصلى .... فمش عارف بقى هوا منصور والناس دى بتشتغلنا ولا ايه !!!! أسف لو كنت قولت رقم غلط لكن ده بجد اللى حصل معايا

طيب المهم دلوقتي أنا أجيب إيه؟