الموضوع: أعمل إيه ؟؟!

مساء الفل يا رجالة الأوبل
إن شاء الله ناوي أغير مساعدين عربيتي فيكترا 97 b وقررت أجيب جديد ﻷني جربت الاستيراد ومقعدش معايا.
كنت بختار بين 3 أنواع مونرو وبلشتاين وساكس.
المونرو بصراحه روحت له أول حاجة ﻷسمه المعروف ف السوق بثباته وقوة تحملة للشوارع الجميلة بتاعتنا والمساعد الوحيد اللي ليه ضمان سنه ودي مش موجوده ف أي نوع تاني،ورسيت على الريفلكس اللي هو غاز وزيت وفكرته عجبتني جدااا، وسعره كمان حلو ورا وقدام عامل 1580.
تاني حاجة البلشتاين مش لاقي اللي ورا وكل اما اسأل عند حد إما قدام موجود وورا ﻷ إما العكس وأنا بفضل ورا وقدام نفس النوع بحيث يبقى نفس الأداء والتحكم.
الساكس بقي وعرفت أن ده بتاع العربية أصلا بتنزل بيه، مش لاقيه خاااالص سألت كذا محل قالولي مبقاش ينزل، أمريكان ستار بتاع شمبليون قالي على نوع غريب كده وعلى كلامه إن ساكس هي اللي بتصنعه، المصرية قاللي مفيش غير ساكس التركي في السوق واللي يقولك غير كده كداب!! ورفض يقولي السعر ف التليفون.
الوحيد اللي قاللي عنده ساكس ألماني الصيرفي جسر السويس بس قاللي أسعار مش عارف كده غالي ولا ده سعره قاللي أمامي 1100 وخلفي 750 وقلتله ألماني قالي أصلي، مش عارف كلامه صح ولا بيشتغلني!!.
بس أنا الحقيقة مايل أكتر لمونرو، إيه رأيكم بقي؟؟ ولو هجيب بطاحات أجيب نوع إيه؟؟؟

المشاركة الأصلية كتبت بواسطة haisam ali

أنا جربت الساكس زى ماقولت قبل كده .... اشتغل معايا خدمه شاقه الصراحة لمده ٨ شهور بعد كده بعت العربيه ... يعيبه انه ناشف شويه فى المطب ... كمان الاستاذ احمد عاشور وضحلنا نقطه ودى انا كنت وأخد بالى منها بس مش عارف هيا من ايه ان العربيه هتلاقيها بتترفع زياده شويه فى مطبات الهواء على السرعات العاليه بطريقه ملحوظه

وفى نفس الوقت المونرو ده بسمع عنه انه كويس اوى وكمان بتقول عليه ضمان كويس اهوه ... وده معناه انه حاجه محترمه ... شرط تشتريه من الوكيل بتاعه فقط

شكرا جزيلا على الرد، بس معلش أخر حاجة البلشتاين؟؟