الموضوع: سؤال عن صيانة الـ10الف

البوجيهات بتتغير يا جماعه كل 40 الف
مش 20 الف
انتم بتجيبو الكلام ده منين
وفي في العالم بوجيهات عادية تتغير كل 20 الف بــ 400 جنيه ليه يعني
ده الدينسو الأصلي بره التوكيل بتتباع بــ 60 جنيه الأربعة

عالعموم كويس ان معاذ قال سعرهم الحقيقي

الناس يظهر ما صدقت ولا ايه
انتم متربصين ولا ايه

أبو عبد الله انت متنرفز ليه
الموضوع في منتهى البساطة
مفيش حد يعرف 100% عن كل حاجة ووارد إن يبقى فيه معلومة الواحد يجهلها
من غير كل ده كل واحد مننا دوره يصلح معلومة شايف غيره أخطأ فيها
ده مش عيب
وإذا كان على البوجيهات اللي سعرها طلع مش مظبوط ومعاذ وانت جزاكما الله خيراً صلحتوها مننساش إننا كدة بنسيب أصل الموضوع وهو أسعار الصيانة اللي ناس كتير منهم أنا اشتكت منها
عشان كدة انا عندي اقتراح وهو إننا نبتدي نجمع مجموع صيانات موديلات مختلفة لسيارات لغاية 100 ألف كم ونقارنها بالخاصة بدايهاتسو ونعرضها على الناس في التوكيل يمكن ده يساعد في إن الأسعار يعاد النظر فيها
وعشان منبقاش بنلف في حلقة مفرغة في نقاش الصيانة غالية ولا مش غالية باقترح برضة من اللي شايف ان الأسعار عادية ومناسبة له وكله تمام إنه يتجاهل اقتراحي تماماً ويدعي لنا بس ربنا يوفقنا

المشاركة الأصلية كتبت بواسطة أبو عبدالله

البوجيهات بتتغير يا جماعه كل 40 الف
مش 20 الف
انتم بتجيبو الكلام ده منين
وفي في العالم بوجيهات عادية تتغير كل 20 الف بــ 400 جنيه ليه يعني
ده الدينسو الأصلي بره التوكيل بتتباع بــ 60 جنيه الأربعة

عالعموم كويس ان معاذ قال سعرهم الحقيقي

الناس يظهر ما صدقت ولا ايه
انتم متربصين ولا ايه

أبو عبدالله إحنا مش متربصين ولا حاجة ....بس أديك شايف الحال....سييييييبك يا عم من البوجيهات.....هل إنت شايف الأسعار دي معقولة!!؟؟

وبعدين موضوع البوجيهات ده إحنا ماجبناش حاجة من برة.....مدام هند قالت إنهم تقريباً بالمصناعية 400جم.......الله أعلم؟

مدام هند إحنا في إنتظار رفع صورة فاتورة الصيانة ....جزاكم الله خيراً

المشاركة الأصلية كتبت بواسطة alijandroo

أبو عبد الله انت متنرفز ليه
الموضوع في منتهى البساطة
مفيش حد يعرف 100% عن كل حاجة ووارد إن يبقى فيه معلومة الواحد يجهلها
من غير كل ده كل واحد مننا دوره يصلح معلومة شايف غيره أخطأ فيها
ده مش عيب
وإذا كان على البوجيهات اللي سعرها طلع مش مظبوط ومعاذ وانت جزاكما الله خيراً صلحتوها مننساش إننا كدة بنسيب أصل الموضوع وهو أسعار الصيانة اللي ناس كتير منهم أنا اشتكت منها
عشان كدة انا عندي اقتراح وهو إننا نبتدي نجمع مجموع صيانات موديلات مختلفة لسيارات لغاية 100 ألف كم ونقارنها بالخاصة بدايهاتسو ونعرضها على الناس في التوكيل يمكن ده يساعد في إن الأسعار يعاد النظر فيها
وعشان منبقاش بنلف في حلقة مفرغة في نقاش الصيانة غالية ولا مش غالية باقترح برضة من اللي شايف ان الأسعار عادية ومناسبة له وكله تمام إنه يتجاهل اقتراحي تماماً ويدعي لنا بس ربنا يوفقنا

أُؤيد بشدة يا علي إن إحنا نحاول نضغط على التوكيل في أسعار الصيانة.....

المشاركة الأصلية كتبت بواسطة sharky

كلام مظبوط جدا و مؤيده

و الإقتراح ممتاز جدا لمحاولة الضغط على التوكيل لخفض مصاريف الصيانة الغالية

و هو دا المطلوب معرفة السلبيات و الضغط على التوكيل لحلها مش الدفاع عن سلبياته و إيجاد المبرارات له لكى يستمر فيها

و دى مشاركة منى معاكم لمحاولة حل هذه المشكلة

أسعــار قطــع الغيار و الصيانة للياريــــس

أسعــار قطــع الغيار و الصيانة للميـــجان

اكتر من رائع يا شاركي
بس دلوقتي جت في بالي فكرة
انا باقترح إننا نعمل زي تصنيف للسيارات اللي زي السيريون كفئة سعرية
يعني مثلاً نجمع مجموعة سيارات من 75 ألف إلى 100 ألف جنيه
أصل لو كدة هايبقى مش منطقي نحط الميجان لانها فئة اعلى
الميجان لحد كبير تقارن بالكورولا وليس بالياريس والسيريون
ولو الفكرة مقبولة ايه السيارات اللي تقترحوا نضيفها للمقارنة مع السيريون؟

برضة انا شايف أسعار الياريس بقالها أكتر من سنة فأكيد الأسعار دي اتحركت لاعلى من كدة إزاي نقدر نحدثها
سؤالي أخير
انت جمعت معلومات صيانة الياريس دي إزاي ومنين
ده ممكن يكون عامل مساعد في تجميع معلومات السيارات التانية

ممتاز جداً
بس انا عندي وجهة نظر
مش حابب استخدام كلمة نضغط على التوكيل اللي اتكررت 3 مرات في ردودنا
إحنا هانعمل ملف كويس بالموضوع وان شاء الله نعرضه على م. محمد عبد الصمد في مقابلة دايهاتسو الجاية وانا شخصي متفائل خير
انا مش باؤمن بكلمة الضغط لأن في مصر مفيش حد بيعمل حاجة غصب عنه
ده غير ان التوكيل له مواقف جيدة كتير فاظن إن هايكون فيه استجابة للطلب

فالتوكيل يهمه في الأول والآخر إنه يبيع أكتر وينال رضا عملاؤه وده مش هايتحقق إلا لو استجاب لطلب شريحة أرجح إنها مش هينة بتعاني من ارتفاع أسعاره