الموضوع: سؤال عن صيانة الـ10الف

المشاركة الأصلية كتبت بواسطة alijandroo

أبو عبد الله انت متنرفز ليه
الموضوع في منتهى البساطة
مفيش حد يعرف 100% عن كل حاجة ووارد إن يبقى فيه معلومة الواحد يجهلها
من غير كل ده كل واحد مننا دوره يصلح معلومة شايف غيره أخطأ فيها
ده مش عيب
وإذا كان على البوجيهات اللي سعرها طلع مش مظبوط ومعاذ وانت جزاكما الله خيراً صلحتوها مننساش إننا كدة بنسيب أصل الموضوع وهو أسعار الصيانة اللي ناس كتير منهم أنا اشتكت منها
عشان كدة انا عندي اقتراح وهو إننا نبتدي نجمع مجموع صيانات موديلات مختلفة لسيارات لغاية 100 ألف كم ونقارنها بالخاصة بدايهاتسو ونعرضها على الناس في التوكيل يمكن ده يساعد في إن الأسعار يعاد النظر فيها
وعشان منبقاش بنلف في حلقة مفرغة في نقاش الصيانة غالية ولا مش غالية باقترح برضة من اللي شايف ان الأسعار عادية ومناسبة له وكله تمام إنه يتجاهل اقتراحي تماماً ويدعي لنا بس ربنا يوفقنا

صباح الفل يا ابو حمزة او ابو رقية

انا مش متنرفز ولا حاجه والله
انا يمكن بس كتبت الكلام وانا مستعجل في الرد مش اكتر

لكن اصل انتم اخدتم الرقم وفصلتوه كمان على الكيلوهات
يعني علشان ميبقاش كلام كتير على اساس غلط
اعذرني والله مش مسألة جهل ولا حاجه ولكن مفيش حاجه اسمها بوجيهات بــ 400 جنيه الا الأيريديوم اللي بتقعد 100 الف كم بس


وانا معاك في الكلام اللي انت بتقوله
ولكن ليا رجاء بس
اللي يقارن الأسعار يقارنها بنفس العربيات اللي في نفس الفئة ونفس الصناعه مع الأخذ في الأعتبار العمر الأفتراضي لها
يعني مش معقولة نقارن بين قطعتين غيار ودي عمرها اعلى من دي
مش كده ولا ايه

وبرضه بعد ما تقارنه انا بقولكم ان قطع غيار دايهاتسو ارخص قطع غيار ياباني في السوق كله بس داخل التوكيلات
لو بره التوكيلات ممكن تشتري حاجات اقل في السعر طبعا

وربنا يوفق ان شاء الله

المشاركة الأصلية كتبت بواسطة عمرو عمارة

أبو عبدالله إحنا مش متربصين ولا حاجة ....بس أديك شايف الحال....سييييييبك يا عم من البوجيهات.....هل إنت شايف الأسعار دي معقولة!!؟؟

وبعدين موضوع البوجيهات ده إحنا ماجبناش حاجة من برة.....مدام هند قالت إنهم تقريباً بالمصناعية 400جم.......الله أعلم؟

مدام هند إحنا في إنتظار رفع صورة فاتورة الصيانة ....جزاكم الله خيراً

بص يا عمرو
المشكلة زي ما قولتلك
ان لما تقارن قارن بنفس الرينج اللي فيه العربيه
يعني صناعة قطع الغيار Denso و NGK
شوف هما موجودين في باقي الماركات اسعارهم ايه ساعتها هنقدر نحدد التوكيل مبالغ في اسعاره ولا اسعار طبيعيه

مش كده ولا ايه

أبو عبدالله أنا عارف طبعاً إن مفيش حاجة إسمها بوجيهات بـ400ج تعيش 20الف كم فقط.....بس كل إلي خوفت منه بعد ما شوفت أسعار العمالة المبالغ فيها أوي إن البوجيهات مثلاً تكون بـ150ج ويقولك 250ج عمالة وتركيب وضرايب!!!

المشاركة الأصلية كتبت بواسطة أبو عبدالله

ولكن ليا رجاء بس
اللي يقارن الأسعار يقارنها بنفس العربيات اللي في نفس الفئة ونفس الصناعه مع الأخذ في الأعتبار العمر الأفتراضي لها
يعني مش معقولة نقارن بين قطعتين غيار ودي عمرها اعلى من دي
مش كده ولا ايه

وبرضه بعد ما تقارنه انا بقولكم ان قطع غيار دايهاتسو ارخص قطع غيار ياباني في السوق كله بس داخل التوكيلات
لو بره التوكيلات ممكن تشتري حاجات اقل في السعر طبعا

وربنا يوفق ان شاء الله

ملحوظتك في محلها يابو عبد الله
وانا نفسي كان رأيي شبيه لما قلت

بس دلوقتي جت في بالي فكرة
انا باقترح إننا نعمل زي تصنيف للسيارات اللي زي السيريون كفئة سعرية
يعني مثلاً نجمع مجموعة سيارات من 75 ألف إلى 100 ألف جنيه
أصل لو كدة هايبقى مش منطقي نحط الميجان لانها فئة اعلى
الميجان لحد كبير تقارن بالكورولا وليس بالياريس والسيريون
ولو الفكرة مقبولة ايه السيارات اللي تقترحوا نضيفها للمقارنة مع السيريون؟

وانا في انتظار أراء الخبراء وانت منهم عشان يقولولنا إيه ممكن نضيفه في نفس تصنيف السيريون

المشاركة الأصلية كتبت بواسطة عمرو عمارة

أبو عبدالله أنا عارف طبعاً إن مفيش حاجة إسمها بوجيهات بـ400ج تعيش 20الف كم فقط.....بس كل إلي خوفت منه بعد ما شوفت أسعار العمالة المبالغ فيها أوي إن البوجيهات مثلاً تكون بـ150ج ويقولك 250ج عمالة وتركيب وضرايب!!!

ساعتها هاتهالي اركبهم انا وهاخد 100 جنيه بس
:k48:

انا عملت جدول كدة ومفتوح للمشاهدة
على الرابط

لو حد حابب يحرر الجدول ياريت يحط ايميل على جوجل عشان أضيفه لمحرري الجدول
لسة قدامنا شغل كتير

الجدول مفتوح للتعليقات

المشاركة الأصلية كتبت بواسطة أبو عبدالله

ساعتها هاتهالي اركبهم انا وهاخد 100 جنيه بس
:k48:

الله يباركلك يا أبو عبدالله.....بس انا أعرف أركبهم بنفسي....بس خايف التوكيل يقولي شكراً إنت كده برة الضمان :k26:

إنتظروا مني تقرير مفصل بالصور عن عمل سيرفيس كامل لسيارتي الكليو..