الموضوع: للناس اللى هاجرت او بتفكر ايه رايك فى المقولة دى

متابع

المشاركة الأصلية كتبت بواسطة zorg

طيب المستشفيات اللى بفلوس برضه بقت زفت وعايزين فلوس وخلاص و الكام سنة الاخيرة كنا بنقرى ونسمع عن برضه الاهمال و الرعاية الزفت اللى فيها
المواصلات مش هتقدر هتلاقى نفسك بتتفاعل بشكل تلقائى
ده غير اكبر مشكلة همجية وبربرية وانعدام الاخلاق
طيب بالنسبة للمستقبل فين؟ جواز اولادك او حتى انتا؟العادات و التقاليد الزفت؟الخ الخ الخ
طيب بالنسبة للاستثمار؟ ياترى تجيب شقة او ارض وتلاقيها اتاخدت منك و بالقانون افتح التليفزيون واتفرج على المكالمات عن اللى ارضه وشقته بتتسرق انا شخصيا بعانى من المشكلة دى
عشان تعيش فى البلد دى لازم يبقى معاك طقم بلطجية + طقم كومبارسات عشان لو حبيت تعمل فيلم هندى على حد + طقم محامين وده بتلجأ له فى الاخر + ممكن عاهرة عشان لو احتجت لاستخدامها فى ضد اعدائك + ومش عايز اقول انك احتمال تحتاج بيكاتشوا او يمكن جرندايزر :d
طيب الناس الغلابة تعمل ايه؟
للاسف اللى معاه فلوس وابن ناس مش هيعرف برضه يتعامل
الا اذا اتكلمنا على طبقة محدثين النعمة اللى ظهرت ودول هما اللى معاهم فلوس وبحكم اصولهم اللى مش قد كده تلاقيهم عارفين يضبطوا نفسهم ومتدربين على الاساليب القذرة

انا معاك ان المشكله كبيرة والحلول اللي انا وضعتها تعتبر حلول مؤقته وليست المستقبل بس هتعمل ايه ؟ افضلك ما تروح بلد ما تعرفشي فيها حد وتضيع عمرك في البحث والجري ع الفاضي
انا عن نفسي مش مقتنع بالسفر لاوروبا او امريكا لوحدي لازما يكون معايا رفيق زوجه مثلا او صديق من البلد المهاجر اليها يكون مخلص او صديق من بلدي ليه فتره عايش هناك وعنده خبرة علشان يرشدني للطريق الصح وما يتنصبش عليا
واللي انا بحبذه اوووي زوجه اجنبيه محترمه وبيها اضرب الف عصفور بحجر اولا هتسهل طريق السفر ثانيا هتكون مرشده ليا في بلدها ثالثا هترعاني وتضبخلي وتغسلي لبسي بدورها كزوجه وتحل محل امي في بلد الغربه واخلف منها عيال ... الخ
اما غير كده شايف اني هتبهدل وبجري ورا سراب

المشاركة الأصلية كتبت بواسطة prof2013

مشكله التعليم (ممكن تودي عيالك مدارس اللغات افضل من المدارس الحكوميه) مدارس اللغات ممكن تلاقي فيها عيال بيئه بس اهاليهم معاهم فلوس و عيالك يتعلموا منهم اسوأ الاخلاقيات فمش بالضروره مدارس اللغات هي الحل
مشكله المواصلات (تتحل بأنك تاخد عربيه ملاكي مخصوص توديك اي مكان مش تشتري عربيه حتى لا تتحمل مشكله عدم توافر البنزين ومشاكل الطرق اللي تخليك كل شوي تصرف ع العربيه) [mklb]طب و الطرق ؟ هرصف الطرق علي حسابي مثلا ؟ حل الموضوع ده في ايد الحكومه مش في ايد افراد مهما كان معاهم كام[/mklb]
مشكله الانترنت (تجيب خط 2 ميجا لوحدك وعيش يامان) هي فين العيشه دي ؟ انا عندي خط 2 ميجا و بيقطع اكتر ما بيجي و الداونلود زي الزفت و شركه تي اي داتا هتيجبلي السكر قريب
بالنسبه للمرض والعلاج (بالفلوس تروح المستشفيات الكبيرة ام 5000 الاف في اليوم هههههههههه) ياغلبي ياني المهم نلاقي رعايه كويسه وربنا يكفينا شر المرض) المرض ذل سواء كنت غني و لا فقير خصوصا في البلد دي و علي فكره الرعايه الصحيه في المستشفيات الخاصه بقت زي الزفت و غاليه علي الفاضي
بالنسه بقى للحريه والديمقراطيه والكلام ده فميشغلناش لا بيشغلني لان انا احب اقول ما اريده بدون تكميم افواه طالما لم اخالف القانون المهم مزاجنا وخلاص لان كده كده مش هنعرف نغير الكون وهي البلد اتبرمجت على كده خلاص هنعمل ايه كان نفسنا بس عادي بقى حياتنا مش هتقف عليها كلامك ده قمه السلبيه لان كل واحد لازم يصلح من نفسه عشان المجتمع ينصلح يعني اعمل اللي عليك علي الاقل و اصلح من نفسك مش تقول مزاجي و خلاص

المشاركة الأصلية كتبت بواسطة lonedoctor

خلى عندك صبر والجاى احسن ان شاء الله
مصر ام الدنيا وهتبقى اد الدنيا
تقبل تحياتى

بالله عليك بلاش الشعارات دي اللي ودتنا في داهيه

المشاركة الأصلية كتبت بواسطة zorg

بالنسبة للغة مصر اخرنا هنتعلم انجليزى ويمكن فرنساوى او انجليزى غير كده هنضطر نتعلم هناك فى البلد اللى هنروحها ومتقوليش اتعلم من الانترنت اللغة عشان ده هيبقى تضييع وقت في مراكز بتدي كورسات الماني و روسي و اسباني و ايطالي و لغات تانيه كتير ... اللي يدور هيوصل
السفارة اشك هيعبروك الا اذا كان فى واسطة تقدر توصلك لحد مسئوول جوة السفارة غير كده معتقدش هيفيدوك ده على الاقل فى السفارات الاوروبية اعرف ناس متجوزة و ماخدوش حق ولا باطل من سفارة الزوجة وسايط ايه في السفارات ؟ اللي اعرفه انك بتاخد معاد عشان تقابل المسئول الثقافي بتاعهم و تسأله عن اللي انت عايزه المهم بس تتكلم بقلب جامد و تكون واثق من نفسك

المشاركة الأصلية كتبت بواسطة prof2013

انا معاك ان المشكله كبيرة والحلول اللي انا وضعتها تعتبر حلول مؤقته وليست المستقبل بس هتعمل ايه ؟ افضلك ما تروح بلد ما تعرفشي فيها حد وتضيع عمرك في البحث والجري ع الفاضي هتضيع وقتك و فلوس في موضوع الهجره لو مش دارس الموضوع كويس من كل الجوانب و مش بالضروره تكون تعرف حد في البلد اللي انت مسافرلها
انا عن نفسي مش مقتنع بالسفر لاوروبا او امريكا لوحدي لازما يكون معايا رفيق زوجه مثلا او صديق من البلد المهاجر اليها يكون مخلص او صديق من بلدي ليه فتره عايش هناك وعنده خبرة علشان يرشدني للطريق الصح وما يتنصبش عليا مش بالضروره الكلام ده لان احنا ناس كبيره مش عيال صغيره و لازم نكون دارسين الموضوع من كل جوانبه قبل السفر زي ما قولت قبل كده
واللي انا بحبذه اوووي زوجه اجنبيه محترمه وبيها اضرب الف عصفور بحجر اولا هتسهل طريق السفر ثانيا هتكون مرشده ليا في بلدها ثالثا هترعاني وتضبخلي وتغسلي لبسي بدورها كزوجه وتحل محل امي في بلد الغربه واخلف منها عيال ... الخ
اما غير كده شايف اني هتبهدل وبجري ورا سراب

يا سلام ؟ زوجه اجنبيه هتطبخلك و تغسلك هدومك كمان ؟ انت طيب اوي :d

كلامك اغلبه سلبي ... مش بالضروره تروح بلد نضيفه اوي و مش بالضروره تروح بلد عارف فيها حد ... ادرس الموضوع و اعتمد علي نفسك و توكل علي الله :)))

وحبذا لو تلبسني كمان هههههههههههههه
بص انا درست الموضوع اوي زي ما انت قولت ولقيت ان افضل وسيله للسفر هو الزواج دي وجهه نظري
عارف ليه لانك هتختصر بيها حاجات كتير
انتهى ....

وموضوع البحث عن زوجه اجنبيه بدأت بقتله بحثا من الشهر الماضي بحد اقصى سبتمبر 2015
وبعديها هتنازل كتييير واخد اي حاجه وخلاص من هنا ان شالله تكون مش متعلمه وفلاحه ثم ابدأ في تنفيذ ما ذكرته في اول البوست واكيف نفسي على الحياه هنا
موضوع الزوجه الاجنبيه قد وصلت فيه لمعلومات مهمه لن ابوح بها الان

مع العلم ان الزواج ليس لغرض السفر
المفروض اننا بنهاجر لاسباب كتيرة جدا من ضمنها الزواج وبالتالي نقوم باستباق هذه الخطوة باثر رجعي لتحقيق باقي الاهداف المنشوده
وشكرا

المشاركة الأصلية كتبت بواسطة prof2013

وحبذا لو تلبسني كمان هههههههههههههه
بص انا درست الموضوع اوي زي ما انت قولت ولقيت ان افضل وسيله للسفر هو الزواج دي وجهه نظري
عارف ليه لانك هتختصر بيها حاجات كتير
انتهى ....

تمام بس مش هتلاقي عروسه علي مزاجك او علي الاقل مش من بلد نفسك تروحها

اغلب الاجانب هنا روس و صدقني محدش هيحب يروح روسيا خالص

المشاركة الأصلية كتبت بواسطة prof2013

وموضوع البحث عن زوجه اجنبيه بدأت بقتله بحثا من الشهر الماضي بحد اقصى سبتمبر 2015
وبعديها هتنازل كتييير واخد اي حاجه وخلاص من هنا ان شالله تكون مش متعلمه وفلاحه ثم ابدأ في تنفيذ ما ذكرته في اول البوست واكيف نفسي على الحياه هنا
موضوع الزوجه الاجنبيه قد وصلت فيه لمعلومات مهمه لن ابوح بها الان

ايه اللي يجبرك علي التنازل ؟ اعمل اللي انت عايزه بس دراسه متأنيه للموضوع :))))

المشاركة الأصلية كتبت بواسطة prof2013

مع العلم ان الزواج ليس لغرض السفر
المفروض اننا بنهاجر لاسباب كتيرة جدا من ضمنها الزواج وبالتالي نقوم باستباق هذه الخطوة باثر رجعي لتحقيق باقي الاهداف المنشوده
وشكرا

غلطان

اول حاجه تثبت رجلك فيها هي البيزنس مش الجواز

يا فرحتي لما تتجوز واحده اجنبيه و تسافر بلدها و متلاقيش شغل او متعرفش تفتح مشروع كويس

البيزنس اولا :))))

المشاركة الأصلية كتبت بواسطة باسم يوسف

تمام بس مش هتلاقي عروسه علي مزاجك او علي الاقل مش من بلد نفسك تروحها
لاء ما انا بدور على عرايس من بلاد نفسي اروحها في مواقع تواصل اجتماعي اجنبيه منها ما هو مجاني ومنها ابو فلوس للتعارف بشكل اسرع هدخل فيها بعد كام شهر

اغلب الاجانب هنا روس و صدقني محدش هيحب يروح روسيا خالص
روسيا وبنات روسيا خلاص اوت من زمان



ايه اللي يجبرك علي التنازل ؟ اعمل اللي انت عايزه بس دراسه متأنيه للموضوع :))))
اللي هيجبرني ان في المده اللي ذكرتها هكون جبت اخري لاني هترك اي شيء في ايدي دالوقتي وهتفرغ له تماما
وبالتالي مش هيكون فيه خيارات اخرى بعد انتهاء المده


غلطان

اول حاجه تثبت رجلك فيها هي البيزنس مش الجواز

يا فرحتي لما تتجوز واحده اجنبيه و تسافر بلدها و متلاقيش شغل او متعرفش تفتح مشروع كويس

البيزنس اولا :))))

يبقى موصلتكش فكرتي انا ليا هدف واضح في دماغي يا اما احققه يا خليني في المخروبه احسن
البلاد اللي انا عايز اروح فيها فرص عمل بجانب ان زوجتي هتساعدني اكتر
فيه حاجات تاني مهمه في استباق خطوة الزواج سأفصح عنها اذا وفقني الله فيه