ميتسوبيشي أتراج Test drive - هشتريها؟ مش هشتريها!

**Ahmender** · 29-10-2014 02:40 AM

المشاركة الأصلية كتبت بواسطة tito_misr

و الله أنا شايف انها من انسب اعربيان للمواطن المصرى فى الطرق المصريه إلا إن التحفظ ف حاجه واحده بس الصاج المفروض يتقل شويه علشان هوه خفيف مع إن العربيات الجديده كلها صاج خفيف

بالعكس صاجها كويس بالنسبة لسعرها.. احسن من النيسان صنى الجديدة مثلا.

**dr_a7mad** · 29-10-2014 06:42 AM

بما انك مش عارف النقلات وبتنور النور فممكن تكون ماشي عالنقلة b مش d عشان كدا مسحبتش معاك

دا العذر الوحيد

وإجابة على سؤالك

تسارع العربية من 0 - 100 خلال 13 ثانية

**sokasoon** · 29-10-2014 07:48 PM

المشاركة الأصلية كتبت بواسطة Ahmender

التابلوه!!.. أيه ده؟.. هو ده تابلوها؟ هى اخرها كده يعني؟ ولا فيه فئة أعلى؟
-- لا هو كده!
هو ده الكاسيت؟.. وايه الحته الفاضية اللى تحت الكاسيت دي؟
-- بنبرة تريقة ( عشان تحط فيها السجاير )
انا أصلا مابدخنش!.. التابلوه ده تسعيناتي!!.. مش مهم، التابلوه أصلا حرام.. ورجعت لابتسامتي تاني.
.

الكاسيت اللى حضرتك شوفتو ده اللى فى الفئة الثانية اوتوماتيك وده كاسيت عادى
انما الهاى لاين مختلف تماما الكاسيت تاتش ومالى التابلوه وشيك والفتيس والطارة جلد مالتى فانكشن والفرش مختلف لما تركب الاتنين هتحس بالفرق حقيقى انا لما ركبت الهاى لاين الموضوع كان مختلف وعجبتنى من جوه جداا عكس الفئة الثانية اوتوماتيك الحاجة الوحيدة اللى مش عجبانى هى الاضائة اللى مش موجودة فى الفتيس والازرار والتكيف مانيول قديم مش تاتش بس

**felfel2010** · 29-10-2014 09:22 PM

باشا انا عملت تيست درايف بالتكيف و وزنى تقيل و معايا صاحبى و واحد من المعرض و شرط علية التكيف قبل ما اركب و انا راكب فيرنا بالمناسبة الاداء ابهرنى مع انى كنت بعمل التيست علشان اقول انة مينفعش بس طلع ينفع و العربية ابهرتنى بجد بالتكيف و الجو كان حر جدا ممكن حضرتك تقسم 1245 وزن الشارك على 1600 cc و اضرب الناتج فى 1200 cc الاتراج هتلاقى وزن 933 و دة وزن الاتراج الفعلى يعنى نفس قوة الشارك مع فارق الوزن
\

**Ahmender** · 30-10-2014 11:42 AM

المشاركة الأصلية كتبت بواسطة sokasoon

الكاسيت اللى حضرتك شوفتو ده اللى فى الفئة الثانية اوتوماتيك وده كاسيت عادى
انما الهاى لاين مختلف تماما الكاسيت تاتش ومالى التابلوه وشيك والفتيس والطارة جلد مالتى فانكشن والفرش مختلف لما تركب الاتنين هتحس بالفرق حقيقى انا لما ركبت الهاى لاين الموضوع كان مختلف وعجبتنى من جوه جداا عكس الفئة الثانية اوتوماتيك الحاجة الوحيدة اللى مش عجبانى هى الاضائة اللى مش موجودة فى الفتيس والازرار والتكيف مانيول قديم مش تاتش بس

شكرا للإيضاح.. واضح ان موظف المعرض ماكانش عارف الموضوع ده.

المشاركة الأصلية كتبت بواسطة felfel2010

باشا انا عملت تيست درايف بالتكيف و وزنى تقيل و معايا صاحبى و واحد من المعرض و شرط علية التكيف قبل ما اركب و انا راكب فيرنا بالمناسبة الاداء ابهرنى مع انى كنت بعمل التيست علشان اقول انة مينفعش بس طلع ينفع و العربية ابهرتنى بجد بالتكيف و الجو كان حر جدا ممكن حضرتك تقسم 1245 وزن الشارك على 1600 cc و اضرب الناتج فى 1200 cc الاتراج هتلاقى وزن 933 و دة وزن الاتراج الفعلى يعنى نفس قوة الشارك مع فارق الوزن
\

مصدقك أكيد.. لأن زي منا مش قابض من المنافسين اكيد حضرتك مش قابض من ميتسوبيشي :d
يمكن في تفاوت بين السيارات وبعضها؟.. دى حاجه محتاجه تفسير.
هل جربتها بدون تكييف الأول بعدين شغلت التكييف؟
وبالنسبة للمعادلة اللى حضرتك قولتها انا متفق معاك فيها عدى إغفالك لشيئ اضافي " وزن الركاب وقوة التكييف اللى ثابتين سواء هيركبوا شارك او الأتراج" يعني هتضيف قيمة ثابته هنا وهنا رغم اختلاف حجم الموتور.
وانا من عشاق الشارك بالمناسبة :)

**tito_misr** · 30-10-2014 11:47 AM

**tito_misr** · 30-10-2014 11:49 AM

ده التابلوه بتاع الميتسوبيشي اتراج الهاىلاين و هوه برده فقير إلاإنه مش ب الصوره اللى حضرتك بتتكلم عنها
ها كنت راكب تكتك

**mk3** · 30-10-2014 02:46 PM

المشاركة الأصلية كتبت بواسطة dr_a7mad

بما انك مش عارف النقلات وبتنور النور فممكن تكون ماشي عالنقلة b مش d عشان كدا مسحبتش معاك

دا العذر الوحيد

وإجابة على سؤالك

تسارع العربية من 0 - 100 خلال 13 ثانية

برااااااااافو عليك
اقرب الاحتمالات.....وعن نفسى هعمل تيست درايف على عربيات عاملة كيلو متر عالى..كان واصل 18000 كيلو اما قريبى عمله وشكر فى سحبها بالتكييف جدا..

**tito_misr** · 30-10-2014 04:24 PM

والله انا كنت ماشي بيها 160 و مشغل التكييف و معايا 4 ورا

**Ahmender** · 31-10-2014 03:03 AM

المشاركة الأصلية كتبت بواسطة tito_misr

ده التابلوه بتاع الميتسوبيشي اتراج الهاىلاين و هوه برده فقير إلاإنه مش ب الصوره اللى حضرتك بتتكلم عنها
ها كنت راكب تكتك

ده نفس تابلوه العربية اللى ركبتها.. ايه رأي حضرتك؟ تابلوه تكتك ولا عربية؟ لو تكتك يبقى العيب عند ميتسوبيشي.. بيبيعوا تكتك بـ 1000 ألف.

وفقا لصورة التابلوه الهاي لاين فهو شكلة مقبول جدا.. وعجبني. على خلاف الفئة الأقل تماما اللى مازلت شايفه تابلوه تسعيناتى ولا يليق بدفع أكثر من 100 ألف جنيه.
بالنسبة للسحب.. انا متفق معاك انك مشيت بيها 160 بالتكييف.. هو انا قولت لا؟.. المشكلة فى التسارع مش فى السرعة.

أحد الأخوه الكرام لما سألت عن التسارع بالتكييف والركاب رد بانه من 0 الى 100 فى 13 ثانية.. يعني بالظبط زي التسارع فى الكتالوج واللي منغير تكييف وركاب.. ده الـ BMW سحبها بيتأثر شوية بالتكييف.. كده الاتراج أحسن بقى!

واسمحولى استعير كلمتين منكم "الغريب والمريب" انى عادي يعنى بقول اللى شايفه كويس واللى شايفه وحش.. ما أنكرتش المزايا،
لكن حضراتكم مصممين ان كل حاجه حلوة جدا واى عيب حد شايفه من خلال تجربته يبقى متجني وغير صادق ومش بعيد يكون قابض!
خلاص سهله.. هى أحسن عربية فى التاريخ. بل فى المستقبل كمان. (بقيت موضوعى أهو)