مولد هوندا كاتم للصــوت ، أسئله واستفسار

**Boriooo** · 30-10-2014 07:47 PM

يا جماعه انا قررت ابحث في موضوع المولدات واحاول اشتري واحد خلال فصل الشتاء علشان بعد ما قريت

اغلب المواضيع لاقيت ان في إجماع إن سعرهم بينزل في الشتاء ، مع إني حاسس إن ده مينطبقش على

وكيل هوندا لأني قررت أجيب هوندا وأبعد تماماً عن الصيني لعدة أسباب ..

المهم انا هتقابلني مشكله ويا ريت حد من الأعضاء يفدني فيها ، أولا نيجي للنوع الي لقيته مناسب لإحتياجي

في هوندا وهو

EU 10i ياباني ، تقفيل ياباني ، سعره 8000 جنيه ، وبداخله ( انفيرتر + ستبلايزر ) كــاتم للصوت .

أقصى قدره توليد : 1 ك.ف.ا

قدره مستمره وثابته : 900 فولت أمبير .

نيجي بقا للمشكله ، انا شقتي مفهاش بلكونه ومعنديش مكان أحط المولد فيه إلا المبطخ

مع العلم ان الشقه لسا ع المحاره .

1 - أعمل أيه علشان العادم ميملاش الشقه ؟

2 - وهل شفاط المطبخ تهويه كافيه ليه مع المروحه مثلاً ؟

3 - وبالنسبه للشكمان الي موجود فيه ، هل ممكن اعدله بطريقه بسيطه بحيث اطلع العادم بره ؟

وكمان انا لما سمعت صوته ع اليوتيوب حاسيته مش واطي زي ما كنت فاكر ، فا هل مثلا لو الجيران نايمين

وانا حاطه في المطبخ وقافل عليه الباب صوته هيأذي الناس ولا لا ؟

شكراً مقدماً يا جماعه : ) .

**midnightman_74** · 30-10-2014 08:20 PM

واحد كيلو قليل جداً

**Boriooo** · 30-10-2014 08:24 PM

المشاركة الأصلية كتبت بواسطة midnightman_74

واحد كيلو قليل جداً

الأعلي منه 1.8 كيلو ب 10250 جنيه ، الواحد كيلوا هيكفيني خصوصاً إني هشغل

3 لمبات ، مروحتين ، رسيفير وتليفزيون ، راوتر ولابتوب .

المشكله في العادم.. أعمل فيه ايه :)

**rotanamasoud** · 30-10-2014 10:30 PM

ممكن تعمل ماسوره من المطبخ للمنور وتخلى الماسوره اكبر من فتحه العادب بقليل يعنى فتحه العادم تدخل فيها ويكون ارتفاعها مساوى لارتفاع ماسوره العادم بحيث تخرج العادم بره ويكون المولد حواليه من كل الاتجاهات بلاط لمسافه متر مربع من السنتر وتشترى طفايه حريق من بتاعت العربيات للامان
لاكن انا شخصيا لا انصحك بيه لانه غالى جدا ممكن ب3 ولا 4 تجيب واحد بيصفى2.5 بكاتم ومارش ماركه درجه اولى صينى لان القدره الزياده بتنفع لاى ظروف وراجع موضوع المولدات فى توقيعى

**Boriooo** · 30-10-2014 11:30 PM

المشاركة الأصلية كتبت بواسطة rotanamasoud

ممكن تعمل ماسوره من المطبخ للمنور وتخلى الماسوره اكبر من فتحه العادب بقليل يعنى فتحه العادم تدخل فيها ويكون ارتفاعها مساوى لارتفاع ماسوره العادم بحيث تخرج العادم بره ويكون المولد حواليه من كل الاتجاهات بلاط لمسافه متر مربع من السنتر وتشترى طفايه حريق من بتاعت العربيات للامان
لاكن انا شخصيا لا انصحك بيه لانه غالى جدا ممكن ب3 ولا 4 تجيب واحد بيصفى2.5 بكاتم ومارش ماركه درجه اولى صينى لان القدره الزياده بتنفع لاى ظروف وراجع موضوع المولدات فى توقيعى

انا قريت الموضوع صفحه صفحه ، وبعدين ما هو انا لو اتجهت للصيني هسلم نفسي لضمير التجار وضمير الصيني الي كان شغال في المولد بتاعي

وممكن ادفع 4 ويكون مستقبلياً مش مضمون ، كمان مش هيكون فيه استبلايزر او انفرتر على ما أظن ،

ولو تنصحني بالصيني في ماركه معينه طيب اثق فيها ؟

**طارق _عبد السلام** · 31-10-2014 01:49 AM

وليه كل ده عندك الانفيرتر عن تجربه لاصوت لابنزين لا زيت لاعادم

**طارق _عبد السلام** · 31-10-2014 01:51 AM

اقرأ الموضوع ده وشف الفرق الرهيب بين المولد والانفيرتر

من فضل الله مابحسش اصلا ان الكهرباء بتقطع عندى لانه بيشتغل لحظيا

http://www.nilemotors.net/Nile/435676-a.html

**Boriooo** · 01-11-2014 02:18 AM

المشاركة الأصلية كتبت بواسطة rotanamasoud

الصينى لو عن تجربه يبقى الماركيز اللى جربته معملش معايا اى مشكله لاكنه عادى مش كاتم
فى نوع اسمه سويس كرافت بيشكرو فيه جدا وقدرته عاليه 3.5 كيلو
الاستبلايزر حتشتريه منفصل ويبقى حمايه دائمه للاجهزه لانه حيتوصل على طول
بخصوص نصيحه الاستاذ طارق فهى جيده لانك محتاج قدره اقل من 1 كيلو لاكن لو كنت محتاج قدره اعلى الانفيرتر غير عملى
تتلخص عيوب وومميزات الانفيرتر
المميزات
تحكم كامل بدون تدخلups
لا ضوضاء
لا صيانه دوريه
اامن
العيوب
غير عملى فى القدرات الكبيره
غير عملى عند انقطاع النور فترات كبيره متتاليه(البطاريه متلحقش تشحن)
اخطر عيب عمر وسعر البطاريات الاصليه ديب سايكل وتاثر البطاريه باوقات الشتاء(قله الشحن والتفريغ)
تحب حل تالت
عندك سطح وشمس الواح خلايا طاقه شمسيه مع انفيرتر وممكن تعتمد كليا عليها فى الاضائه والتلفزيون والرسيفر وتوفر فى الكهرباء (يعتبر هو هو الانفيرتر العادى لاكنه يشحن من الخلايا الشمسيه)لو احتجت توضيح الموضوع فى دماغى لاكن التكاليف مخليانى متردد

شكراً لاهتمامك ، ولكن للأسف الشقه في عماره ومش متاح ليا إني استخدم السطح ولا حتى عندي بلكونه

والشقه مساحتها صغيره ، شكلي هتجه للانفيرتر ، بس معلش هو بالنسبه لعيب اعاده الشحن وغلو

سعر البطاريه الديب سايكل ، إيه احسن نوع فيها ؟ وعمرها الافتراضي في حدود كام سنه ؟ يعني لو ده

اكثر عيب في سهل التغلب عليه على ما أظن .

-

الموضوع: مولد هوندا كاتم للصــوت ، أسئله واستفسار

LinkBack

أدوات الموضوع

عرض

-

-

-

-

المواضيع المتشابهه

مولد كهرباء حلاوة ولا هوندا برافا؟

مولد كهرباء هوندا

مين متابع اخبار الديفيل ابو كاتم صوت ؟؟

مطلوب هوندا 2008 للبيع واستفسار صغير يا جماعه

الكلمات الدلالية لهذا الموضوع

المفضلات

المفضلات

ضوابط المشاركة