أفلّش الموتور؟ ولا مافلّشوش؟

**Ahmender** · 31-10-2014 11:37 PM

السلام عليكم ورحمة الله
عربيتي اسبرانزا a516 ماشية 200 ألف كيلو لكن حالة الموتور جيدة.
كان سير الكاتية اتقطع من كام شهر وعملت اضطراري "نص عمرة" زي مابيسموها.
وبعدها ومن قبلها كمان والموتور الحمد لله بصحته.
انا باستعمل زيت شيل الـ 5000 وبغيره بعد 3000 الى 3500 كيلو.
عاوز أعمل Flushing للموتور ودورة الزيت بما ان تغيير الزيت حاليا وجب.. قرأت فى المنتدى ان مش أى موتور ومش اي ظروف ينفع فيها استخدم الـ "فلش".. وان ممكن الـ Flusher يشيل الكاربون اللى مالى الفراغات.. او ينزل رواسب فى المصفاة.. ويأثر سلبا على حالة الموتور..
أنا اول مرة اعمل الموضوع ده لكنى متحمس له وعاوز حد يقولى الصح اعمله ولا لا؟
خصوصا انى لما بحط منظف دورة البنزين بشعر بفرق كبير فى أداء السيارة.. ومنتظر من منظف دورة الزيت تحسب برضو.... أفلشه بقى ولا ما أفلشوش؟

**sonaeg** · 01-11-2014 10:56 PM

رايي ماتفلشوش عشان فعلا مايشيلش الرواسب اللي عالاويلسيهاات وتخصل مشكلة

ده غير لو حضرتك طول الفترة دي بتنزل الزيت في معاده او بدري مش حيسيب رواسب كتير

والله أعلم ...

**Ahmender** · 02-11-2014 04:59 AM

شكرا جزيلا.. ومنتظر باقى الآراء

**mody112** · 02-11-2014 01:59 PM

بكام بتجيب شيل ال 5000 كم

**Hegazio** · 02-11-2014 03:35 PM

بص .. ما تفلش قوي .. فلش نص نص
باتكلم جد .. حط اضافة فلاش بس علي الزيت و امشي ساعة و انت رايح تنزل الزيت و نزله و لازم تغير الفلتر

نصيحة تانية ..مافيش حاجة اسمها زيت 5000 و زيت 3000 و زيت 10000 .. دي اشتغالة مصرية
اصلا كام الف كيلو علي اساس ايه؟!! هما يعرفو العربية دي بتمشي في الزحمة ولا علي طريق سالك

الخلاصة .. زيت شيل الاصفر ابو 130 جنيه و غيره علي 10 الاف لو طريقك سالك او 7 لو زحمة و عيش

**Ahmender** · 05-11-2014 09:04 PM

؟؟؟؟

**msenosy** · 11-11-2014 03:01 AM

الفلاش مش بيقعد اكتر من عشر دقائق فى الموتور وهوا شغال على السلانسيه (العربيه دايره وهى واقفه) لو مشيت بيه ساعه الله اعلم حيحصل ايه (اوعى تعمل كده)
لو خايف تعمل فلاش ممكن تخليه خمس دقائق وتنزله