السيراتو هنا في جدة تعتبر عاملة شغل عالي مقارنة بالوقت اللي نزلت فيه

ومقارنة بالهيونداي... الهيونداي نازلة 1600 و1800... إنما السيراتو نازلة 1600 و2000

وخلي بالك إن الإيلانترا نازلة قبل السيراتو بحوالي سنة وشوية.

صحيح إن معظم اللي بيشتروا السيراتو مصريين... بس السيراتو الهايلاين بشوفها كتير مع سعوديين.


عموما... مازالت سمعة الهيونداي هنا أعلى من الكيا... يمكن علشان الكيا كانت زمان مش عربية حلوة.. ده غير إن ناس كتير ما تعرفش إنهم الاتنين شركة واحدة.

الكيا بشكل عام بدأت تنتشر بشكل ملحوظ في الشوارع هنا... من أول الريو للسيراتو للأوبتيما للكادينزا ولحد الكوريس... ده غير إنها منتشرة فعلا في فئة السيارات الفان بالعربية الكارنيفال.



آه.. وبالنسبة لخاصية follow me home... أعتقد إنها موجودة في كل السيراتو.

أنا معايا السيراتو .. شبه أول فئة.. لإنها أزيد من البيزيك بحاجات بسيطة.. زي:
جنوط 16- مقابض ومرايات بلون العربية - شبكة أمامية سداسية (مش التانية بتاعت العواميد اللي جنب بعض) - إنذار وريموت - بلوتوث وطارة ملتي فنكشن.

ومرة نسيت العربية نورها مفتوح ومشيت... رجعتلها لقيتها فعلا قفلت النور لوحدها بعد حوالي دقيقة.



...