حادثة جيلي اميجراند 7 و الحمدلله

**mohammed adel** · 02-11-2014 02:26 AM

الحمدلله على كل شيء الحادثة حصلت بس اصابات خفيفة وعايز حضرتكم تساعدونى ان اعرف اسعار قطع الغيار بتاع العربية بس ياريت بالتفصيل عالشان انا من المنيا و هسافر اشترى القطع دية
اولا : الشنطة بتاعة العربية كلها من ورا اتعجنت فى بعضها بالفوانيس بالاكصدام والرفارف يعنى كل شيء اتطبق فى بعضه لغاية الرف الخلفى اللى فى الصالون من الداخل ( اللى فيه ناس بتحط فيه سماعات للكاسيت ) العربية كدا عايز ربع ورانى هل فيه ربع ليها ولا لأ ؟؟ و يارت تمنه وبيتباع فين ارخص مكان ؟؟؟
ثانيا : الاصدام الامامى( بالفوانيس و الشبورة )و الرفرافين الاماميين برضك اتكسروا وعايز اعرف تمنهم وفين الاقيهم ؟؟؟
ملخص الموضوع : اللى سليم فى العربية هو الصالون بالكامل و الموتور و الفتيس و الكبوت وال 4 ابواب فيهم خبطات بسيطة والسقف سليم و القوايم كلها سليمة
ياريت بقى
حد يساعدنى و يقوللى اعمل ايه بالظبط و اشتري منين الاحاجات دية وايه اللى هيتصلح و ايه اللى مش هينفع خالص والافضل فى الاسعار القاهرة ولا بورسعيد ؟؟؟؟؟
وهل فيه للايميجراند 7 ارباع كاملة وانصاص زي الالنترا والميتسوبيشي يعنى عربيات متقطعة استيراد ولا ؟؟؟؟؟

انا عارف ان تقلت شوية عليكم بس معلش عالشان ربنا اعلم بموضوع المصاريف و العملية مش ناقصة !!!!
الف شكرررررررررررررر لكم جميعا و ربنا يسترها عليكم
جزاكم الله كل خيرررررررررررررررررر