ما هو السر ان بورسعيد هي اكتر بلد فيها هوندا

**dragon1** · 04-11-2014 10:36 PM

انا راي عربيه انجابت عندهم واتشكر فيها وانتشرت ومسكت سعرفي بيعها وياباني برده فعشان كده الناس بتقلد وبتحب التجارب السابقه مش اكتر ومش شايف من وجهة نظري العربيه فيها حاجه زياده عن اللنسر بالعكس اللنسر اعلى كعربيه وسعرها حلو وياباني وعاليه علشان لو في مطبات وكتحمل واستحمال افضل فالهوندا في راي مضفتشي جديد في راي طنطا مثلا مجانين لنسر مجرد ان في ناس كتير جبتها وانشكر فيها خلاص الكل بيجبها

**ARKOON** · 04-11-2014 10:50 PM

فعلا كل محافظة ليها عربيات تميزهم .
انا عاشق لكل السيارات الصراحة .

**hamo81** · 05-11-2014 08:48 AM

الهوندا عربية محترمة وسحبها ممتاز بالنسبة لعربيات كتير في نفس سعرها وكفاية إنها ياباني والمثل بيقول
"إن فاتك الياباني متركبش حاجة تاني"

**refaat78** · 05-11-2014 08:12 PM

اصل الموضوع ده كان ايام المنطقة الحرة .. كان اقصي سي سي مسموح بيه 1500 واكتر من كده ماتدخلش منطقه حره ولازم يتدفع جمركها.. وكانت باقي العربيات غالبا اما 1300 او 1600 والهوندا هي الوحيده ال1500 فكانوا بيجيبوها وانتشرت.. وبعد كده بقت اكتر عربيه موجوده وبيحبوها وبيروشوها

**dragon1** · 05-11-2014 09:05 PM

لو كده يا استاذ رفعت يبقى اكيد هو ده سبب انتشارها انا متفق معاك في الراي ده

**refaat78** · 05-11-2014 10:09 PM

بس ليا تعليق علي الاستاز اللي بيقول ان الهوندا عربيه عاديه زيها زي اللانسر.. يالعكس اللانسر احلي واحسن...
حضرتك ركبت هوندا؟ عارف يعني ايه موتور v-tec.. طب عارف يعني ايه sir.. طب عارف ان ثبات وعوامل السلامه في هوتدا تنافس الامريكي والاوروبي..
طب عارف ان هوندا واخده اعلي مبيعات في الولايات المتحدة الأمريكية 7 مرات في آخر 20 سنه..
مع احترامي لميتسوبيشي وانها عربيه محترمه.. لكن هوندا مستوي تاني من العربيات.. الميتسوبيشي ممكن تقارن بالتويوتا والهيونداي والكيا.. بكن هوندا.. انسي..

**melouk1** · 06-11-2014 12:52 AM

المشاركة الأصلية كتبت بواسطة refaat78

بس ليا تعليق علي الاستاز اللي بيقول ان الهوندا عربيه عاديه زيها زي اللانسر.. يالعكس اللانسر احلي واحسن...
حضرتك ركبت هوندا؟ عارف يعني ايه موتور v-tec.. طب عارف يعني ايه sir.. طب عارف ان ثبات وعوامل السلامه في هوتدا تنافس الامريكي والاوروبي..
طب عارف ان هوندا واخده اعلي مبيعات في الولايات المتحدة الأمريكية 7 مرات في آخر 20 سنه..
مع احترامي لميتسوبيشي وانها عربيه محترمه.. لكن هوندا مستوي تاني من العربيات.. الميتسوبيشي ممكن تقارن بالتويوتا والهيونداي والكيا.. بكن هوندا.. انسي..

عارف انا كنت هرد عليه اقوله ربنا يهديك والله لاني استفزيت جدا من اللانسر احسن !!!

**karkour33** · 06-11-2014 01:39 PM

انصح الاستاذ اللي بيقول اللانسر احسن انه يركب سيفيك من 92 لحد 98 بس تكون ضايعة مشنشة و في اسوأ حالاتها و لو مستمتعش اكتر من لانسر زيرو ييجي يقولنا

**dragon1** · 07-11-2014 08:39 PM

اول حاجه اسف لو ديقت حد براي وفي واحد بيقول استفزيته وواحد بيقول زعل عندي المره دي وحقه عليا انا بس حبيت اقول ان الهوندا عربيه جميله مفيش كلام بس واطيه هيجي واحد يقولي الحلو ميكملشي هقوله ده عيب ينافي طبيعه الارض بتاعتنا يعني مهوش عيب خفيف يتعدى حاجه بسيطه لا ده معناه العربيه هتفضل تعباك وكل مطب بالنسبالك هيبقى كابوس العربيات العاليه بتشتكي من المطبات اللي بتبهدل العربيه فما بالك بالسفك العربيه لزقه في الارض وده اللي مديها الثبات والاداء الرياضي بس خليهم يعلوا العربيه وشوف كميه النقد اللي هتسمعه في العربيه دي فكرتني بالكريستاله عندنا كله بيقول الثبات جميله واحلى من الجديد بس السبب انها واطيه قوي لكن من ناحيه العربيه العربيه ممتاذه اوي كنت حابب الاخ اللي بيقول تعرف يعني ايه v-tecو sir يشرحلنا اكتر يعني ايه وكمان في عضوه قال دي سابقه ب 20 سنه فواحد رد عليه وقاله لا 25 ياراجل انه يقولنا هي سابقه في ايه غير الثبات بتاعها علشان واطيه ياريت شويه شرح ليها ومنكم نستفيد بس علشان خطري محدش يزعل او يشيل في نفسه الهندوايه حبيبي ومنورنا

**melouk1** · 07-11-2014 08:57 PM

المشاركة الأصلية كتبت بواسطة dragon1

اول حاجه اسف لو ديقت حد براي وفي واحد بيقول استفزيته وواحد بيقول زعل عندي المره دي وحقه عليا انا بس حبيت اقول ان الهوندا عربيه جميله مفيش كلام بس واطيه هيجي واحد يقولي الحلو ميكملشي هقوله ده عيب ينافي طبيعه الارض بتاعتنا يعني مهوش عيب خفيف يتعدى حاجه بسيطه لا ده معناه العربيه هتفضل تعباك وكل مطب بالنسبالك هيبقى كابوس العربيات العاليه بتشتكي من المطبات اللي بتبهدل العربيه فما بالك بالسفك العربيه لزقه في الارض وده اللي مديها الثبات والاداء الرياضي بس خليهم يعلوا العربيه وشوف كميه النقد اللي هتسمعه في العربيه دي فكرتني بالكريستاله عندنا كله بيقول الثبات جميله واحلى من الجديد بس السبب انها واطيه قوي لكن من ناحيه العربيه العربيه ممتاذه اوي كنت حابب الاخ اللي بيقول تعرف يعني ايه v-tecو sir يشرحلنا اكتر يعني ايه وكمان في عضوه قال دي سابقه ب 20 سنه فواحد رد عليه وقاله لا 25 ياراجل انه يقولنا هي سابقه في ايه غير الثبات بتاعها علشان واطيه ياريت شويه شرح ليها ومنكم نستفيد بس علشان خطري محدش يزعل او يشيل في نفسه الهندوايه حبيبي ومنورنا

دايما الواحد اللي مجربش بيقول من الظاهر و من السمع ،انا السيفيك ال ٢٠٠٨ عمرها محكت الا نادراً و رغم منظرها القريب من الارض الا ان نظام التعليق بتاعها رائع ، ده اللي حابب اوضحه لحضرتك و لما بتحك كمان او لو اكلت مطب ارفع العربية و بص تحت ولا كانك مشيت بيها اصلا ، عرفت ليه السيفيك مش لانسر ولا كورولا دي (سِيد الياباني )
بالمناسبة البومة مره اكلت بيها حفرة في طريق مصر اسكندرية من ٤ سنين لما بداو يجددوه عاوز اقولك انها عملت علامه في الشاسيه لجوه رغم انها مش حادثه ده مطب هو ونزلت على حافة حفرة ، اسال كام واحد بسيفيك اكل مطبات والا الهوا بفضل الله ،، لو عوز تعرف الهوندا ليه سابقه عصرها ،،ارجع بالزمن ٢٤ سنه واركب السيفيك ال si وشوف ابعاد العربية و وسعها و الاوبشن الرهيب في زمانها و هتفهم ليه بالاضافة لشكل رائع و موتور ١٣٠ حصان لسه الانترا مثلا مطلعاه في ٢٠١١ و الانسر لحد دلوقتي مجابتوش و لا كورولا ولا عربيات الماني كتير ، و سعر العربية دي في ٩٢ كان يخض اصلاً
ارجع و اقولك بلاش تسمع شوف و جرب و ابحث بنفسك هتلاقي ان الهوندا اختراع مش عربيه
تحياتي من واحد راكب بنز بس فاهم يعني ايه هوندا