الموضوع: ما هو السر ان بورسعيد هي اكتر بلد فيها هوندا

رأفه بمن يمتلك ال 128 وال 127 وال 131 وال 132
ومحدش يزعل نفسة ويزعل من الصراحة
كل واحد يركب اللي يريحة
الصيني يكسب :d

المشاركة الأصلية كتبت بواسطة refaat78

مع احترامي لميتسوبيشي.. المعلومات اللي حضرتك بتقولها فيها حاجات غريبه شويه.. يعني ايه اللانسر ايفو خدت احسن عربيه لمدة 4 سنين.. ده في تصنيف ايه ولا مين اللي عمله..
بعدين ايه علاقة النووي والاسانسيرات والدبابات باللانسر... طبعا مجموعة ميتسوبيشي اقوي من مجموعة هوندا.. بس مش معني كده ان عربيات ميتسوبيشي احسن من هوندا.. لأن عندك شركة هيونداي دلوقتي كمثل.. عندها اكبر شركة مقاولات في العالم.. وبتصنع معدات تقيله ومراكب.. هل معني كده ان الفيرنا احسن من السيتي مثلا؟
نيجي بقي للايفو والسيفيك.. لو حضرتك عايز تقارن يبقي تقارن الايفو بالسيفيك كوبيه si الجديده.. او بالسيفيك type r اللي فيها في تيك وتربو.. وساعتها مش هتشوف الايفو اصلا.. وبرضه ده مش مقياس لان العربيه كويسه ولا لأ.. الاعتماديه.. يعني العربيه ماتبوظش وتمشي باقل المصاريف.. ودي في الهوندا مافيهاش كلام..
نيجي بقي لحكاية سابقه عصرها.. انا ابويا معاه اكورد 85..العربيه عدادات ديجيتال ومثبت سرعه وايريال كهرباء وفيها navigation system.. عارف يعني نافيجيشن سنة 85؟ماكنش فيه قمر صناعي اصلا وكانت العربيه فيها حهاز لتحديد الاتجاهات والبوصله.. غير الفوانيس القلاب اللي كانت مابتنزلش الا في عربيات السباق.. لأن من جهة التصميم هوندا سابقه كل الشركات بمراحل وسنين..
انا اول هوندا ركبتعا كانت اكورد 79..كان فيها كمبيوتراعطال وبيقيس زوايا العربيه والضغط اللي في الكاوتش..
اما بقي نيجي للعربيات الحديده.. حضرتك السيفيك معايا موتور 1600 140 حصان.. وده مش موحود في عربيات 2000 سي سي اصلا.. وكفاية اني بطلع بيها من اي عربية عاديه لغاية 2000 سي سي بما فيها بي ام ومرسيدس.. ومش هتكلم عالميتسوبيشي طبعا..

ده اللي المفروض مش محتاج شرح بس جازاك الله خيرا و بارب العضو المحترم يكون فهم الاعتمادية و الفرق التكنولوجي الرهيب :)

السلام عليكم
أرجو من حضراتكم إفادتنا بخصوص ترتيب هوندا سيتى ٢٠١٤ الشكل الجديد فى الإعتمادية كتقييم دولى.
مع خالص الشكر و التقدير

النهرده بعد الكلام الجميل اوي اللي سمعته عن الهوندا ده شجعني اخوض تجربيه واسال 3 من كبار ملاك السيارات واللي ليهم عندنا في محفظتنا باع في العربيات فبقله انا سمعت عن هوندا سيفك ودي عربيه محترمه وفيها وفيها وعامله 200الف الكل اجمع وقالي متزود 16 الف وتجيب تيوتا كرولا الهاي لين الجديده عربيه بجد قتلهم يا جماعه ده الهوندا مكنه 140 حصان وتكنولوجيبا سبقا زمنها دي اختراع يا جماعه مش عايز اقولكم كميه الدحك اللي دحكوها اد ايه سبتهم وسالت اكتر من حد ومع الاسف الراي ده سائد سالت على النت بعض الاصدقاء ومن دول الخليج او حتى دول بره كله شكر في التيوتا عن الهوندا او المتسوبيشي يا ريت يكون في رد بعيد تماما عن التطرف في الرد لان اكيد مش كل الناس مش فاهمه وحضرتكم بس فاهمين اكيد الرد اللي فيه اجماع مجاش من فراغ وكان في من ضمن الناس ناس شغاله في العربيات من 15 و20سنه وياريت محدش يحكيلي اد ايه العربيه زمان كانت ومكنشي في عربيه فيها وفيها انا عايز الكلام عن 2014 وانت طالع انا مش بسال تاريخ العربيه كان ايه واللي كل عضو بكلمه يحكيلي قصه حيات العربيه الكلام كله على الجديد لو سمحتم لكم مني كل الحب والتقدير

مع احترامي للي انت سألتهم سواء في محافظتك او في دول الخليج.. دي ناس مش فاهمه حاجه.. وانا برضه بضحك دلوقتي علي كلامهم.. بقي التويوتا بقت احسن من الهوتدا دلوقتي؟
بعدين دول هليج ايه اللي هتاخد رأيهم.. دول لا موئاخذه شوية ناس مش فاهمه حاجه