تقرير صيانة ال10000 صني الشكل الجديد

**ashrafwolf** · 07-11-2014 02:08 AM

انا مردتش اعمل موضوع عن صيانة ال5000 بس علي العموم كنت غيرت زيت 10000 و فلاتر

تم تغيير الولاعه -علي حساب التوكيل - لانها باظت !!!!! انا كنت مستغرب جدا انها تبوظ مع ان فيه فيوز حمايه عليها .

المهم بالنسبه لصيانة ال10000

تم الشكوي من صفارة تيل الفرامل الاماميه و كانت بدأت تصفر معايا من 9500 كيلو ولكن التوكيل (المحترم) قرر عدم تغيير التيل!!
و بعد سؤال مهندس الاستقبال قال ان التيل بيجي 10 ملي و لما قاسه لقاه 7ملي و لسه قدامه لحد 3 ملي و بعدين يتغير
غير ان كل السيارات الحديثه عمر التيل بتاعها قصير !!!!

المهم الصيانه اتكلفت 240 جنيه بدون تغيير اي شئ ولا زيت ولا فلاتر .

تم تغيير سماعة الباب الامامي لوجود زنه فيها علي حساب التوكيل .

فيه تحسن ملحوظ في سحب العربيه و استهلاك البنزين -الصفيحه عامله 280 كيلو -

يا يت اللي يلاقي حل لاطالة عمر تيل الفرامل مايبخلش علينا ؟

**ramezamgad** · 07-11-2014 02:35 AM

انت رحت انهى توكيل اللى قالك 3 مم ده
المصنع بيقول اقل من 6 مم لازم يتغير
التيل لسة بيصفر؟؟
لو لسة روح التوكيل تانى اشتكى !

**ashrafwolf** · 07-11-2014 07:42 AM

اوتو ايجيبت - ابو رواش

**ramezamgad** · 08-11-2014 12:38 AM

لا روحلهم تانى بدل ما تغيرهم على حسابك!!

**وائل فريد** · 23-11-2014 10:38 AM

انا بفكر اشتريها بس في ناس في الموقع قلقتنى من استهلاك البنزين . فممكن تقولنا مراحل استهلاك البنزين ليها . وكمان انت تقصد انها دلوقتى بتعمل 280 / 20 لتر هل داخل البلد ولا في السفر ولك جزيل الشكر