مش عارف حظي وحش ولا ده غباء من الآخرين -_- !!!

**ENG.MaRk** · 13-11-2014 10:55 PM

بعد خلاص ما كنت ماشي في إجراءات بيع الفلوانس علشان أشتري الانسيجنيا أو ال508 (لسة ما قررتش) الفلوانس اتخبطت و اللي خبطها عيل صغير (مش أكتر من 14 سنة) و غالبا كان مقلب العربية من ورا أبوه و داير يلف بيها !!!
أنا مش زعلان ... الحمد لله علي كل شيء و كويس إنها جات في صاج مش في بني آدم و ربنا يسامحه :)
يمكن الموضوع ده حصل علشان آخد وقتي و أعرف أقرر هاشتري 508 و لا انسيجنيا
و عايز حد يقولي أقرب مكان للتجمع الخامس ممكن أصلحها فيه

**hugan** · 13-11-2014 11:01 PM

قدر ولطف
بس لو مكانك 508

**ARKOON** · 13-11-2014 11:14 PM

508 الشكل الجديد .
ليه شكلها وادءها رياضي ومقصورة طيارة .
الانسجينا لا غبار عليها محدش يقدر يقول حاجة على الصانع الالماني . وفي الاخير الاتنين اختيار موفق وشوف حضرتك مرتاح لايه اكتر والمناسب ليك والعربية بتعبر عن صاحبها : ) تحياتي .

**J A G U A R** · 13-11-2014 11:31 PM

قدر الله ما شاء فعل
ولعله خير

**ENG.MaRk** · 14-11-2014 12:26 AM

المشاركة الأصلية كتبت بواسطة mnashat77

معلش جت سليمه المهم انك كويس
الانسجنيا تحفه بصراحه انا شايفها احلي من بيجو بس المهم اتاكد ان بتمشي كويس مع ٩٢ بنزين
بس ال سمعته انها بتاااكل بنزين

واحد من ملاكها قالي إنها بتاخد 92 عادي جدا و ماشية معاه زي الفل أما بالنسبة للاستهلاك ف أي موتور تربو أصلا الطبيعي يبقي معدل استهلاك البنزين بتاعه عالي شوية علي الأقل أعلي من اللي من غير تربو لأن التربو بيزود الحرق

**mhmd_farouq** · 14-11-2014 01:08 AM

قدر الله وماشاء فعل . يمكن ربنا اخرها عليك عشان خير ليك .. اعتقد محدش يقدر يحكم على الانسجنيا من حيث موضوع البنزين ال 92 ده لان محدش ماشي بيها كتير .. المشاكل دي هتبان قدام .. طبعا العربيه تحفه وانا ميال ليها اكتر من ال 508 بس موضوع الموتوروبنزين مصر ده يقلق الصراحه ... بالتوفيق انشاء الله