ده انا بموت فى عربيتى وبعتبرها المدام وبزعل جدا وانا ببيعها عند البيع وعلى فكره بحس انه شعور متبادل ووصلت مره انى كنت بعد معاها فى الجراج بالسعات والحاج ندالى وقالى حامل وله لسه
رقم العضوية : 167192
تاريخ التسجيل : 24Oct2014
المشاركات : 56
النوع : انثى
الاقامة : Helwam
السيارة: Not Yet..
السيارة[2]: II Daewoo Nubira
الحالة :
أولا السلام عليكم ورحمة الله وبركاته..
ثانيا أنا مش عارفه الموضوع ده المفروض يتكتب فين بس أظن ان هنا أنسب حاجه
ثالثا أنا ممكن أرغي من غير ما آخد بالي فمن غير تهزيق لو سمحتوا
رابعا ندخل بقى في الموضوع؟؟
السبب اللي خلاني أكتب الموضوع ده هو ان انا شفت قدامي ناس كتيييير بتتعامل مع عربياتهم بطريقه غريبه جدا!!
أنا معايا دايو نوبيرا أوتوماتيك.. حاجه كده بتجيب من 0-100 في 25 ثانيه مثلا.. إن مكنش أكتر
بس بجد حب حياتي و أول عربيه أركبها وهيفضل ليها مكان في قلبي محدش أبدا هيقدر ياخده
مش بأفور والله بس انا مش فاهمه ليه الناس بتتعامل مع عربياتها مثلا انها جماد مبيحسش ولا بيفهم ساعات يحملوها فوق طاقتها وساعات يقللوا من قدراتها ومحدش فيهم جرب يفهم عربيته
في ناس أكيد فاهمه انا بتكلم في إيه وناس تانيه بتبص للي قاعد جنبها "دي عبيطه ياسطى.. قال احس بالعربيه قال"
كل واحد في الدنيا ليه معتقداته انا عن نفسي أؤمن إيمان تام ان الجماد بيحس و بيفهم وبيرد كمان بس بطريقته
بدليل ان ربنا قال ان الصخر بيسبح بإسمه صح؟؟
طب حاجه تانيه.. عمرك ما دخلت مكان استريحتله متعرفش ليه؟ او مكان عمرك ما رحته أبدا بس مقفول منه كده من غير سبب؟؟ طب مفكرتش ليه؟؟ مش يمكن عشان الحاجات اللي فيه او حتى الأرض والحيطان هيا اللي محسساك بكده؟؟
أنا من الناس اللي فعلا مجانين عربيات وسواقه بعشق كل حاجه عن العربيات بمعنى كل حاجه
كل يوم بمشي 140 كيلو بقالي 3 سنين دلوقتي ودي الحاجه الوحيده اللي مصبراني على الجامعه المستفزه اللي انا فيها دي اصلا
هيا فعلا عربيتي ممكن متكونش احسن عربيه في الدنيا "احم.. اكيد مش أحسن عربيه في الدنيا" بس عمرها ما خذلتني في موقف انا محتاجاها فيه.. عمري ما طلبت منها تشد ع الطريق عشان تنقذني من موقف إلا و ادتني فوق طاقتها.. وعمري ما دوست على الفرامل وانا الأدرينالين انفجر في كل عروقي الا وانقذتني وفرملت قبل ما تحصل كارثه
مع ان مش طبيعي منها انها تفرمل كده أو تشد كده أو ال acceleration بتاعها يبقى كده بس هو بقى كده يوم ما فعلا احتاجته
في مواقف حصلت معايا على الدائري عمري ما كنت هعدي منها و اقعد اكتب الموضوع ده إلا بفضل ربنا أكيد و عربيتي اللي فاهماني و عارفه انا امتى بحتاجلها تديني كل اللي عندها وفعلا بتنفذ
انا بس كنت عايزه اوصلكوا حاجتين..
اولا: حب عربيتك بجد و شجعها و هتديك فوق ما تتخيل.. حاول تحس بيها اسمع صوت ماتورها كإنه بيكلمك اعرف هو عايزك تريحه ولا تدوس عليه و لا محتاج منك إيه.. متهنش عربيتك أبدا كفايه انها مستحمله طرق البلد يا أخي!!
و ثانيا: لو شفت واحده بتبوس دريكسيون العربيه بعد ما تاخد غرزه الله أعلم خدتها ازاي أو بتطبطب علىها كده بمعنى " u go girl" متتريقش عليها عشان غالبا هتبقى أنا
One Day, Babe.. One Day
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
ده انا بموت فى عربيتى وبعتبرها المدام وبزعل جدا وانا ببيعها عند البيع وعلى فكره بحس انه شعور متبادل ووصلت مره انى كنت بعد معاها فى الجراج بالسعات والحاج ندالى وقالى حامل وله لسه
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر
رقم العضوية : 168179
تاريخ التسجيل : 13Nov2014
المشاركات : 256
النوع : ذكر
الاقامة : مصر
السيارة: لا يوجد
السيارة[2]: هوندا
الحالة :
انا مبسوط اني بسمع الكلام ده من حد يمكن كلام جديد علينا بس كلام يتحس
رقم العضوية : 161989
تاريخ التسجيل : 26Jun2014
المشاركات : 617
النوع : ذكر
الاقامة : Planet Earth
السيارة: Speranza Envy 2014
السيارة[2]: Mazda 929(81) - Altima 92
الحالة :
حب حياتي النيسان التيما بمحكرها الستة سلندر l 2.4 وصوتها اول ما اصحيها من النوم ذكريات لا تنسى : )
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
موضوع جميل
بالنسبه ليا طالما العربيه مريحانى اكيد هاحبها وعمرى مش هابخل عليها بحاجه وهادلعها كمان
ده انا لسه متعارك النهارده مع سواق مشروع علشانها :)
بس لازم برضه منساش التانيه :)
رقم العضوية : 132066
تاريخ التسجيل : 08Dec2012
المشاركات : 2,022
النوع : ذكر
الاقامة : الجيزة
السيارة: لانسر بومة 2008
السيارة[2]: مرسيدس
الحالة :
العربية وسيلة مواصلات مهمتها تروح المشوار و ترجع موضوع الحب و الغرام فى العربية دى غيبة دى جماد هتقمرو يخش يمين هيدخل هتقمرى شمال بردو هيدخل هتمرى يخش فى حيطة بردو هيدخل لولا العنصر البشرى الى سايق العربية مكنش العربية اتحركت من مكانها اصلا لولا انتى بدوسي على الفرامل كانت لبست فى اى حاجة دا جماد لا يحس ولا يشعر صحيح كل واحد ممكن بيحب و سيلة مواصلاتة لكن مش غرام يعنى و اية الى يفرق العربية دى عن دى الصيانة و موعيدها و الصيانة و الكشف الدورى على العربية يعنى مقولش دى عربية اصيلة و انفض للصيانة هيجى يوم و هتعطل عادى جدا دا حديد
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
العربيه عندي
زي عيل من عيالي
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 37309
تاريخ التسجيل : 05Apr2009
المشاركات : 4,099
النوع : ذكر
الاقامة : New Cairo
السيارة: Geely Emgrand7
السيارة[2]: Daewoo Nubira06 II SX
دراجة بخارية: no
الحالة :
دى عشقى الاول والاخير
[img3]http://im77.gulfup.com/mVDw3c.png[/img3]
رقم العضوية : 17584
تاريخ التسجيل : 31Aug2008
المشاركات : 1,485
النوع : ذكر
الاقامة : cairo
السيارة: FIAT PUNTO DUAL LOGIC
السيارة[2]: Persona 2009
دراجة بخارية: no
الحالة :
فعلا لازم الواحد يكون عنده احساس بعربيته وكل ما تحس بيها اكتر وتحبها اكتر هاتعيش معاك اكتر
(( ومن يتق الله يجعل له مخرجا ويرزقه من حيث لا يحتسب ))
رقم العضوية : 144963
تاريخ التسجيل : 08Jun2013
المشاركات : 649
النوع : ذكر
الاقامة : CAIRO
السيارة: NO
السيارة[2]: Vectra 99
الحالة :
عندك حق انا بردو بحب عربيتى جدااااااا فيكترا 99 وساعات لما ببص عليها بحس انها بتتكلم وبتفهم وبتستحملنى لما بهمل فى الصيانه
المفضلات