عندي مشكلة مع اليوتيرن

**عصير قصب** · 14-12-2014 12:27 AM

المشاركة الأصلية كتبت بواسطة sarawahdan

شكرررا ربنا يكرمك انا فعلا جديدة في السواقة وهما دول المشكلتين اللي عندي اليوترن والمطالع بتاعت الكباري لو وقفت عليها وجيت امشي تاني . انا حعمل بنصايحك كدة واجرب
يارب تظبط معايا . انا معاك اني اخد اليوترن من اقصي اليمين اسهل بس بالنسبالي حتبقي مشكلة لو في شارع زحمة وانا ماشية فيه من الاول ناحية الرصيف .

ازيك ياقمر
انا جديده زيك وخايفه اطلع بالعربية وحدى
مش عارفه اتجرأ ازاى
انتى عربيتك نوعها ايه

**pepo2011** · 14-12-2014 08:54 AM

يافندم الموضوع انشاء الله هايكون بسيط بالممارسة والتعود المهم الجراءة والتركيز والتعلم من الاخطاء والمحاولة دائماً للوصول للافضل ثانيا الموضوع مش رسم هندسي بالورقة والقلم - في ظروف طريق وشارع بتحكم الموضوع يعني لو زحمة او جنبك اوتوبيس او اي حاجة من دي هاتلاقي نفسك بتتصرفي لوحدك المهم الجراءة ومتقلقيش من حاجة والله الموفق