سؤال من مبتدئ عن تعلم السواقة

**أحمد كمال89** · 10-01-2015 11:54 PM

السلام عليكم
أنا مبعرفش أسوق، وكنت بافكر أشتري عربية 127 أو 128 بعد ما أتعلم، لكن صديق اقترح أشتري العربية الأول وبعدين أتعلم عليها السواقة وبعدين أطلع الرخصة. لكن ناس قالتلي إن العربية 127 أو 128 مش هتستحمل أتعلم عليها السواقة من الصفر، ولازم أتعلم على حاجة حديثة الأول علشان ماهلكش الماتور، لأن مواتير العربيات القديمة مش هتستحمل إني أقرص عليها خصوصا وأنا لسه مبتدئ في السواقة، وإني مش مشكلة أخبط فيها لما أتعلم شوية على عربية حديثة.
فايه رأيكم أعمل ايه؟
وجزاكم الله خيرا

**م/أحمد عبد الفتاح** · 11-01-2015 01:10 AM

أعتقد إنك تبدأ بالـ ١٢٧ أو الـ ١٢٨ وإن كنت أفضل الـ ١٢٨ لأن شكلها بيخليك تشوف كويس حدود الكبود من قدام وحدود الشنطة من ورا لغاية ماتتعود على أبعاد العربية والركن بالذات وبعدين تشوف عربية تانية

**م/أحمد عبد الفتاح** · 11-01-2015 02:35 PM

العفو ياباشا تحت أمرك
الـ ١٢٨ لو حالتها كويسة حاتستحمل معاك وبعدين العربيات الحديثة أى شغل فيها مكلف عن الـ١٢٨ سواء فى المصنعيات او فى قطع الغيار وكمان حاجتها متوفرة فى كل حتة لكن العربيات الحديثة حاتغلبك لو حصل فيها مشكلة.
وبعدين الـ ١٢٨ حتودكك فى العربيات وحتديلك خبرة :)