الموضوع: مستعدين للمعركة؟ سلاحك آلى Automatic ولا ابيض manual !!!!!

المشاركة الأصلية كتبت بواسطة karim_monir

والله يا استاذ سامح الموضوع مابقاش استفزاز قد ما بقى قلة ادب وسفالة
بص انا معايا اكتر من سلاح في العربية لكثرة تعرضي لسواقين الميكروباص
لكن النهاردة الجديدة جت من سواق نقل عام
راجع من شغلي في النزهة الجديدة لبيتي في اخر جسر السويس
باخد الطريق الخلفي وعند التقاطع الخلفي لبنزين كالتكس جسر السويس سواق اتوبي مصمم يعدي بالعرض بعد وقفت مستني 10 دقايق كاملين طابور عربيات يعدي وانا قولت مش فارقة معايا يمكن يكون حد مستعجل
بس المسافة ماينفعش تعدي اتوبيس وفر عربييات واقفة ورايا
وده مصمم يدخل كلاكسات على نور وده داخل وهو سمعت طاخ
توقعت ربع العربية الامامي اتشال نزلت مش شايف قدامي وسحب الاليكتريك بس عشان ماتهورش وسحبت المفتاح عشان اقفل العربية والموبيلات والنوتبوك ما يتسرقوش
وكان اوتبيس نقل عام من بتاع اصلاح وقطر الاوتبيسات العطلانة ومهكه وخربان روحت السواق قولتلة ايه اللي انت عملتة ده وانا مابصيتش على العربية عشان مايتحرقش دمي واتعصب واضربه
قام شتم فيا وفي الزبالة عينتي اللي مستعجلين هو مش عارف ليه
محستش غير وانا ناطط جوة الاتوبيس من الباب الامامي الخربان ومصمم الدعة بالصاعق والناس ماسكاني وبتحلفني بالله انه راجل اهبل
اقولهم اهبل يدمر ممتلكات الناس
طبعا لولا تدخل الناس واعتراض عربية نص نقل مسارة كان زمانة جري وماكنتش هاعرف اجيبة عشان السكة ومش هاعرف اغير اتجاهي
على فكرة
كان جنبة عتلة حاططها جنب ايده للحاجات دي ومصمم يضربني بيها
والله صعب عليا اكهربة بس تقول ايه على الغباء
اللي كمان هداني واحد جه يقوللي يا بيه عربيتك ماحلهاش حاجة ده الصاج حك في صاج النمرة بتاعتك وحصل خير
الحمد لله على كل شيء بس احب اقول لصاحب الموضوع ان اكاد اجزم ان 3 من كل 5 لازم تلاقي معاهم سلاح ما بين سلاح ابيض لصاعق لطبنجة صوت للارهاب او رش او سلاح حي او شومة او سيلف دفنس بتاع البنات لامريكان استيك وغيرة وغيرة

بجد بقت بلد في منتهى الفوضى وخطر جدا ان حد يتعرضلك ويكون مسلح وانت بطولك في بلدنا لان الشرطة بتتبع مبدأ سيبهم يخلصو على بعض واحنا نيجي نكتب المحضر

طيب الحمد لله إنك إنت بخير و العربية تتصلح
والله الموضوع ده محير جداً ساعات أقول لازم تشيل حاجة معاك للضرورة خصوصاً عشان لو معاك حد من البيت وخايف عليه ، وساعات أقول إتوكل على الله وبلاش الحاجات دى أحسن الموضوع يتطور

أنا بحب المطاوى الكبيرة الأجنبية جدا جدا ! وعندى مطاوى أمريكى وبرازيلى وسويسرى بسوست ومن غير وحاجة تشرح القلب :) ودايماً أشتريها من برة وأحطها فى البيت لمجرد إنى بحب أجمعهم بس عمرى ماستخدمتهم وخايف أنزل واحدة منهم العربية تعملى مشكلة فى كمين مثلا عشان السلاح الأبيض ممنوع من أيام قانون البلطجة

واحد قريبي ماشي على طريق الصعيد الصحراوي وطول السكة سواق ميكروباص يكسر عليه رخامة لما كان هايلبسه في الجبل لولا ستر ربنا
هو استنى عند اقرب نقطة تفتيش وقال للظابط ووقفوه والظابط نزل فيه ضرب بالشلاليت مع اعتراضي على اسلوب الظابط كان كفاية مخالفة جامدة
المهم قريبي توقع ان الميكروباص يقف ياخد حقه وفعلا لقاه مستنيه بعد كام كيلو
هو والتباع مجهزين الشوم
نزل ومعاه مسدسه ومشي ناحيتهم وضرب طلقتين في الهوا
كل واحد جري على ناحية وقريبي راح ياخد مفاتيح الميكروباص والركاب حاولو يتدخلو لصالح سواق الميكروباص هددهم اياك حد يتدخل وتقريبا فش العجل
المهم هو كدة امن نفسه انهم مش هايلحقوه
وربنا ستر كان ممكن تحصل مصيبة ولولا المسدس كانوا بهدلوه