قريبا ساصبح اوبلاوى ارجو المشوره

**m.aligamal** · 02-11-2008 09:12 PM

يا بشمهندس احمد و الله العربيه مش تجميع مصرى و انا كشفت على الموتور الكل شكر فيه بس انتوا بتقولوا الموتور ده مش كويس او الفتيس بتاعه بيبوظ علما بان الموديل
98 فكترا

**ENG\AHMED** · 02-11-2008 09:20 PM

العيوب اللى الناس قالت عليها عيوب حساسات وكمبيوتر مش عيب فى خامات الموتور نفسة يعنى مثلا بيفوت بسرعة او كدة لأ كلها عيوب كونترول .. الفتيس محدش اتكلم علية

**m.aligamal** · 02-11-2008 10:06 PM

شكرا ياباشا وفى انتظار دخول ابو زهره و باقى المتخصصين للرد على الموضوع بس برضه انتا شايف ان سعر عربيه بالموصفات دى تستحق سعرها ولا غالى خاصه ان صاحب العربيه مش راضى ينزل فيها خااالص و كانه بيبع ابنه
موصفات العربيه
اوبل فكاترا 98 المانى استيراد مفيش فيها مسمار متركب فى مصر
باور سنتر زجاج كهربى اوتوماتك ايرباج 1600 cc موتور ايكوتك عفشه ممتازه بطاريه و جنوط و كاوتش جداد الدركسيون متحرك تكييف فتحه سقف فرامل abs فابريكا بره و جوا بالكامل من غير خدووش اللون دهبى شامبنيا كاسيت اصلى 100 الف كيلو
الراجل طالب 65 الف ارجو التعليق على السعر

**M.Mokhtar** · 02-11-2008 11:09 PM

المشاركة الأصلية كتبت بواسطة abocato

شكرا ياباشا وفى انتظار دخول ابو زهره و باقى المتخصصين للرد على الموضوع بس برضه انتا شايف ان سعر عربيه بالموصفات دى تستحق سعرها ولا غالى خاصه ان صاحب العربيه مش راضى ينزل فيها خااالص و كانه بيبع ابنه
موصفات العربيه
اوبل فكاترا 98 المانى استيراد مفيش فيها مسمار متركب فى مصر
باور سنتر زجاج كهربى اوتوماتك ايرباج 1600 cc موتور ايكوتك عفشه ممتازه بطاريه و جنوط و كاوتش جداد الدركسيون متحرك تكييف فتحه سقف فرامل abs فابريكا بره و جوا بالكامل من غير خدووش اللون دهبى شامبنيا كاسيت اصلى 100 الف كيلو
الراجل طالب 65 الف ارجو التعليق على السعر

بالنسبة للسعر اكيد كويس جدا لو الحاله نظيفه زى ما حضرتك بتقول

**m.aligamal** · 03-11-2008 12:00 AM

شكرا ياباشا و العربيه بجد حالتها احسن من الجديد لدرجه انى لعنت ابو العربيات الى متقفله فى مصر رغم مرور عشر سنين على انتاج العربيه الا انها لسه بشوكها سبحان الله الجماعه بتوع المانيا دووول حاجه تانيه خالص

**M.Mokhtar** · 03-11-2008 03:57 PM

المشاركة الأصلية كتبت بواسطة abocato

شكرا ياباشا و العربيه بجد حالتها احسن من الجديد لدرجه انى لعنت ابو العربيات الى متقفله فى مصر رغم مرور عشر سنين على انتاج العربيه الا انها لسه بشوكها سبحان الله الجماعه بتوع المانيا دووول حاجه تانيه خالص

على فكره التقفيل المصرى للاوبل فكترا اخد جوايز كتير ومن انضف التقفيلات اللى ممكن تشوفها فى مصر
شوف الصوره دى

http://www.nilemotors.net/Nile/attac...2&d=1222175382

**m.aligamal** · 03-11-2008 05:49 PM

ايوه ياباشا منا عارف ان الفكترا اخدت قبل كده السياره الاولى عالميا و كان تقفيل مصرى بس انا قصدى الامكانيات الكامله

**Ahmad Allawy** · 04-11-2008 12:53 AM

شوف يا باشا.. انا كلمت ابن خالي و عرفت منه شوية حاجات كده.. هاقولك عليها..
لما سألته عن الموتور الايكو تك.. قالي هو نزل برة فعلا من قبل سنة 2000..
و قالي اسألك تشوف كده دواسة البنزين بتاعت العربية دي كهربا ولا سلك..؟؟
لو كهربا تبقي زي الموديل بعد سنة 2000 المصري.. ولو سلك.. تبقي زي الايكوتك ال2000 سي سي المستورد.. مش اللي متقفلة في مصر.. و دي بيتهيألي علي ما اذكر من كلامه افضل..
عموما.. ممكن تتأكد ان الموتور ايكوتك بجد.. و كمان تشوف البنزين سلك ولا كهربا..

و قالي اتأكد من حاجة مهمة جدا.. عشان نعرف العربية دي فعلا نازلة من برة بالموتور و الفتيس دول.. ولا متغيرين هنا.. الي تجيب الVIN number
اللي هو الرقم اللي بيبقي مكتوب علي الصفيحة اللي ف الكبوت.. و بيبقي 17 رقم.. و فيه حروف كمان.. و من الرقم ده نشوف ال منصور.. التوكيل يعني..
و هتعرف منه العربية دي نازلة مصر تبع التوكيل و متغير الموتور ده هنا..
ولا نازلة استيراد و مش تبع منصور.. عشان نتأكد يعني..
شوف كده الحاجاة دي و ابقي رد عليا و نكلمه تاني و نشوف ايه الاخبار ان شاء الله..

**m.aligamal** · 04-11-2008 01:17 AM

الف شكر ياباشا و اتاكد ان شاء الله و ارد عليك

**nashat3** · 05-11-2008 10:21 PM

السلأم عليكم يا جماعه أنا واقع فى نفس المشكله بس معروض عليا فيكترا 1999 وأيضا بحاله شاذة ومطلوب فيها 60000 نهائى هل السعر مناسب أم لا وعلى فكرة بها نور زينون وطقم كاوتش من أسبوع وكاست سى دى نيو