قريبا ساصبح اوبلاوى ارجو المشوره

**m.aligamal** · 31-10-2008 10:00 AM

السلام عليكم يا باشوات
معروض عليا اوبل 98 فكترا كامله مستورده
تكييف و سنتر و اتوماتك و زجاج كهربى و اير باج و فتحه سقف لونه دهبى شامبين وفبريكا جوه و بره بطاريه جديده و 4 كاوتش جداد و الكاسيت الاصلى
مطلوب فيها 65 الف هل السعر مناسب ام غالى ارجو الرد بسرعه يا بشوات

**Ahmad Allawy** · 31-10-2008 05:16 PM

السعر عالي شوية.. بس حالة العربية لو زي ما بتقول تبقي ممكن تنزل حاجة بسيطة..
دجه السعر الطبيغي.. بس الله اعلم بقي السوق دلوقتي واقع فعلا ولا اي كلام..
بس العربية دي اكيد كويسة..

**m.aligamal** · 31-10-2008 05:37 PM

الف شكر ياباشا بس العربيه حالتها شاذه فعلا و كل الكماليات شغاله و الدركسيون بتاعها بيطلع و بينزل على حسب ما انتا عايز و العربيه مفيش فيها خدشه و العفشه ممتازه غير ان الموتور ايكوتك بالرغم من ان السياره مودليها 98 وفتحه السقف تعمل بصوره جميله ارجو منك ياباشا التعقيب خاصه ان الراجل ماسك قوى على السعر و بيعيط على العربيه

**Ahmad Allawy** · 31-10-2008 05:51 PM

لأ كده الوضع مختلف.. لو ايكوتك كمان.. و بالسعر ده تبقي كويسة قوي..
بص.. انا شايفها حالة تستاهل السعر..
بس انا رأيي مش نهائي عشان انا معايا كورساو مش بافهم في الفيكترا قوي.. لكن استني تأكيد محمد مختار و احمد نو نيم علي الكلام.. هما ادري مني عشان معاهم فيكترا..
لكن انا في رأيي تاخدها التوكيل تكشف عليها.. و هما هناك لو شافوا ان العربية حالتها تستاهل هيقولوك دي لقطة او تاخدها او لأ.. ممكن يسعروهالك هناك..
و ربنا يوفقك لما فيه الخير ان شاء الله..

**m.aligamal** · 31-10-2008 06:49 PM

هوا الى عرفته من ناس كتير ان الاوبل تقيله فى البيع و متفرحش بالعربيه الرخيصه فيها لان الاوبل لو مش كويسه بتفتح عليك جااامد و قالولى ان العربيه لو حلوه بيتحط فيها سعر غالى خاصه العربيات المستورده الالمانى بتاعه بلادها لان الاوبشنز الى فيها مش موجوده فى التقفيل المصرى و بعدين الى اعرفه ان الاوتومتك 1600 بتبقى تقيله فى طلعه العربيه الى لاحظته ان العربيه رغم انها 1600 الا انها كانت زى 2000 بالظبط فسالت صاحبى قالى الموتور الايكوتك عزمه شديد عن الموتور العادى فهل الكلام الى اتقلى ده سليم ولا فيه غلط وانا جربتها وجبت عليها 170 كيلو وكان الثبات عالى جدا ولو الطريق يستحمل كنت عملت اكتر من كده و العربيه تقريبا عامله 100 الف كيلو

**Ahmad Allawy** · 31-10-2008 06:53 PM

مممم
معني كده انها 1600.. استني بقي و اسأل الاول حد كان شغال ف التوكيل..
عشان في حاجة.. ال1600 الاوتوماتيك اللي نزلت هنا كان فيها مشاكل..
و لو العربية دي مفيهاش المشاكل دي يبقي توكل علي الله و خدها وقتي.. و ربنا يباركلك فيها..
لكن لو فيها نفس المشاكل.. يبقي تصرف نظر..عشان مشاكلها مقرفة شوية..
انا كنت فاكر انها 2000 لما قولت انها اوتوماتيك.. بس ربنا يسهل..
يا رب حد من الكبار بتوعنا هنا الباشمهندس محمد جي ام.. :) ولا اخونا المهندس ابو زهرة يدلك علي الموضوع ده..

**m.aligamal** · 01-11-2008 12:39 AM

الف شكر ياباشا على الردود و انا فى انتظار رد باقى الخبراء و ارجو منك ياباشا تستفسرلى من خبراء الفكترا فى العربيه دى قبل مدفع الفلوس ان شاء الله

**Ahmad Allawy** · 01-11-2008 02:37 AM

انا بالصدفة البحتة والله النهاردة..
قابلت واحد ليه شوية ف الفيكترا ع القهوة.. :) :) والله انت حظك كويس..
قالي ان ال1600 قبل سنة 2000 الاوتوماتيك اللي انت بتتكلم فيها دي مفيهاش قلق زي بعد سنة 2000..
دي انضف.. و بالنسبة للسعر هو قالي انه عالي سنة بس حالة العربية بتحكم..
و بكرة ان شاء الله هاكلم لك حد و اسأل و هارد عليك باذن الله..