الردود بقي يا رجاله
والله اكتر من ساعه ساعتين بكتب وبحط الصور
متضيعوش تعبي عالفاضي
رقم العضوية : 110261
تاريخ التسجيل : 13Aug2011
المشاركات : 235
النوع : ذكر
الاقامة : ksa
السيارة: ياريس 2011
السيارة[2]: كورولا 2012 ومرسيدس c300
دراجة بخارية: لا
الحالة :
السلام عليكم
الموضوع زي ما هو باين في العنوان
انا محتار جدا جدا
عقلي بيقولي كورولا
وقلبي بيقلي فوكاس
عايز عربيه اداء واعتمادية واستخدام يومي بدون اعطال مفاجاه ولا مشاكل ولا مصاريف تشغيل مكلفه
وحقول وجهة نظري بس استحملوني حطول شوية
ويا ريت حد يدلني عالصح
لو مكاني تعمل ايه او تفكر ازاي
1_اولا نيجي ل كورولا 2015 عربيه لا يعلي عليها لكن
انا معايا كورولا 2011 وقبلها 2012 وياريس 2011 2009 و2008 مرورا بسيفيك 2002
سياراتي الشخصيه وليست لاخوتي او والدي ببدل ياباني بياباني علطول
يعني عارف الكورولا والتويوتا ظهرا عن قلب ومريحاني جدا جدا جدا
ومصاريف علي قد الجيب
وعقلي بيقلي هات كورولا
سحب وثبات واعتمادية وقلة اعطال وتكييف واعادة بيع وكل حاجه
ووضع السواقه في كرسي السائق مريحني اوي والدريكسيون قريب منك مش لازم تفرد دراعك للاخر زي الالنترا يعني هي تمااااام
بس عندي مشكله
ان الشكل الجديد مش عاجبني من بره ولا من جوه خااااااالص عكس الشكل القديم اللي معايا (كلها ازواق طبعا عشان محدش يتضايق )
يعني كل ما ابص للعربيه من بره اتضايق اوي احس ان فيها حاجه غلط في شكلها خصوصا من الخلف
وتحس انها صغيره كده او كومباكت كنزة شويه من بره
ومفهاش الفخامه المطلوبه علي قد فلوسها مثلا
اقول مش مشكله اقعد جواها
الاقي التابلوه كانك قاعد في مكروباص او العربيات الشيفروليه الكابريس القديمه
وتحس ان التابلوه اعلي من مستواك وشكل عصاية الفتيس عره اوي الصراحه
حتي مش حاطين علي العصاية الجلد زي اللي في السيراتو مثلا
والكونسول اللي في النص مش اوي عكس كونسول الالنترا مثلا او حتي الشكل القديم كان نازل انسيابي كده
وتحس انه قاسم التابلوه حتي درج التابلوه وفتحات التكييف شكلهم مش حلو
حتي الطاره بالمالتي اللي فيهم شكلهم شعبي اوي
طبعا كلها ازواق عشان محدش يزعل من ملاك الشكل الجديد
صورة عصاية الفتيس
العصايه مش متغطية بجلد زي السيراتو الفئه الاقل مثلا
تابلوه وفتيس الفوكاس
دي صوره للفول اوبشن كورولا بس شكلها مش قد كده برده
وتقريبا مش دي اللي في مصر بس برده عشان تكون الصوره كامله
يعني بعيدا عن اسم العربيه وتاريخها وكل شئ بس الشكل بس اللي مش مالي عيني لا من بره ولا من جوه لكن انا عارف انها عربيه كاداء واقتصاديه لا يعلي عليها
2_ نيجي للفورد فوكس
العربيه تصميمها رااااائع بالنسبالي اول ما بشفها بتشدني جدا جميييله جداا
والتابلوه بتاعها رهييييب اول ما تقعد فيها تحس ان العربيه بتحتويك
تصميمها مرتب وبسيط من الخارج
بس المشكله ان كل الناس بتخوفني من الفورد فوكاس بالزات واعطالها وكده مش عارف ليه
والصراحه عمري ما جربتها لمدة طويله ومش مع حد من اصحابي عشان اقيم اداءها او اخد الخبره عن تجربه من الواقع مش ريفيوهات اليوتيوب بس
بس شكلها عاجبني جدا
لو مكاني تنصحني بايه مع المعطيات دي
معلومه علي السريع
1_انا دماغي عملية جدا في العربيات
يعني انا كائن مش توكيلاوي خاااالص يعني عمري ما حروح احجز موعد واضرب مشواار واقعد كم ساعه عشان اغير زيت في التوكيل وميهمنيش موضوع الضمان اوي
محدش بياخد حقه في مصر اصلا وانا بالي مش طويل للمشاكل
يعني موضوع التوكيل وخدمة ما بعد البيع والحاجات دي مش اوي
بس اللي يهمني ان قطع الغيار تكون في اي مكان مش لازم الف عليها كتير
واي مركز خدمه ممكن يادي الغرض
علما اني من مدينة اقليمية يعني مش عايز اضرب مشوار القاهره عشان الاقي اي حاجه
ودي ميزة الكورولا اللي معايا قطعها موجوده في بلدي واي ميكانيكي بيشتغل فيها الي حد ما
بس مش عارف ايه نظام الفورد فوكاس ولا الكورولا الجديده
لان انتوا عارفين في مصر ممكن تنزل من بيتك تلاقي وكتوك تاكسي تروسيكل خابطلك الرفرف ولا االفانوس
وربنا يعوض عليك يا بيه دي عربية اكل عيش والكلام ده
2_الصراحه مش كل الكماليات بتهمني
يعني الاوتو بارك حتي حساسات الركن وتسخين المقاعد والحاجات دي مش بتهمني اوي
بس اللي يهمني الثبات رقم واحد ووسائل الامان والفرامل وكده
abs والحاجت بتاعة الثبات دي
والتسارع والسحب
لاني بشد شويه وبحب الجري الي حد ما
معرفش الفورد ولا التويوتا اي واحده احسن فيهم الصراحه
3_ سعر اعادة البيع
الصراحه النقطه دي مش هي الاساس برده
لان العربيه اللي حجيبها حتكون عربية للعمر الي حد ما او حتقعد فترة طويله فمش لازم النقطه دي اوي
بس الصراحه برده مش عايز حاجه تكون واقعه عالاخر يعني
برده عشان اكون ماسك العصايه من النص لان انتوا عارفين في مصر العربيات غاليه وتعتبر جزء من راس المال وممكن لا قدر الله تتضطر تبيعها في اي وقت
4_رابعا وده الاهم بالنسبالي الصراحه مش مهم اسعار قطع الغيار اوي
لان معظم الجديد قطعه الاصليه نااار
بس اللي يهمني اوي اوي اوي
مصاريف العربيه زات نفسها يعني running cost زي ما بيقولوا
يعني تدور وتمشي مش كل يوم اعطال ولا كمبيوتر ولا حساسات ولا الحاجات دي اقتصادية في البنزين
وكده يعني
ودي ميزة الكورلا اللي معايا بتتخبط كل شوية بس بقضيها بفانوس مش اصلي لحد ما ربنا يسهل وكده واي كهربائي بيركبه عادي مش قضيه
بس معرفش برده الجديده والفوكاس ايه نظامهم
يعني من الاخر 1_العقل مع الكورولا بس الفل اوبشن بتاعها معدي 200 الف
تعليقا عالسعر ((برده سعرها اووفر الصراحه حاسس انها نطت في فئه اعلي منها الي حد ما ))
او اغلي من قيمتها الفعليه
وخايف ادفع مبلغ جامد في حاجه بس كل ما تبصلها متبقاش ماليه عنيك
و25_القلب مع الفوكاس بس مش عارف ايه ظروفها غير الشكل الحلو
معلش طولت عليكم
بس محتار جدا
لو مكاني ونفس تفكيري تعمل ايه
تستغني عن الشكل شوية مقابل الاداء والمميزات
ولا حرام تدفع 200 الف في حاجه حاسس انها اقل من تمنها
انا عارف محدش بياخد كل حاجه بس الافضل ايه
انا ممكن احط حاجه تانيه في الاختيار عادي
1_فنتازيا
انا الفانتازيا ركبتها مع صاحبي رغم ان شكلها متغيرش اوي ومش شبابي شويه وشكلها solid كده من الخارج يعني مفهاش حاجه جامده في التصميم بس مالية مركزها ولها هيبه عن الكورولا الي حد ما
وقعدتها من جوها كانت عجباني شوية وتحس بفرق التقفيل من الداخل عن الكورولا
بس المشكله مصاريفها كتير علي زميلي ومره خبط في الاكصدام الامامي دفع 12 الف جنيه علي شوية حاجات
ايه التعليق علي النقطه دي ومصاريف تشغيل العربيه
غير برده موضوع الفتيس ال dsg اللي ماشي اليويمن دول بس محدش اشتكي قدامي بقرا علي النت بس الصراحه
2_الفلوانس
بقرا كتير عن مميزاتها هنا في المنتدي
بس سقتها ولقتها مش وهم زي ما هو مكتوب هنا الصراحه من ناحية العزل والثبات
حلوه بس مش وهم يعني
غير ان شكلها من بره مش للدرجه يعني
3_كروز
عربيه شكلها جميل جدا من بره والتابلوه بتاعها جامد وشكله مرتب في التصميم
بس مش عارف ايه ظروفها كاداء واعتماديه وثبات وكده
4_استرا
شكلها حلو من الخارج مشفتهاش عالحقيقه بس ممكن كنزة شوية
والداخل تابلوه جميل جدا انا بحب التصميم ده
بس مش عارف ايه ظروفها برده كاداء واعتمادية واستخدام يومي
وسؤال بكل موضوعيه لاهل الكورولا
هل بالامانه حاسس ان عربيتك تستاهل كل مليم ادفع فيها
ولا هي غاليه علي تمنها وامكانياتها
والسلام ختام
ولا خاب من استشار
شكرا
رقم العضوية : 110261
تاريخ التسجيل : 13Aug2011
المشاركات : 235
النوع : ذكر
الاقامة : ksa
السيارة: ياريس 2011
السيارة[2]: كورولا 2012 ومرسيدس c300
دراجة بخارية: لا
الحالة :
الردود بقي يا رجاله
والله اكتر من ساعه ساعتين بكتب وبحط الصور
متضيعوش تعبي عالفاضي
رقم العضوية : 139455
تاريخ التسجيل : 07Apr2013
المشاركات : 137
النوع : ذكر
الاقامة : القاهره
السيارة: رينو نيو لوجان 2015
السيارة[2]: سكودا
الحالة :
بصراحه موضوع جميل ومرتب زي العربيات اللي نفسك فيها وانا قريت الموضوع للاخر وعشت معاك حيرتك............. انا بالنسبه ليا لو مكانك هيكون ترتيبي كالاتي :
1- سكودا اوكتافيا a7 ... اعتماديه جداااا وشيك وثبات وجري
2- اوبل استر ا .......... ممكن كمان رقم واحد لولا السعر
3 - الكورولا
وربنا يوفقك للاحسن ان شاء الله
رقم العضوية : 110261
تاريخ التسجيل : 13Aug2011
المشاركات : 235
النوع : ذكر
الاقامة : ksa
السيارة: ياريس 2011
السيارة[2]: كورولا 2012 ومرسيدس c300
دراجة بخارية: لا
الحالة :
متشكرجدا لردك
ويا ريت المزيد من الردود لملاك الكورولا او الفوكاس
كمان
سؤال لحضرتك
ايه عيوب الاسكودا معاك
رقم العضوية : 121411
تاريخ التسجيل : 06Mar2012
المشاركات : 3,625
النوع : ذكر
الاقامة : assiut
السيارة: --
السيارة[2]: --
دراجة بخارية: --
الحالة :
طبقا لكلامك ,, الكورولا هتكون انسب بالنسبالك من الفوكس
مع ان رأى الشخصى ان الفوكس افضل من الكورولا و انها اصلا #1 ف الفئة دى
الحمد لله عدد ما احصى كتابه و الحمد لله على ما احصى كتابه
الحمد لله ملء ما فى السموات و ملء ما فى الارض و ملء ما بينهما
[img2]http://nileup.com/up/uploads/nilemotors_13651184541.jpg[/img2]
You decide on your speed. Physics decides whether you live or die(بأمر الله طبعا)
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
من كلامك
وشروطك
خاصه في مصر
الكرولا تتفوق
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 164887
تاريخ التسجيل : 03Sep2014
المشاركات : 153
النوع : ذكر
الاقامة : القاهرة
السيارة: باسات ٢٠٠٩
السيارة[2]: جولف ٢٠٠٦
الحالة :
مازدا 3 2015
رقم العضوية : 161735
تاريخ التسجيل : 20Jun2014
المشاركات : 178
النوع : ذكر
الاقامة : Giza
السيارة: نيسان سنترا
السيارة[2]: نيسان صنى
الحالة :
بص يا فندم انا فى نفس موقفك بالظبط مع اختلاف بسيط هوه انى كنت فعلا رايح للكورولا بس لاقيت ان الفرق بينها وبين الفلوانس والسنترا والأمبريزا والشارك حوالى من 20 ألف ل 25 ألف مع العلم ان فرق الأوبشن بينها وبين الموديلات اللى انا كتبتها مش كبير لدرجة فرق السعر ده ,,, وهنا كان سؤالى هل هى فعلا تستاهل فرق السعر ده؟؟
علشان كده ممكن تقرا موضوعى هتلاقى فيه ردود كتير ممكن تكون مفيدة بالنسبة لك
http://www.nilemotors.net/Nile/450474-a.html
رقم العضوية : 138277
تاريخ التسجيل : 02Apr2013
المشاركات : 108
النوع : ذكر
الاقامة : السويس
السيارة: مرسيدس300
السيارة[2]: فيورا
الحالة :
عموما الاوروبي احسن في الخامات واكثر تطورا عن الاسيوي وبالتالي ممكن تكون مشاكله اكثر...بالنسبه لدماغك وظروف مصر.....التويوتتتتتتتتتتتتت تتتتتتتتتتتتتتتتتتتتتتتت تا...اما الفورد فلو حاحقق رغبه وليكن مايكون....هاتها...و استمتع.....والواحد مش عارف بكره حايكون ايه.................
رقم العضوية : 149075
تاريخ التسجيل : 24Sep2013
المشاركات : 316
النوع : ذكر
الاقامة : القاهرة
السيارة: Toyota
السيارة[2]: Toyota
الحالة :
ممكن تبص على مازدا 3 و نيسان سنترا الجديدة وتقارن
وطبعاً الكورولا جميلة بس أتفق معاك فالصالون من جوه تصميمه مش إنسيابي
اللهم أغفر وارحم وثبت من إشتاقت عيني لرؤيتها،ويدي لمصافحتها،واذني لسماع صوتها اللهم اجعل الجنة دار ومستقر لها.
اللهم إرحم أمي رحمة واسعة وأسكنها فسيح جناتك
المفضلات