ازاي اقاوم البرد ده؟

**dede_dodo88** · 03-12-2014 10:22 PM

أنا الجو ده بالنسبالي هو الجو المثالي لفصل الصيف lol
العادي بتاعي أني بنزل بنص كُم و أحياناً شورت..
معنديش حاجة أسمها لبس شتوي, أتقل حاجة ممكن ألبسها ممكن تبقى سويتر قطن خفيف و بشمر كُمه, أو تي شيرت نص كُم فوقيه hoodie لزوم المطر..

**Bassem Youssef** · 03-12-2014 11:08 PM

المشاركة الأصلية كتبت بواسطة 4fun14

فى حاجه غلط!!!الجو مش برد للدرجه دى ده انا حتى ف البيت بلبس صيفى "بس بكم" لحد دلوقت!!هو انت من القاهره؟
اصل لو كده يباه غالبا فيك حاجه مش طبيعية

لا خارج القاهره

المشاركة الأصلية كتبت بواسطة dede_dodo88

أنا الجو ده بالنسبالي هو الجو المثالي لفصل الصيف lol
العادي بتاعي أني بنزل بنص كُم و أحياناً شورت..
معنديش حاجة أسمها لبس شتوي, أتقل حاجة ممكن ألبسها ممكن تبقى سويتر قطن خفيف و بشمر كُمه, أو تي شيرت نص كُم فوقيه hoodie لزوم المطر..

قلبك ميت :d يا بختك و الله

**eslam atia** · 04-12-2014 12:12 AM

اعملك طبق شوربة عدس وانتي هتنسي البرد والثلج والمطر
وكباية موغات
هتحس انك لسة خارج من ساونا
هههههههههههههههههههههه

**S O P H O S** · 04-12-2014 04:33 AM

يمكن الجو بالليل خالص بيكون كده
بس بردوا ليه انت فأول 12 والشتاء لسه مشدش

**mr_green** · 04-12-2014 07:39 AM

لو تعبان أوى خدلك حقنة فولتارين و نام هاتصحى ذى الحصان

غير كده إشرب كوباية قرفة على زنجبيل و حليها بمعلقتين عسل نحل - نص معلقة قرفة و نص معلقة زنجبيل و إنسى البرد هاتفرهد من الدفى

**احمد المصرى** · 04-12-2014 08:50 AM

شغل دفايه

**Electronics 20** · 04-12-2014 12:45 PM

المشاركة الأصلية كتبت بواسطة Anaslbda

أحسن علاج للبرد: الراحة التاااامة
يعني 24 ساعة في السرير متتحرّكش. قضّيها نوم طول اليوم.

بنادول اكسترا كل 12 ساعة والف سلامة.

دا انا كنت باخد
بنادول اكسترا 3 مرات من الصبح لحد الليل و من بالليل 3 مرات حتى مطلع الفجر لانى مكنتش عارف انام

وانا اقوال كنت حاسس انى بحتضر

**Bassem Youssef** · 04-12-2014 04:33 PM

المشاركة الأصلية كتبت بواسطة eslam atia

اعملك طبق شوربة عدس وانتي هتنسي البرد والثلج والمطر
وكباية موغات
هتحس انك لسة خارج من ساونا
هههههههههههههههههههههه

شوربه العدس حاضره علي طول و مش بحب الموغات

هو احنا في سبوع ؟؟:d

المشاركة الأصلية كتبت بواسطة S O P H O S

يمكن الجو بالليل خالص بيكون كده
بس بردوا ليه انت فأول 12 والشتاء لسه مشدش

ما انا بقول لنفسي كده برضه

لما البرد يشد هعمل ايه ؟؟؟؟

ربنا يستر

المشاركة الأصلية كتبت بواسطة mr_green

لو تعبان أوى خدلك حقنة فولتارين و نام هاتصحى ذى الحصان

غير كده إشرب كوباية قرفة على زنجبيل و حليها بمعلقتين عسل نحل - نص معلقة قرفة و نص معلقة زنجبيل و إنسى البرد هاتفرهد من الدفى

انا مش مريض الحمد لله فموضوع الحقنه مش في الحسبان

هجرب موضوع القرفه بالجنزبيل ده ان شاء الله

المشاركة الأصلية كتبت بواسطة احمد المصرى

شغل دفايه

هههههههههههههههههههههه و مين سمعك ؟ متلقحين جنب الدولاب

فواتير الكهرباء بيجي فيها ارقام خرافيه ... اكتر كمان لما تيجي تشغل تكييف

المشاركة الأصلية كتبت بواسطة M.Radwan

الأحسن تشوف دكتور لأن الجو مش برد للدرجة دي.. أحسن لا قدر الله تكون مشكلة في الغدة الدرقية

لا مفيش مشكله و الحمد لله

**إنسانة** · 04-12-2014 11:31 PM

انا مجربة اللي هقولك عليه دا و أنا كنت بخاف من البرد وأنا في البيت فلما بقيت بخرج لقيت حل و ارتحت مع الحل دا جرب يمكن يفيدك وللامانة هو البرد لسه في بدايته مش عارفة هيبقى حل كافي ولا هترجع المشكلة
ولكن جرب مش هتخسر

حضرتك كل يوم أصحى بدري شوية وجيب زنجبيل طازج و قطعه لو عايز نكهة بس أو اطحنه لو حابب تشربه مع الحليب ودا الافضل ولكن زي ماتحب
وحطه مع حليب طازج نص لترأو الكمية المناسبة ليومك
وحط معاه كم حبة من الهيل "مش عارفة الهيل دا هتعرفه او ليه اسم تاني في مصر"
دي صورته

وهتحطه مع الحليب والزنجبيل "جربه فالأول لو مش هتحبه بلاش من الهيل الزنجبيل كفاية"
بس هو بيعمل نكهة جميلة
يغلوا مع بعض
وهات حافظة من ماركة كويسة انا جربت ماركة Thermos Nissan وهي بتحفظ الحليب سخن 24 ساعة يعني هتشربه قبل مايبرد
وخدها معاك شغلك واشرب منها على طول حتى لو بتمشي اشرب منها تدفيك

شكل الحافظة

انا لواشتد البرد ولقيت اني محتاجة اعمل حاجة زيادة هزود على الخلطة اعلاه ربع معلقة زبدة المراعي لإنها بتدفي زيادة وطعمها جميل فانتا اعمل حسابك انك ممكن تحتاج زبدة لو هتحتاج تدفئة زيادة "كل نص لتر هتحط ربع معلقة زبدة من معلقة الاكل"
جرب وشوف انا متأكدة انك هترتاح من كل اعراض البرد لان المشروب دا بيدي للجسم طاقة طول اليوم