الموضوع: صفارة فى العجل الامامى؟

عندي كان صفارة مع الفرامل العفشجي قالي غير التيل
غيرت التيل و من بعد ما غيرته لقيت صفارة في العجلة قدام الدرايفر
روحت للعفشجي قالي مش من العفشة كله تمام لا البلية خشنة ولا اى حاجة
و فضل يقلب يمين و شمال و هو سامع الصوت لكنه بيقولي حاجة مش مهمة و زيتلي الطنابير
تاني يوم لقيتها بتصفر تاني و الصوت ما راحش و دلوقتي بقت بتصفر مع الفرامل تاني
روحت للميكانيكي اسأله قالي عيب تيل و هايروح مع الوقت رجعت للعفشجي قالي اه احتمال يبقي التيل الجديد هو اللى بيصفر تعالالي يوم السبت اصنفرهولك
يعني يا ريتني ما غيرت التيل اللى كان بيصفر مع الفرامل بس ودلوقتي بيصفر و انا ماشي سلانسيه او فرامل اوقات
احتمال تكون عندك برضه نفس المشكلة بتاعة التيل انه بيبقي فيه
آسف انا لسة جديد في العربيات و باتكلم عن تجربة شخصية ممن تكون غلط تماما بس انا حبيت افيد لو بايدي الامكانية لافادة غيري
تحية و تقدير

كانت بتحصل عندى بنفس الوصف بتاعك ده ونفذت فكره قالى عليها فادى وانتهى الكلام ده تماما
الفكره دى بيعملوها بره وبلاقيها فى معظم الطنابير الاستيراد
تجيب سليكون نوع نضيف ( يفضل افرنساوى اللى فى انبوبه صفيح ) وتلزق بيها فرده التيل الخارجيه فى الجهاز ... ازاى ؟؟!
هاتفك العجله وتشيل السلك الحديد او بيسموها السوسته اللى بتمسك جهاز الفرامل فى الدشمه ... تفتح الجهاز بمفتاح كانك هاتغير التيل ... تطلع فرده التيل دى وتنظفها كويس من الخلف ( الجهه اللى مافيهاش التيل ) تحط عليها السليكون وتركبها وتحضر فرامل لغايه اما تلاقى التيل مسك فى الجهاز بالسليكون ... وتركب السوسته وتسيبها تنشف
ده على اعتبار ان التيل والطنابير عندك سليمه
لان اللى بيحصل عندك ده غالبا اللى حصل عندى وهو ان التيل مش ماسك حلو وبيحك فى الطنبوره وانت ماشى
الحركه دى من يوم ما عرفتها وانا دايما اعملها والنتيجه تمام
والله يباركله فادى هو اللى فهمهانى