الموضوع: استفسار لخبراء الشبكات عن أفضل راوتر وايرلس يغطي أكبر مساحة للشقة كلها

المشاركة الأصلية كتبت بواسطة Secret-Man

DSL Modems Review 2014 | Best Wire Modems & Routers - TopTenREVIEWS

أنا بصيت على ريفيوهات كتيرة بس للأسف كلها تقريبا مش دقيقة وبتبقى معمولة مخصوص للتسويق للمنتجات دي عن طريق affiliate أو مواقع nitche للربح من الإعلانات لكن مش بتقدم معلومات صادقة وحقيقية زائد إن الريفيو ده مختار 3 أنواع بس منهم موتورولا ! ودي أول مرة أسمع عنها بصراحة

المشاركة الأصلية كتبت بواسطة Ladawy

معلش انا هابدأ الموضوع من أوله ، عسى ان يكون بمقدرتى افادتك

المنطقة اللى انت عاوز تغطيها مساحتها قد ايه ؟
بنتكلم على دور واحد ؟؟ ولا اكتر ؟

لو معاك رسمة هندسية للبيت ابعت :)

----
و لحد ما ارجعلك تانى ، اليك ملحوظة :
لو بنتكلم على شقة مثلا 100 متر ،، حط اى نوع اكسس بوينت فى منتصفها بحيث يكون مش ملاصق لحائط ، و هايغطيلك الشقة و مااا بعدها كمان :)

طالما حضرتك هتبدأ الموضوع من أوله يبقى لازم تقرا الموضوع برده من أوله ههههههههه
أنا موضح في أول مشاركة إن المكان المراد تغطيته هو شقة فقط (150 م تقريبا) والمسافة اللي عايز أغطيها نص دايرة بقطر 20 متر تقريبا ويتخلل المسافة دي 3 حوائط
ودي رسمة توضيحية تقريبية للمكان (الشقة هي المساحة المظلله باللون السماوي فقط)

آخر نقطة أنا مش عايز أكسس بوينت :) أنا عندي اتنين وجربتهم وكان في مشاكل الإشارة علطول بتقطع فعايز أريح دماغي من القصة دي وأجيب راوتر واحد يغطي الشقة كلها
بس كده :)

المشاركة الأصلية كتبت بواسطة besso

طب انا هاقول لحضرتك على حاجه انا عندى راوتر تى داتا
والشقه عندنا 80 متر وبيغطى البيت كله 3 ادوار فى اى حته ولحد اخر اوضه 3 حوائط بردو وتقريبا الشارع كله عندنا
والحمد لله لا بيهنج ولا بيقطع و لا حاجه

ممكن لو حد تعرفه عنده الراوتر تجربه منه بس يوم على الاقل

وانا كمان عندى راوتر تى داتا وشغال ممتاز
وراوتر تى بى لينك واخده هديه من شركة لينك وشغال تمام