الموضوع: استفسار لخبراء الشبكات عن أفضل راوتر وايرلس يغطي أكبر مساحة للشقة كلها

المشاركة الأصلية كتبت بواسطة salamonti

صديقي انت مش محتاج راوتر ولا أكسس بوينت..

انت ممكن تشتري repeater بـ200 جنيه هايحل المشكلة :)
الريبيتر هياخد إشارة الراوتر الأساسي بتاعك ويعيد إرسالها لمسافة أبعد بدون أي تغيير..

بياخد وايرلس ويطلع وايرلس يعني مش محتاج توصيلات..
كل اللي عليك تحطه في فيشة كهربا في مكان وسط بين الراوتر وبين الحتة اللي عايز الإشارة توصل ليها وبس..
يعني في حالتك دي هاتركبه في أول الريسيبشن من ناحية الغرف وهايغطي المساحة المطلوبة :)

وده أمثلة للي بكلمك عنه :
d-link dap-1320 wireless range exte.. Price in egypt | digital dreams dds | egprices.com

tp-link tl-wa850re 300mbps universa.. Price in egypt | g stores | egprices.com


طبعا الدي لينك أحسن وأفضل من التي بي لينك لكن قليل شوية في المحلات

فكرت في الفكرة دي فعلا بس خايف تفشل زي الأكسس برده لأن يبدو إن المشكلة عندي أساسا من الراوتر نفسه فلازم أغيره أولا وبعدين أشوف لو حبيت أقوي الإشارة أركب أكسس أو ريبيتر لكن لو جبت راوتر محترم يغطي الشقة كلها فكفى الله المؤمنين القتال :)

المشاركة الأصلية كتبت بواسطة a_h_m_a_d

انا مجرب رواتر tp linl اكتر من مره , قوة التغطيه بتاعته جباره , انا ساكن في الدور الخامس و كنت بلقطه من الشارع , بجد جامد جدا , أنصحك تشتريه

أنهي موديل بالضبط لأن مش كل الموديلات زي بعضها في قوة الإشارة

المشاركة الأصلية كتبت بواسطة 4fun14

انا عندى اكسيس بوين tp-link
وعمره ما بيقطع معايا!
والرواتر كان ب 300 جنيه باين وزى الفل
واضح ان المشكله عندك فى الانترنت نفسه مش فى الراوتر ولا الاكسيس بوينت..او فى التليفون
وعلى فكره انا غيرت راوترات كتير واكسيس بوينت كتير والمشكله اللى كانت بتقابلنى فى المدى بتاع الوايرليس
لو قصدك بموضوع التقطيع ده عشان السيجنال ضعيفه يباه الحل سهر اوى..
اشترى اكسيس بوينت اللى ب 3 antenna
ده هيدلعك

مفيش مشكلة في الإنترنت ولا في الأكسس ، المشكلة في الراوتر إمكانياته مش أد كده وبدور على حاجة أقوى