الغريبة انى بلاقى الفلوانس هى العامل المشترك فى معظم المقارنات هنا بس اللى بيجننى تلاقى حد بيشكر وحد بيشتم نفسى مرة اخد معلومة بالتفصيل وتكون بأمانة بس من حد راكبها وسايقها
Seat leon
يا باشا هو حضرتك شايفنى سايق فيسبا ؟؟؟؟
انا معايا فلوانس فيس ليفت من شهر يناير اللى فات , وعربيتى والله, واللى باقولهولك ده عن تجربة ومش بافتى فى حاجة ماعرفهاش , وانا مش باعرف اسوق ببطء وعلى مهلى وكده , انا على طول مستعجل وسواقتى سريعة وبابقى محتاج سحب وشد, العربية بتدينى كل اللى انا محتاجه وتسارع ممتاز, بس فى اول 300 كم هاتكون فعلا بطيئة , وده عشان حاجتين عشان لسه ماتلينتش او عشان المفروض الواحد اصلا مايقرصش على العربية فى اول 3000 , وكمان عشان هاتكون انت لسه ماتعودتش على العربية وقلبك جمد , بعد كده هتلاقى عربية ممتازة فى سحبها وتسارعها ووممتازة فى الثبات, وعموما اللى عايز يركب الكورولا يروح يدفع 30 الف زيادة ويركبها حلال عليه يعنى .
سؤال لو سمحت
هوا حضرتك راكب عربية ايه ? ههههههههه
بهزر معاك متزعلش من الراجل جايز مأخدش بالو و الواحد وهوا بيشتري بيكون قاعد يفكر في اعادة البيع مع انه ممكن اوي ميبعش الا بعد 10 سنين و علي قطع غيار واللي هوا يمكن الرينو في حاجات كتيير بقت اقل من الياباني فا معلش حصل خير وبالنسبة للفيسبا انا مفيش لفة عليناا ???
أنا رأيي وباختصار شديد: الفلوينس أفضل سيارة في هذه المقارنة بلا منازع، من حيث كل حاجة، وأفضل قيمة مقابل سعر في هذه الفئة.. والله أعلم.
العفو
بس عندي تنويه على انى لما نزلت القاهرة من كام يوم وجدت ان السنترا هى اللى فى السعودية ومفيش فرق وكمان شكل التابلوة العقيم كنت اقصد به شكل الراديو والتكييف.
جميع السنترا واحد حالياً فى مصر او السعودية ومكتوب على جسم العربية إنها تقفيل تايلاندى.
من مميزات العربية انها عالية عن الارض ولما كنت على الطريق السريع اليوم وسرحت اثناء القيادة فوجئت ان العداد واصل ل 170... العربية ناعمة جدااا وكان المفروض يعملوا انذار سرعه على 120.
افضل عربية ركبتها كعفشة ومساعدين... للعلم انا ركبت هنا مازدا 3 و6 وتويوتا كورولا الجديدة غير اللانسر فى مصر والصنى والليفينا والالنترا قديم وجديد.
رأيي الشخصي اعمل تيست درايف للعربيات اللى بتفكر فيها وحاول تخلى ختيار القيادة فى يوم واحد ولو معرفتش أستأجر العربيات ليوم واحد ومش خسارة خالص الفلوس اللى حتدفعها مقابل انك تعرف الفروق.
عيوب العربية اعتقد اللى انا ذكرتها فقط ومفيش عربية من غير عيوب.
تحياتى لك
كنت عايز اضيف حاجة انا لسه مش عارف سببها ايه
العربية اللى فى مصر سعرها 175 الف مصرى توازى هنا فى المملكة الموديل والفئة اللى سعرها 70 الف ريال وده شئ مش طبيعى ﻷن المفروض على اساس سعرها هنا فى السعودية المفروض يكون سعرها فى مصر 224 الف جنيه
70.000x2x1.6
ارجو لو حد فاهم فى الجمارك يفهمنى وله جويل الشكر
مكانك اجيب فليونس