عايز ابيع الميجان

**Super_Star_h** · 09-12-2014 01:49 AM

بصراحه انا متردد فى البيع ! وقدامى ناس عايزه تخلص فيها
وصعبان عليا العربيه بعد ما ضبطتها
ومحتار اركب ايه
ولكن عايز عربيه قطع غيارها رخيصه واعتماديه ومشاكلها قليله وصيانتها بسيطه
ترشحولى ايه فى حدود 70 الف ؟ ده اخرى
انا قدامى عربيه نيسان صنى سوبر صالون حالتها نضيفه جدآ ولكن معرفش حاجه عن العربيه دى

**msenosy** · 09-12-2014 02:36 AM

هى دى مشكلة الميجان بجد .................. حتركب ايه بعدها
المشكله جرب العربية اللى حتجيبها الاول وشوف حتملى عينك كعربية بعد الميجان ولا لأ
الصنى ظريفه وبياعه وصيانتها اسهل من الميجان طبعا بس ثبات اقل شويه على السرعات العاليه لو بتحب تجرى او بتسافر كتير.
بس فعلا فى رينج السعر ده مفيش حاجه تتفوق على الميجان اللى حالتها نضيفه

**Super_Star_h** · 09-12-2014 04:06 AM

المشاركة الأصلية كتبت بواسطة msenosy

هى دى مشكلة الميجان بجد .................. حتركب ايه بعدها
المشكله جرب العربية اللى حتجيبها الاول وشوف حتملى عينك كعربية بعد الميجان ولا لأ
الصنى ظريفه وبياعه وصيانتها اسهل من الميجان طبعا بس ثبات اقل شويه على السرعات العاليه لو بتحب تجرى او بتسافر كتير.
بس فعلا فى رينج السعر ده مفيش حاجه تتفوق على الميجان اللى حالتها نضيفه

ما هو رغم ان الميجان مقرفه فى صيانتها ومشاكلها كتير وقطع غيار غاليه
ولكن هى ركوبه مالهاش حل بصراحه كفايه ثباتها غير طبيعى ودى اكتر حاجه عجبتنى فيها لان انا معظم مشاويرى مسافات طويله وسفر
بدخل بيها ملفات على اي سرعه ولا يهمها حاجه ,, ظلطه على الطريق
شديت بيها مع عربيات كتير وبى ام ومرسيدس الميجان بهدلتهم احلى بهدله وخصوصآ فى الملفات
انا عربيتى مكنتها تعتبر جديده كمان لانى كنت مسقطلها واحده استيراد
سحبها ما شاء الله

**mohamedbook** · 09-12-2014 06:58 AM

الي تعرفة احسن من الي متعرفوش خليك في الميجان بما ان هي عجباك
النيسان شكلها قليله جدا وقطع غيارها رخيصة ثبتها كويس انا مجربها
عبها الموتور صوتة عالي سنة
الصالون ضيق جدا جدا
قعده الكورسي بتاعتها مش موريحة بالمرة وبسبب عدم ارتياحي في قعده السيارة انا بعتها

**hardmind_doc** · 09-12-2014 07:46 AM

مدام ماعكش غير 70000 يبقى خليك فى الميجان احسن
او لو حابب ممكن تبص على جين2

**تامر.محمد** · 09-12-2014 09:14 AM

فعلا اي عربية تفكر فيها اركبها و سوقها الاول و شوف هاتقتنع ولا لأ

الموضوع مش سهل :)

**Mecha** · 09-12-2014 09:47 AM

هات ياباني وريح دماغك من الصيانه

**yasser100** · 09-12-2014 10:44 AM

عن تجارب , ناس نزلت من الميجان ما عرفتش تسوق عربيه بعدها , للاسف علشان تكون مرضى لازم لما تنزل منها تركب فئات اعلى و الا خليك فيها علشان ما تتعبش نفسيتك

**mfraig** · 09-12-2014 10:45 AM

لو العربيه فعلا مافيهاش مشاكل معاك خساره تبيعها واستحمل تكاليف سيانتها شويه هي صحيح الصني موتورها قوي وسحبها حلو ثباتها ممتاز بس مش زي الميجان بس اظن هتنبسط بثباتها برضه لكن طبعا ضيقه جدا جدا من جوه والكنبه الخلفيه اضيق حتى من الفيرنا وكمان استهلاك بنزين عالي بغباوه
انا شايف انها لو تاعباك ممكن الصني تكون بديل كويس خصوصا السوبر صالون بس حاول تنسى الميجان وماتحطش العربيتين في مقارنه خالص
ليا سؤال عندك عشان انا كمان عاوز عربيه في حدود 70000 هي تجيب سوبر صالون موديل كام وعامله كام كيلو وللا العربيه اللي قدامك ده لقطه لاني اظن انها اغلى من كده خصوصا لو حاله حلوه

-

الموضوع: عايز ابيع الميجان

LinkBack

أدوات الموضوع

عرض

عايز ابيع الميجان - انشر الموضوع فى :

-

-

-

-

-

المواضيع المتشابهه

استلمت نيسان صني الشكل القديم 2015 و لسه مرخصتش و عايز ابيع و عايز رايكم

للاسف قررت ابيع الميجان بتاعتي

قررت ابيع عربيتي الميجان هاتشباك

مش عارف ابيع الميجان

ابيع الميجان و اجيب بيكاسو c4

الكلمات الدلالية لهذا الموضوع

المفضلات

المفضلات

ضوابط المشاركة