الموضوع: معادلة التسعير المصرية

ياسيدى هى الناس بتشترى العربية ليه
طيب هى مصنوعة ليه
هل هى مضرة ام نافعة
هل هى رفاهية ام من لزوم الحياه كالكهرباء؟؟؟

• تم اختراع العربيات لكى تطوى المسافات لتصل بركابها فى ساعات لنقطة كانوا يصلوا لها فى اسابيع مشيا او على دواب
• مصنوعة لتيسير حياة الافراد بسبب المدن الكبيرة (كانوا فى بورسعيد يستعملون العجل لصغر البلد او الحنطور)
• هى نافعة بانجازها للوقت وراحتها وخدمتها للآنسان ، ولكنها فى منتهى الخطورة حوادثها(بعيد عنكم) اصاباتها بالغة ونسبة الوفاة فى السرعات العالية كبيرة جدا ، كذلك هى آلة مدمرة كلما كبر حجمها (حاول كده تقف فى وش نقل) الله يرحمك
• ولم تعد ادنى رفاهية طالما فى حدود المعقول(الايرباجز ، abs، وحتى المسح الرادارى للطريق ليس رفاهية، gbs،عجل عريض، سبويلر،)كل هذا اساسيات للأمان ليس إلا
• اذن يجب معاملتها انها ليست رفاهية ، الرفاهية فى كبر الموتور عن 2400 ، عن وسع العربية او طولها الزائد او ابواب زائدة، تطعيمها بالذهب او اى تكلفة غير معقولة زائدة، ولا حتى الفرش الجلد رفاهية ، يعنى لازم نقعد على بلاستيك وسفنج قابل للإشتعال
• فى جونا ده فى القاهرة التكييف فى الصيف ليس رفاهية ، العربية بتكون فرن من جوة ، وترهق السائق بشدة وانظروا لسائقى الناكسيات كيف يعانون

الحل توضع مواصفات لسيارة تحترم كرامة البشر ، والزائد خد عليه اللى انت عايزه ، عربية لكل مواطن لا تحسب فيها الزوجة او الاولاد دون 21 سنة ، وهذه السيارة يأخذ عليها ضريبة مبسطة لكى يقضى الناس حوائجهم اللى عايز اكثر من سيارة او فارهة 6 سلندر او 8 2800 او 3000 سى سى يدفع ، ساعتها ينظبط السوق
الناس بتعمل كده فى الكمبيوتر ، اسأل نفسك غيرت كام كمبيوتر آخر 5 سنين ، اشمعنى العربية ، ماهو بينزل الاحدث والاقوى على نفس السعر ، ليه افضل شاربها 10 او 15 او 20 الى 30 سنة ، علشان معييش
لما خفضوا الضرايب لموا مليارات بعد أن كانت الضرائب واقفة خالص
العربيات يا اخواننا ، العربيات موش هاتزيد ولكن مستواها هايتحسن ، مع رفع الدعم تماما عن البنزين تماما ، واللى كان بيلمه فى الجمارك هايلمه فى البنزين ، والتوكيلات تنتعش يامعلم
يبقى اللى عايز يلف يدفع ، واللى موش عايز يركب مواصلات عامة علشان يوفر
هل حد شاف منظر مترو الانفاق فى اليابان، بيزقوا الناس فيه علشان الباب يقفل ، ودول معندهمش عربيات ، طبعا لأ بس مرواح الشغل كده اوفر لأن البنزين غالى جدا واسرع (العربيات اليابانى اقل استهلاك للبنزين لغلوه الشديد فى اليابان)
وده اللى هايحصل فى بلدنا ، الهم خفض اسعار السيارات لما هو طبيعى فى العالم كله

المشاركة الأصلية كتبت بواسطة mohamed hatem

بقيت بحس ان المواضيع اللي بتتعمل في ملحق الاهرام كلها دعاية مدفوعة الاجر ...ومفيش صحفي واحد كتب عن مساوء عربية ...ولا حتى قيمها من حيث تطابقها للبيئة المصرية

يا باشا ما ده الطبيعى و الحقيقة فعلا

اتحداك لو ملقتش على الاقل تقرير واحد كل اسبوع فى الملحق عنوانه كده

"....... الاكبر و الاقوى و الاوسع فى فئتها"

و تلاقيه تانى اسبوع جابلك عربية من نفس الفئة و كاتب عليها نفس العنوان اللذيذ ده

مش عارف هما ميعرفوش الفرق بين الفئات ولا فاكرنا احنا اللى جاهلة ولا ايه

و ثانيا جريدة متخصصة فى السيارات ازاى متعملش تست درايف لعربية قبل ما تكتب عنها مقال

و ازاى متكتبش عيوب العربية زى ما بتقعد تكتب فى المميزات و الكماليات ولا اكنها بتتكلم على مايبخ ولا رولز رويس