الموضوع: موضوع لللنقاش وماحدث لي مع توكيل كيا

انا يا جماعة حاقولكوا على موقف حصل معايا بمنتهي الامانة مع توكيل كيا ابو رواش ، انا معايا كارينز خليجي ، وكلن في صوت طقطقة لما بلف الدركسيون يمين وشمال والعربية واقفة ، المهم الناس روحتلهم وقولتلهم على المشكلة ، وقولتلهم لن انا كنت مغير بطاحات في فرع كيا القطامية من 4 شهور ، المهم الناس خدوا العربية وكشفوا على العفشة كلها وفكوها حتة حتة ، وعملوا تجربة لكل حاجة والراجل الكوري بتاع الدعم الفني كان موجود ، وطلعوا جربوا العربية كذا مرة ، وقالولي ان العربية مافيهاش حاجة ، وسمعني الصوت في كذا عربية تانية كارينز وسبورتاج ، وقالي دي حاجة عادية لما الارض تكون على حصو او رمل خشن ، وكان ساعة دفع مصاريف الكشف ، وكان الحساب زيروووو ، ماخدوش ولا مليم ، أدوني تصريح خروج ومشيت ، مع ان العربية خليجي مش وكيل، بصراحة وكانت معاملة في منتهي الادب ، حتي انا استغربت ، وقولتله مش انتوا نزلتوا اعلان في الجريدة من شهر انكم مش هتقبلوا اي عربية خليجي في التوكيل عندكم ، الراجل رد عليه وقالي يا فندم ، احنا وكيل ماركة كيا في مصر ، ومسئولين عن اي عربية تحمل ماركة كيا ونصلحها ، بس الفرق انا حضرتك مبتتحملش تمن قطعة الغيار التالفة في الضمان لأانك دافع حق الضمان ، اما الخليجي لان ما اشترتوش ومادخلتوش بي دي اي عندي في المصنع فمش كاشف عليه وبالتالي مبضمنوش ، وضمانه مش عندي، عند اللي استورده ، بصراحة كان كلامه منطقي وصريح ، وشكرتهم وشربت الشاي واتكلت على الله