الموضوع: موضوع لللنقاش وماحدث لي مع توكيل كيا

السلام عليكم
حبيت اشاركم الى حصل معايا مع توكيل كيا هنا فى السعوديه الى هو الجبر وهل ده ممكن يتم فى اى توكيل فى مصرنا الحبيبه
انا الحمد لله معايا سيراتو كوبيه 2011 عامله 40 الف كيلو المهم عندى زرار فتحه السقف الاولاد عندى كسروه فرحت التوكيل قلت اسال عليه واشتريه لانى كنت معتقد انه اكيد على مادام انا الى كسره يبقى اشتريه انا المهم سالت بتاع قطع الغيار قالى مش بيجى لوحده بيجى كامل مع اضائه الصالون
المهم قولتلهم عايز اغيره فقالى طيب وطلبه لانه ماكنش موجود المهم رحتلهم بعد كام يوم وجابوه فسالته بكام قالى ده على الضمان بصراحه استغربت لانى متعود ادفع فى اى حاجه فى التوكيل المهم الفنى وهو بيركبه اقعدت ادردش معاه لان عندى كمان
تقشير فى الدركسيون وتقشير فى الجلده الى بتغطى الفتيس وتقشير فى ضهر الكرسى بتاعى لانه جلد
ووقعت على الصاعقه انه ممكن كله يتغير على الضمان فبقيت مزبهل الناس ده بتهرج ده انا فى اعتقادى ان كل الحاجات ده مستهلكه وللعلم الضمان عندى 5 سنوات او 100 الف ايهما اقرب
المهم دخلت للريسبشن وقلته على الحاجات ده قالى اه بس هنحتاج نصورها وناخد عليها ابروفال فقلتله ماشى وعملى الطلب ورحت مع الفنى الى هما هنا كلهم من الفلبين ووانا معاه شاف الفوانيس عندى الى قدام قالى ده كمان تتغير قلتله ليه فورانى من جوه تحس انها مشرطه كده
تصدقوا ياجماعه انا مابقتش مصدق فقلت اسالكم الكلام ده ممكن يحصل عندنا فى التوكيلات واكتشفت انه هما هنا كل الى بيعملوه بيبعتوا للشركه فى كوريا كل الحاجات ده يعنى مابيدفعوش حاجه غير الايدى العامله
والحمد لله غيرت كل الحاجات ده بحاجات تانيه جديه وهى
الفوانيس الاماميه و ضهر الكرسى للسواق وجلده الى بتغطى الفتيس من فوق والدركسيون وممكن اصورهالكم وانزلها لو مش مصدقين لان انا نفسى لحد دلوقتى مش مصدق
بجد انا عايز اعرف توكيلاتنا بتعمل كده ولا لا ولو مابتعملش يبقى ليه وهما مش هيدفعوا حاجه فيها موضوع لللنقاش