استفسارات عن حساب في بنك الاهلي المصري

**Bassem Youssef** · 13-12-2014 04:17 AM

ان شاء الله ناوي استخدام حساب جاري بتاع ابن عمي

الحساب له كارت بنسحب بيه الفلوس من ال atm

عايز اعرف بقه

1) هل ينفع ادفع online عن طريق الحساب ده؟

2) هل ينفع استقبل مبلغ اقل من 3000 دولار من خارج مصر علي الحساب ده؟ طب لو مينفعش اعمل ايه؟ اثباتات و مستندات المبلغ ده هتبقي موجوده للعلم

3) هنفترض ان مينفعش الحساب يستقبل الا جنيه مصري ... هل تحويل ال 3000 دولار ده هيقف و لا هيتحول لجنيه مصري بشكل اوتوماتيكي و ينزل في الحساب عادي؟

4) ابن عمي كان فاتح الحساب من 3 سنين و مش مكتوب الا بكالوريوس هندسه في خانه الوظيفه في البطاقه و بيعمل شويه تحويلات بمبالغ في حدود 15 الف جنيه كمصاريف كليه خاصه داخل مصر ... هل كده ممكن تحصل مشكله معاه؟

5) انا محتاج ال SWIFT code بتاع الحساب ده ... البنك هيرضي يقولنا عليه عادي؟ و لا هيبقي في مشكله؟

ياريت اللي عنده معلومه مؤكده يقولي

**salodas** · 13-12-2014 07:39 AM

المشاركة الأصلية كتبت بواسطة باسم يوسف

ان شاء الله ناوي استخدام حساب جاري بتاع ابن عمي

الحساب له كارت بنسحب بيه الفلوس من ال atm

عايز اعرف بقه

1) هل ينفع ادفع online عن طريق الحساب ده؟
لازم تفعل الخدمة عن طريق فرع البنك .

2) هل ينفع استقبل مبلغ اقل من 3000 دولار من خارج مصر علي الحساب ده؟ طب لو مينفعش اعمل ايه؟ اثباتات و مستندات المبلغ ده هتبقي موجوده للعلم
ينفع عادى جدا ... لو الحساب دولار الفلوس تنزل دولار ولو الحساب مصرى الفلوس تتحول أتوماتك مصرى .ومش مطلوب أى مستندات

3) هنفترض ان مينفعش الحساب يستقبل الا جنيه مصري ... هل تحويل ال 3000 دولار ده هيقف و لا هيتحول لجنيه مصري بشكل اوتوماتيكي و ينزل في الحساب عادي؟
الفلوس هتتحول اتوماتك مصرى .

4) ابن عمي كان فاتح الحساب من 3 سنين و مش مكتوب الا بكالوريوس هندسه في خانه الوظيفه في البطاقه و بيعمل شويه تحويلات بمبالغ في حدود 15 الف جنيه كمصاريف كليه خاصه داخل مصر ... هل كده ممكن تحصل مشكله معاه؟
مش عارف

5) انا محتاج ال SWIFT code بتاع الحساب ده ... البنك هيرضي يقولنا عليه عادي؟ و لا هيبقي في مشكله؟
طبعا هيقولك لأنه مش سر ...دى حاجة مطلوبة وخصوصا انك بتحول فلوس من خارج مصر ... ممكن تجيبة بالتليفون من خدمة العملا أو من النت ... أو من أى فرع .

ياريت اللي عنده معلومه مؤكده يقولي

**Hunting_Eagle** · 13-12-2014 12:19 PM

3) ما ينفعش تستقبل تحويل دولارات على حساب بالجنيه المصري .. مش متأكد مصير الدولارات هيبقى التحويل للجنيه المصري و لا لأ .. بس اللي اعرفه انك علشان تستقبل دولارات على حساب في بنك لازم يبقى الحساب بالدولار

5) السويفت كود بيبقى هو نفسه رقم الحساب و زيادة عليه حوالي 6 ارقام في الاول .. خد رقم الحساب و روح خدمة العملاء و قولهم الحساب ده هيتعمل عليه تحويل من دولة كذا .. السويفت كود بتاعه ايه

خلي بالك ان تحويلات الدولار من الخارج على الحساب مش هتقدر تصرفها الا لو كان ليك توقيع على الحساب .. لأن ال atm بتصرف مصري بس

**ali ashraf** · 13-12-2014 01:12 PM

أستاذ باسم لو الموضوع هيتكرر كتير لازم تفتح حساب بالدولار لو مش كتير فى حل سهل جدا و هو ان الشخص اللى هيحول الفلوس من الخارج يبعتها على شكل حوالة لأى فرع بنك شركة تحويل الاموال تكون بتتعامل معاه من البلد المتواجد فيها و الحوالة بيذكر فيها بيانات الشخص اللى هيسحب الحوالة فقط بالبساطة دى بدون الحاجة لأى رصيد بالبنك ومبلغ 3000 دولار مصاريف الحوالة هتكون مبلغ بسيط جدا بالتوفيق ان شاء الله

**Bassem Youssef** · 13-12-2014 03:53 PM

استاذ salodas : حضرتك متأكد ان الفلوس هتتحول لجنيه مصري اوتوماتيك ؟ و هل محتاج اعمل تفعيل لاستقبال الفلوس زي الدفع online كده و لا الحساب هيستقبل اوتوماتيك ؟

استاذ Hunting_Eagle : هو ال swift code بيختلف علي حسب الدوله اللي هيتحول منها الفلوس ؟ ايه موضوع التوقيع علي الحساب ده ؟ ان شاء الله لما الفلوس توصل هخليها بالمصري و اخلي ابن عمي يسحبها من الحساب عادي ... هل كده في مشكله ؟

استاذ ali ashraf : موضوع التحويل هيبقي مره او مرتين بالكتير اوي ... انا حاولت في موضوع western union و لكن منفعش للاسف

**Karim Alaa** · 13-12-2014 04:06 PM

انا كنت فاتح حساب بالجنيه فى سوستيه جينرال (بنك قطر) و عند اول تحويل وصلى بالدولار فاتحولى حساب فرعى بالدولار بمصاريف 3 دولار على كل تحويل و الحساب بقى بالدولار و سحب بالدولار سحبت من البنك دولار الكلام ده بدايه من 2013 حتى الان

**Hunting_Eagle** · 13-12-2014 06:10 PM

المشاركة الأصلية كتبت بواسطة باسم يوسف

استاذ salodas : حضرتك متأكد ان الفلوس هتتحول لجنيه مصري اوتوماتيك ؟ و هل محتاج اعمل تفعيل لاستقبال الفلوس زي الدفع online كده و لا الحساب هيستقبل اوتوماتيك ؟

استاذ hunting_eagle : هو ال swift code بيختلف علي حسب الدوله اللي هيتحول منها الفلوس ؟ ايه موضوع التوقيع علي الحساب ده ؟ ان شاء الله لما الفلوس توصل هخليها بالمصري و اخلي ابن عمي يسحبها من الحساب عادي ... هل كده في مشكله ؟

استاذ ali ashraf : موضوع التحويل هيبقي مره او مرتين بالكتير اوي ... انا حاولت في موضوع western union و لكن منفعش للاسف

مش متأكد اذا كان السويفت كود بيتغير بتغير الدولة و لا لأ .. بس انت مش هتخسر .. اعرف السويفت كود للدولة اللي انت هتجيلك فلوس منها و اسالهم ده ينفع للتحويل من اي مكان و لا لأ

التوقيع على الحساب ده انا قصدي بيه .. ان انت مش صاحب الحساب فلازم صاحب الحساب هو اللي يسحب التحويل .. و بما انك بتقول ابن عمك هو اللي هيسحب و هو صاحب الحساب يبقى تمام كده

في حل تاني سريع انا بعمله من غير الوش ده
بتروح شركة صرافة في الدولة اللي انت فيها .. تعمل تحويل للمبلغ باسم فلان على البنك الأهلي او بنك مصر .. فلان ده بيروح يستلم ببطاقته الشخصية او جواز السفر من البنك من فسم الحولات بدون فتح حساب و الوش ده كله .. اهم حاجة بطاقة سارية او جواز سفر ساري

الموضوع ده بعمله على طول تحويلات بالجنيه .. ناس كتير بردو بتعمله تحويلات بالدولار