قولت لزميلتي انا معجب بيكي ؟ محتاج مساعدة

**الفجر** · 13-12-2014 05:31 PM

راى شخصى ان جايلها عرسان غيرك وبتقارن بينك وبين ناس تانية وبتشوف الاجهز والأفضل ويشيل الليلة ..... للأسف دة طريقة تفكير البنات اليومين دول

ثانيا حضراتك لسة صغير في سن ولسة ياماهتشوف وهتختار

أخيرا

فكر انك تظهر ليه انك بدئت تصرف النظر عن الموضوع وتفكر في ارتباط اخر لو فعلا كانت شرياك هتجرى وراك تلحقك وربنا يوفقك

**Yasser Farid** · 13-12-2014 06:08 PM

بعيدا عن كل الاعتبارات
البنت ردها دبلوماسي وفوري
ودا ليه مدلولات كتيرة

**amr011111** · 13-12-2014 06:22 PM

انت دلوقتى في سنه تانيه وعاوز تخطب على تالته يبقى مكنتش كلمتها من دلوقتى وبعدين ايه اللى هيفرق لو خطبتها دلوقتى عن ما خطبتها السنه الجايه دى كلها نص تيراهم حاجه تبقى عارف ظروفك من دلوقتي يعنى مينفعش تروح تخطب وانت معندكش شقه ومينفعش تروح تخطب الا لوعارف ان والدك هيصرف عليك وعليها لما تكون فى الجيش على اساس انك هتتجوز بعد التخرج لو كل الامور ديه تمام روح اخطب من دلوقتى علشانىفى قعدة الاتفاق هتلاقيها ابوها هيسالك عندك شقه ولا وبقية الامور وبالتوفيق

**ibrahim sallam** · 13-12-2014 06:28 PM

هو واضح جدا من خلال كلام حضرتك انك في سن ( صغير) الى حد ما وكذلك هي.

ومن خلال ردها على كلام حضرتك يتضح تفسير معين.

إن البنت ليس عندها مانع في الارتباط بك كمبدأ عندها.

لكنها ترى أن الوقت غير مناسب لإعتبارات تخصها شخصيا( ماهي الله اعلم).

أنا بشوف لو حضرتك حاسس إن البنت من النوع الذي يستحق الاقتناء

عليك بالخطوه التاليه بدون زياده او نقصان وتتلخص في جمله منك لها مباشرة وهي.

(أستاذة فلانه سبق وقلت لحضرتك اني معجب بحضرتك ساكون سعيد جدا بالارتباط بحضرتك وده مش هيكون

سبب ابدا لإنشغالك عن دراستك او تعطيلك في شيء بالعكس انا اتوقع تكون خطوبيتنا دافع لتميزنا وتفوقنا في

دراستنا لاني فعلا حريص على وجودك في حياتي انا مش منتظر رد دلوقتي انا هنتظر ردك بعد اسبوع واتمنى

يكون ردا يسعد قلبي) وتسبها وتمشي ومش تديها اي فرصه لماقطعتك او انها ترد عليك

وفي خلال الاسبوع حاول تختفي عن نظرها

ومتنساش تعزمنا على الفرح يا كبير:)

**أحمد كمال** · 13-12-2014 06:54 PM

المشاركة الأصلية كتبت بواسطة dede_dodo88

طب و ليه متكنش هي فعلاً مش بتفكر في الأرتباط في المرحلة الحالية ؟!..

أعتقد أن البنات تفكيرهن أختلف كتير عن زمان, يعني موضوع الجواز ده مبقاش ليه أولوية عند كتير من البنات دلوقتي, خصوصاً المتفوق منهن في حياتهن الدراسية و العملية بيبقى الأولوية عندهن تحسين وضعهن الأجتماعي و أثبات نفسهن في المجتمع..
يمكن يكون هي بتفكر بالأسلوب ده, و يمكن يكون في سبب تاني يمنعها عن الأرتباط..

هو كويس طبعاً أنك بتفكر تخش رسمي في موضوع الجواز ده من دلوقتي, لأن بجد الدنيا كل مدى بتزداد تعقيد و احتمالية الجواز بتزداد صعوبة لما بتعدي مرحلة الجامعة و تبتدي تكبر في السن..

أنا رأيي المتواضع أنك ممكن تحاول تتكلم معاها تاني و تفهم سبب الرفض ايه و هل رفضها ده لمرحلة مؤقتة ولا هي رافضة المبدأ من الأساس, بس لو لاقيتها مش متقبلة الكلام فخلاص متحاولش معاها تاني لا من قريب ولا من بعيد و يستحسن متفكرش فيها تاني أحتراماً لنفسك و لقرارها..

عشان اللي رافضة الارتباط دلوقتي بتقول انا رافضة الارتباط دلوقتي

اللي بتقول انا رافضة الارتباط دلوقتي بس مش عايزة اخسرك و انت حلو و كويس و بتاع دي مش عايزاك دلوقتي بس عايزة تركنك استبن يمكن تنفع في يوم من الايام

**mohamedFTW** · 13-12-2014 10:27 PM

شكرا بجد علي الردود و المساعدة

**MuhamedNabil** · 13-12-2014 11:20 PM

المشاركة الأصلية كتبت بواسطة yasser farid

بعيدا عن كل الاعتبارات
البنت ردها دبلوماسي وفوري
ودا ليه مدلولات كتيرة

المشاركة الأصلية كتبت بواسطة هيثم مجدي

ردها السريع عليك و بالترتيب اللي حضرتك بتقوله دا هو اللي غريب ولازم تنتبه ليه كويس
تاني

و انا بضم صوتى ليكوا برضه,

هى عندها خبرة فى التعامل مع المواقف دى اكتر منك , و وارد يكون ان اتقدملها غيرك و بما انها بنت فالرد ده يحتمل معنيين و سعات اكتر :)

- لا انت لازم تتعب اكتر شوية لو فعلا عايزنى
- رفض شيك عشان ميبقاش فى حساسيات فى التعامل العادى بما انوكوا فى جامعة واحد و كدة

فالحلتيين ابعد سنة صغيرة او خليك على نفس المسافة و انت فى وقت قصير حتعرف هى كان قصدها ايه.

و ربنا معاك

**molla** · 14-12-2014 12:42 AM

مع كامل احترامي لكل الاراء ، اجبلك من الاخر يا باشا ، مفيش بنت هتقولها كدة هتقولك اه انا موافقة هيه عايزاك تبدأ تكلمها و تقرب منها و واحدة واحدة هتقولك انها موافقه و خد بالك مفيش حاجة اسمها اخطب في ٣ جامعة و لا اهلها و لا حتي هيه هتوافق انا زي اخوك الكبير و عارف بقولك ايه ، لسه الجيش و تلاقي شغل ثابت و دخله معقول ده علي اعتبار انك مستريح و شقتك و عربيتك موجودة ، بالتوفيق و نصيحة علي جنب عيش حياتك في الجامعة علي قد ما تقدر بس ركز في دراستك اوي عشان في الاخر محدش قاعدلك غير شغلك و دراستك و مفيش اي بنت مهما كانت محترمة و كويسة هتتمسك بحد لو فشل في شغل او دراسة

**blazer** · 14-12-2014 01:11 AM

والله انا راى الشخصى مترتبطتش دلوقتى
انت لسه سنك صغير وياما هتقابل بنات وتعجب ببنات ,, ومتفتكرش ان البنت دى هى احسن بنت فى الكون لانك هتفكر ان هى دى البنت الى هتسعدك و بعد فتره من الوقت هتلاقى تفكيرك يتغير و تلاقى اولويات تانية ظهرت فى حياتك
نصيحة ابعد عن الارتباط دلوقتى تماما و ركز فى مستقبلك و دراستك وشغلك و لو ربنا كاتبلك انك ترتبط بيها هترتبط بيها ويمكن ربنا كاتبلك انه يرزقك الاحسن منها