عاااااجل..مقبل علي شراء جين 2 2007.ومحتاج شوية معلومات من خبراء الجين 2....

**tamer_ahlawyy** · 14-12-2014 10:01 PM

السلام عليكم....
تحياتي اولا لكل اعضاء المنتدي...وتقريبا كده هبقي عضو دائم معاكم الفتره الجايه...وليا الشرف...
انا بقالي فتره بدور علي عربيه وكنت بدور علي نوبيرا...
وفجاه ظهر امامي بروتون جين 2 ...2007...ماشيه 24 الف كيلو...فابريكه بالكامل عدا اكصدام امامي مرشوش نظافه فقط....
المهم انا احتارت جداااا ...
مخاوفي تتمثل في التالي:
1- هل قطع الغيار غاليه...يعني مثلا مساعدين علبه دركسيون...كبالن ...اسطوانه....الحاجات الاستهلاكيه دي....
2- هل هخسر فيها لما اجي ابيع اوووي...
3 - سعرها 60 الف ..ووصلت مع الراجل 58 بالعاااااااافيه اووووي.السعى كويس ولا كتير ؟؟؟؟
4- قلقان من العداد لان هل معقول 2007 و مكملتش 24 الف كيلو...هل الجين 2 ممكن يتلعب في العداد...
5 - واخيراااا اكشف عليها فين ف مكان قريب من وسط البلد..... في ناس قالتلي بنزينه شيل ال عند نادي السكه....
محتاج رايكم بسرعه جدااااا لان علي اساسه هقرر هشتري او لأ. ....
شكرااااا
ان

**tamer_ahlawyy** · 14-12-2014 11:51 PM

ياااا نهار ازرق ..135 مشاهده.....ولا رد واحد

**Mamoud salah H** · 15-12-2014 12:47 AM

اكشف في توتوال شارع يوسف عباس خلف السراج مول مدينة نصر
والعرية بالسعر والموافات دي لقطة

**Dr\Mohamed** · 15-12-2014 06:56 AM

وعليكم السلام ورحمة الله وبركاته
أولا ربنا يقدر لك الخير حيث كان
شوف يا أخي العربية سعرها كويس جدا فإن شاء الله مفيش خسارة ولا حاجة عند اعادة البيع ولكن بشرط إنها تكون فعلا بالمواصفات دي فلازم تتأكد كويس وأظن أحسن مكان للكشف عليها فيه هو التوكيل "معرفشي أماكن تانية وسامحني في الحتة دي لأني مش من سكان القاهرة" وبالنسبة لموضوع العداد فعلا حاجة تحير 7 ولا 8 سنين و 24 ألف كيلو بس غريبة شوية بس كونها فابريكة ما عدا الاكصدام الأمامي يمكن صاحبها ما كنشي بيستخدمها كتير ويمكن برده ملعوب فيه فكر في حاجات تانية مثلا الدريكسيون لسه خشن ولا اتمسح وبقى أملس وكذلك الدواسات وصالون العربية كل دي حاجات هتدل على عمر العربية
قطع الغيار للأسف معنديش فكرة عنها قوي

ولا تنسى صلاة الاستخارة

دمت بخير

**carrier** · 15-12-2014 08:43 AM

تعالى قابلنى بالعربية عند الميكانيكى بتاعى ب 50ج يكشف لك عليها كويس
وانا
ليا نظرة خاصة لأن
رش الاكصدام محتاج نظرة تانية خالص هعرفها لما اشووف

وموفق على اى حال