ياباشا عذرا ولكن كلام حضرتك عن أسعار قطع غيار السوزوكي غير صحيح تماما
فوانيس الماروتي حضرتك سعرها 150 جينه الأصلي الهندي بتاعها
التيل بتاعها بـ 80 جنيه في التوكيل وهلم جرا
أنا معايا سوزوكي ألتو لمدة 6 سنوات ... واشترتلها حاجات كثير فوانيس وإكصدامات أمامي وخلفي وقطع مختلفة ... مافيش حاجة منهم سعرها عدى الـ 300 جنيه غير الرادياتير بتاعها لما اتخبط في بلاعة عالية وكان بـ 350
فوانيس السويفت الأمامية سعرها 500 جنيه .. والإكصدام الخلفي بالرش والتركيب بـ 550 والفانوس الخلفي بـ 200 أو 300 وحاجة تقريبا في التوكيل .. كل ده وهي عربية جديدة لسة نازلة السنة دي
وفي ناس كثير على جروب السوزوكي على الفيس كانوا عاملين حوادث وعربياتهم دخلت التوكيل واتصلحت جوة التأمين وخلصت واتسلمت في أسبوع زمن وأكثر من واحد ... ده مافيش توكيل في مصر بيعمل كدة !!
الصيانات بتاعتها تعتبر ببلاش لغاية دلوقتي ... جنب توكيلات كتيرة تانية
وآسف طبعا عن الكلام على السويفت في الموضوع هنا والخروج عن هدفه ولكنه كان مجرد رد على سؤال مش أكثر
المفضلات